أريد عرض مشوق للأطفال بليز ساعدوني

هلا بك يامرهفة الإحساس وكان الله في عونك أنا زيك من السنه هذي أدرس في حلقة تحفيظ وسأعرض عليكي بعض أنشطتي لعلك تستفيدين :
أول حاجة سويت تاج من الورق بطريقة بسيطة وسهلة لكن ألوانه جذابه وصرت ألبسه للبنت المثالية في كل يوم طالبة إما تكون مثالية في حفظها أو مواظبتها أو سلوكها . فصارو البنات يتسابقون للحصول على التاج .
وفيه طريقة ثانية اللي هي طريقة الكروت البنت اللي تجيني حافظة أعطيها كرت والكروت هذي بحجم كروت المحفظة يعني صغيرة نوع للي تحفظ الأذكار ونوع للي تحفظ السورة وهكذا
إذا كانت أفكاري عاجبتك كملت . .

جزاك الله خير كثير
والله مره فرحني ردك ومره حلوه والله افكارك ..
وياليتك والله تكملي الافكار كلها حلوه ..
وانا ان شاء الله كمان لو عندي شي بحطه عشان نتبدال الفائده هنا
الف شكر لك اختي وبنتظارك..

بما إن أفكاري عجبتك راح أكمل أمس طلبت من طالباتي يحضرون الكروت اللي جمعوها وكل وحده منهم جابت كروتها وما تتخيلين الفرحة والتنافس اللي هم فيها بعدين وش صارت الجائزة
حضرت لهم كروت بنفس الحجم وحطيت عليها صور سندويشات أو دونات وكتبت عليها كرت شراء وكل وحده حطيتلها مبلغ على الكرت يساوي عدد كروتها أو مجهودها وتروح تعطيه العاملة اللي بالمقصف وتشتري والعاملة تجي وتحاسبني .
إذا تحبين أنزلك الكروت اللي عندي نزلتها .
فيه طريقة ثانية خليتهم يقترحون مشاهد وينفذونها بنفس الوقت صح بتصير دوشة داخل الفصل لكن أبدا ما تتخيلين الحماس اللي عليه الطالبات .
كل يومين أو ثلا ثة أخليهم ينشدون بسم الله لحن تعشقه الأفواه بشكل جماعي أو يرددون الأذكار .
إ ن شاء الله تستفيدين وإذا جد علي جديد اقترحه عليكي . . وكان الله في عوننا

الله يجزاك خير ماشاء الله عليك ..
كل افكارك رائعه..
وبالنسبه لفكرة بطاقات الشراء ..
انا راح اسويها بس مو على الكروت راح اسويها للفريق الفائز
لان امس كان عندهم مراجعه وعندي انا جزئين في الفصل وكله كان عنده مراجعه فسويت لهم مسابقه
واحترت وش اعطيهم اليوم .. بس بسزي الكروت واعطيهم هيا
الله يجزاك خير يارب وربي يجعله في موازيين اعمالك ..

الله يسعدك سعاده الدارين ..
اليوم الادارة شافوا الكروت ومره عجبتهم الفكره
وقلت لهم والله ادعو للي علمتني اياها
الله يجزاك بالخير ..
واي فكره اللي يسعد قلبك قوليها

والله شي حلو
طيب ممكن تدليني وش يصلح هدايا لبنات أولى إلى ثالث أنا اقترحت على الزميلات سجادات وشراشف صلاة وبعضهم قالوا نجيب بابا سلام أفضل ما أدري إذا كان عندك أفكار هدايا غير هدايا أبو ريالين اللي مايستفاد منها بشي ء
الله يجزاك خير

والله انا الهدايا دايما تكون على الاداره فما افكر فيها ..
بس حلو انكم تجيبوا بابا سلام ..
او ممكن تجيبوا لهم مجموعه قصص عن الصحابيات والصحابه
او القصص اللي عن الاداب مره حلوه .. بأسلوب يناسب سنهم ..
وممكن تغلفوا لهم مصاحف بتغليف قماش او مخمل وتطبعوا عليه شعار الجمعيه او الدار حقكم ..
ان شاء الله يالغاليه ادور لك افكار اكثر وارجع

ااختي الغالية
المصحف أكثر هدية قيمة
تقدم للأطفال و قصص
الأنبياء جدا مفيدة
وقصص الصحابيات
وان شاءالله اكون فدتج
ولو بشي بسيط

السلام عليكم جميعا
والله يعينك حبيبتي ويسهل عليك
انا قبل سنه مريت بالتجربه هذي والحمد لله درست الابتدائي كامل يعني من اولى لحد سادس
وكان تحت يدي ما يقارب 60 طالبه
ما شاء الله العدد كبير ولا نقدر نرد احد فكان من الصعب علي اني اسيطر على الكل الا بطريقه تجذبهم فكنت مسويه لوحه فيها عدد من الورد وكل ورقة من الاوراق عليها اسم بنت وكل مجموعة بنات يعبرون عن ورده فكل وحده تكون هاديه وحافظه وملتزمه بالحضور وكذا كان اسمها يتعلق واذا اكتملت وردة المجموعه يفوزون طبعا بشي وكانوا يفضلون التاج نفس فكرة الاخت الكريمه لكن كان تاج من البلاستك وفيه كرستال (موغالي ممكن تلاقينه في محلات بيع الهدايا)
معليش طولت عليك لكن من جد كان هذا الشي يشجعهم ويحمسهم ويثير بينهم روح الحماس
ايوه صح لا انسى كل مجموعه عليهم قائد ولو قدرت القائده تسيطر عليهم وتشجعهم لها جائزه مميزه بعد
وسوري طولت من جد بس حبيت افيد باللي اقدر عليه
دعواتي لك بالتوفيق