أرمله

1. بخصوص عيالي وعيالي وكيف بنظم وقتنا لبعض وللعيال


2. طلب مني ان يشوفني وياني الدوام يشوفني يعني في مكان رسمي

مرحبا خواتي
حبيت اعرض لكم مشكلتي
بختصرها لكم ويليت احصل عندكم الحل
انا ارمله من فتره ربيعت الوالده اتصلت تسأل عني لو ماعندي مانع اني اتزوج
وامي قالت اني ماعندي مانع بس يمكن يكون عندي شروط المهم اتفقوا امي وام الريال ان نكلم بعض في البدايه (انا والمعرس) عشان نكون واضحين من البدايه
امي عطتهم رقمي واتصل الريال فيني والحمد لله اتفقنا على امور وايده

بخصوص عيالي وعيالي وكيف بنظم وقتنا لبعض وللعيال

طلب مني ان يشوفني وياني الدوام يشوفني يعني في مكان رسمي

والحمد لله عيبته كشكل وبعدين طلبت منه ان ننهي المكالمات من بيننا ومايتصل لين ما يكون شي رسمي من بيننا قال لي اول شي يبي يخلص امور طلاقه مع الحرمه لان من بينهم قضايا ومشاكل طلاق انا قلت خلاص يوم بتخلص امورك تقدم لكن من غير ما يكون اتصال بس هو رفض وانا قلت ماقدر اكلمك بس كان يتصل كل يوم يسال عني وياخذ اخباري وطبعا بعد نتفق على امور وفي يوم كانت المكالمه مثل اي مكالمه قبل بس خبرني ان ما يبي عيال هو عنده وانا عندي يعني حاليا ما يبي واني انسى اني اييب عيال في السنوات الاولى من الزواج انا قلت له انا خاطري بعيال ومش مفكره ااخر الحمل لان انا مش صغيره صراحه ويكفينا واحد يكون بيني وبينه وطبعا ما تجادلنا بالموضوع وايد غيرنا الموضوع وكملنا المكالمه مثل اي مكالمه كانت .. لكن من بعد هالمكالمه قطع فجأه وانا اتصلت فيه ومارد علي وطرشت مسج بعد مارد علي وقطعته حتى ارقامه انسمحت مني والحين تقريبا صار اسبوعين والمفروض بعد اسبوعين جلسة الطلاق وطبعا امور الطلاق تطول وانا بصراحه اتريه اتصال او مسج منه لاني ارتحت له وايد واستخرت كم مره
ومن بعد انقطاعه حلمت كذا حلم زين وتفسيره زين وامي وامه على اتصال مع بعض وما اعتقد ان امه تعرف ان قطع اتصالاته مني
الحين اللي محيرني ليش قطع؟؟
اتمنى انكم تتجاوبون معاي لاني ضايجه وايد ويليت تعطوني الحل
لاني اتمنى هالانسان يكون لي والله صدق ارتحت له وايد