أزوآجنآ ؤآلجوآل جوآل زؤجك خط أحمر أم كتتآب مفتؤح Part 2 TOP 1 0

مراحب سموحه
مووضوع روعه ولازم كل زوجه تقراءه
انا عن نفسي اكره ها العاده مو بس بين الزوجين بين كل الاشخاص اكره احد يفتش جوال او لاب توب احد الا بأذنه <<<< طبعا استبعد الامهات في تفتيش جوالات بناتهن الصغار شي ضروري اصلا ومن الحرس والاهتمام عليهن
نرجع لموضوعنا انا عن نفسي ما افتش جوال زوجي ابدا وهو كمان ما يفتش جوالي ولا لابي
الثقه موجوده الحمد الله من الطرفين
بس اذا كان الزوج من النوع الخاين وعنده سوابق انا اقول المفروض الزوجه ما تنام ع اذنها با العكس تصير وراه وتشوف رجع يلعب بذيله او تاب خلاص<< وجهة نظري
سمووحه يعطيك العافيه وفي ابداع دائم

انا ضد وبقوه تفتيش جوال الزوج او خصوصياته وبرضو العكس
لان بكذا راح اعطي الشيطان يدخل بينا واذا فتشته مره ماراح اوقف وبيصير ادمان
طيب ليه وجع الراس هذا
استودعه الي خلقه وان شالله ماراح يصير الا الي ربي كاتبه
سلمتي ودمتي عالطرح الاكثر من رائع
عيون كحال سابقآ

*هل فتشتي جوالك يومآ مآبدافع( الشك_الفضول ) !!
نعم, الشك
*هل تسمحين لزوجك بتفتيش جوالك !!
نعم
*تجرأتي وفتشتي جوال زوجك ولم تجدي شي يدينه ( ماشعورك) !
ما تضحكوون , شعوري اني ما فتشت منيح..
*هل زوجك من النوع الذي جواله ( خط أحمر _ كتاب مفتوح )؟
كتاب مفتوح
..

رائع جدا اسلوب وطرح جميل جداا
أحسنتي وبارك الله فيك
أستفتاء :-
*هل فتشتي جوالك يومآ مآبدافع( الشك_الفضول ) ! !
نعم بداافع الفضوول فقط مافي شي يخليني أشك ..أنا غيوره وهو ماشاء الله ..والحمد لله إنسان سوي وماله أبدا بحركات نص كم !!خجول ورسمي جدا مع النساء
*هل تسمحين لزوجك بتفتيش جوالك !!
نعم ..لا بأس مع انو ماأحب لانه أحيانا يعلق ع أشياء تحرجني ( مثلا بعض الصور بما إني أحب التصوير وأصور كل شي هع )
وفيه أحيانا أكتب فضفضه في الملاحضات... من بعض المواقف التي تحدث معه... ف لا أحبذ أن يراهاوقد انتهت
وأحيانا ودي يشوفها عشان يعرف شعوري شوي وإحساسي
*تجرأتي وفتشتي جوال زوجك ولم تجدي شي يدينه ( ماشعورك) !
لم أكن أبحث عن إدانه فقط فضول ..لاكتشاف اهتماماته واسلوبه !
*هل زوجك من النوع الذي جواله ( خط أحمر _ كتاب مفتوح )؟
كتاب مفتوح ..عادي إني أمسك أعرف الباسورد تبعه وهو أيضا بالنسبه لجوالي
والحمد لله رب العالمين
مشكوره كتير

مانيب متزوجه لكن !! بأذن الله انا راح احط من البدايه حدود بيني وبينه
لا تدخل بخصوصياتي .. ولا أدخل بخصوصياتك
وخاصة انا من النوع إلي ماأحب اجيب لنفسي مشاكل ووجع راس ..
ومن النوع بعد اللي ماأحب اي احد يتدخل بخصوصياتي ولا يفتش ربع شئ من اغراضي ..
لانه طبع فيني .. وحب لأخيك ماتحب لنفسك
وحتى لو سمح الله وبعد الشر ان شا ءالله لو كان عنده ماضي راح اتغافل عنه
لانه الرجال اللي ماحفظ حدوده من نفسه بعد ماتزوج .. استحاله احد يمنعه و يعلمه الصح من الغلط
اللي يخاف ربه راح يلتزم بحدوده .. واللي مايخاف ربه ماظنيت احد بيأثر فيه .. إلا اذا ذكرتيه بربه والعقاب
وراح اضل ادعي ربي يجعل زوجي رجل يرضاه عبدا له ويخافه يارب ..

