أرض لله

الليله باسولف لكم
سالفه قديمه من زمان
سامعها يوم عمري ثمان
عن شخص فقير
سافرمن البصره إلى البحرين
في بوم
كان يعبد الله
كان يصلي كان يصوم
صاحبنا يوم في بلادنا دار
كم ليله وكم نهار
جمع له كم نوطبالتعب
مخه اشتغل زين وتعب
قال انا ريال مستطيع
ليش مااشتري لي اليوم جدر
اطبخ لى فيه نخي وابيع
النخي أكله اشقد هني
عند الفقير وعند الغني
قال :والله هالفكره تمام
وصفق بيديه ، وقال : ياسلام.
مانبي سالفتناتطول
بصرينا مثلات مايقول ...
ياب الجدر والمفرفه
وكل فلس في مخباه اصرفه
والمسأله ألحين بدت
واتلخبطت ...... واتشربكت
البصري صاحب النخي كان
كل ماتعدله في مكان
قالواله : قوم ذي حق فلان
وظل الفقير محتار عدل
إبجدره ووسط السوق يحوس
ها لأرض لشاهين بن سند
وهذي إللي يمها حق حمد
والزاوية إللي في شمال
حق هندي إسمه راتيلال
داخ الفقير ، قال :مايصير
والآدمي ليت اقتهر
ما يخاف من الجني الحمر.......