*هل فتشتي جوال زوجك يومآ مآبدافع( الشك_الفضول ) !!
طبعآفضول مميت ههه مآكاانت فيني هالعآده ابد بس هو ربآهآ فيني الله يسآمحه
ومو من نآحيه شك وخرابيط لا بس مآيصدق معآي ببعض سوآليفه وآخذ العلم الاكيد من رسآيله
*هل تسمحين لزوجك بتفتيش جوالك !!
نعم عآدي على إنه مآعمره فتش فيه بس الا الاستديو لان فيه شي من الخصوصيه
وهومآقربه ابد ولامسك جوالي يتصل وبس عكسي لآقآم دورة آلميآه بس نطيت اشوف جديد آفلآمه ههه
بس اني القى شي مآيسرني مستحيل وواثقه فيه
*تجرأتي وفتشتي جوال زوجك ولم تجدي شي يدينه ( ماشعورك) !
قلت ليش افتشه فضول بس يعني مآرآح ينتآبني اي شعور
*هل زوجك من النوع الذي جواله ( خط أحمر _ كتاب مفتوح )؟
كتآب مفتوح ع الاخر
وطرح رآآئع جدآآ ومميز
وطبعآ إجآبتي إستثنائيه وآتمنى محد يسوي مثلي لان بجد عآده سيئه+إمآن صعب تقلعين عنه+تفتحي على رآسك موآضيع انتي بغنىآ عنهآ

وعليكم السلاام ورحمة الله وبركاته ..
سلمتي ع الموضوع الرائع / /
*هل فتشتي جوال زوجك يومآ مآبدافع( الشك_الفضول ) !!
أنا مو أفتش بجوال زوجي اناأقلب فيه ليس إلا ووقت مايكون عندي واكون فاضيه ويوجد فرق بين المعنيين ^_^
*هل تسمحين لزوجك بتفتيش جوالك !!
انا أسمح له بتقليبه والإطلاع على مافيه وليس للتفتيش فيه فكلٌ منا يثق بالآخر ولله الحمد والمنه
*تجرأتي وفتشتي جوال زوجك ولم تجدي شي يدينه ( ماشعورك) !
انا ولله الحمد لما أقلب في جوال زوجي من باب الإستطلاع وتمضية الوقت وليس للبحث على دلائل و جرائم
*هل زوجك من النوع الذي جواله ( خط أحمر _ كتاب مفتوح )؟
جوالي كتاب مفتوح لزوجي قبل ان يكون جواله كتاب مفتوح لي
لكِ >>>

شفتيه بالصدفه..
ليش !! تروحي تفتشي وتبحثي وتدوري الزله يمكن تكون
مرحله وتعدي طيش شباب أو وقت فراغ ..
أنتي سألتي نفسك : كيف اهتمامك بزوجك وأحتوائك له !!
وحتى لو اتعدت الطيش وهالحكي لكن الله يقول
،،
الله حرم التجسس ، وحرم تتبع عورات الآخرين ،، وحرم سوء الظن ،،
ولك تتخيلي ان الزوجة اللي تسوي هالشيء تنتهك كل هالشيء ،،
وفوقها تكون تتمنى البركة بحياتها .!
اللي تسوي كذا وتكتشف خيانة زوجها أو أي تصرف منه
أنا أقول وبملء فمي
والله لا يبلانا بما ابتلاهم ،،
يكفي إن الله يقول
وهي لو كانت ظنت فيه الخير واستودعته ربها وكانت نعم الزوجة والله ماكان صار شيء ،،
ولو كان صار شيء بسيط لكان الله دفع أضعاف أضعاف اللي حصل ،،
وأيضاً أنا ضد الحركات اللي تقولكِ من غير مايحس أمسك جواله ومادري ايش
كلها تصب بنفس القالب ليه نضحك على نفسنا ،،
الرجل لو يبي يسوي شيء وبدون ماينكشف
والله يقدر ويكون معكِ العمر كله ولا تكتشفي ،،
*هل فتشتي جوال زوجك يومآ مآبدافع( الشك_الفضول ) !!
أبداً أبداً ، وحتى لما أحتاج أكلم أطلب منه وأسأله وش مسمي هالشخص عندك ؟
عشان يعرف اني فتحت مباشرة ع الشخص اللي بكلمه واتصلت
وحتى يقول لي عادي مو لازم تستأذني أنا أقوله لأ مايصير كل واحد وخصوصياته ،،
*هل تسمحين لزوجك بتفتيش جوالك !!
لأ برضه ،، أنا عامّة عندي خصلة من زمان جداً
وهي إني أكره أي أحد يمسك شيء من أشيائي
سواء كتاب أو جوال او كمبيوتر او جهاز من أي نوع أو أي شيء
يعني أخاف على أشيائي بشكل مبالغ شوي ولا احب أحد يمسكها : |
وهو من طريقة تعاملي مع جواله مايقرب من جوالي لو مهما صار
اللهم انه أمي الله يخليها حاطتلها نغمة مخصصة فلما يسمعها ممكن يقولي برد أنا بكلمها
زي كذا يعني ،،
ومثلا لابتوبي أنا مفهمته إنه في صور سواء لبنات أو كذا فإنه مايفتح شيء ،
وهو أساساً مايفتح ،، ولما اقعد عاللاب اصلا مو مخبية شيء مفتوح قدامه يعني ،،
فليه التفتيش ، بالعكس كله واضح وعادي ،،
*تجرأتي وفتشتي جوال زوجك ولم تجدي شي يدينه ( ماشعورك) !
راح أحس بإني انسانة مش جديره بثقته فيني وهو كان يستاهل الثقة .!
*هل زوجك من النوع الذي جواله ( خط أحمر _ كتاب مفتوح )؟
كتاب مفتوح بس ماأقرب منه
،
،
الزوج والزوجة بحياتهم خصوصيات وهالشيء عادي بنظري
وكون شخص مايحب إنه يكون مفتوح تماماً للطرف الآخر مايعني انه يخبي شيء
مادام مافي شيء ظاهرياً يدل على هالشيء .!
الحياة الزوجية أكبر بكثير من إنها تكون لعبة عسكري وحرامي ،،
،
،
موضوع كثير حلوو ،،
ولو لاحظتي هالقسم أو قسم افتح قلبكِ هتلقي نص المشاكل أساسها حركة من هالنوع ،،
وهذا يدل إنها أكيد ماهي شيء صح ولا يجيب الخير ،،
والزوجة اللي تكسب زوجها صح وتحسن الظن ربي مايخيبها
وفي ناس ازواجهم زلوا قليلاً وتداركوا نفسهم لإحساسهم بالذنب ورجعوا أفضل مما كانوا
ومن غير مالزوجة تسوي أي شيء ولا تعرف حتى ،،
وأكيد إن ربي أعطاهم على نيتهم ،،
عكس اللي يحبوا يولعوها وتفرح انها صادت شيء عشان تعيش التعامل مع القضية .!
الله يسخرنا لازواجنا ويسخرهم لنا

موضوع اكثر من رائع وجاء بوقته
انا افتش مو من باب شك انه يخون او يكلم لا ان شاء الله
بس انقهر من المقاطع اللي تجيه : صور مقاطع بعض الاحيان مخلة للادب ,,,
فكيف اتصرف؟؟؟؟؟؟؟؟؟؟؟؟؟؟؟؟؟؟