شو فيه ما فيه

مراحب ع الفراشات الامورات الحلوات
كيف حالكم يا بعدي ان شاء الله تمام
ههه بقولكم وش صار معي اليوم انا و بنتي الله يصلحها << دايم تسوي مصايب ها البنت وانا الي اكلها
راحت ورميت جوال ابوها في الكرسي الحمام << وانتوا بكرامه
وانا ماسمعت الا صوته لما طاح بق
وش اسوي طبعا رحت طلعته << مو بيدي لبست قفاز
ومن غبائي الزايد وقلة خبرتي في الجوالات رحت استشوره ههه
اتذكرت وحدها الله يسامحها قالت لي زمان اذا جوالك جاه ماء استشوريه
هو كان شغال وطبعا بعد الاستشوار الي جاه لامن كومه ولا من تموه هههاي ماينطق ابد ولا يفتح <<< مو متعود ع الشياكه
يوم جاء ابو الشباب من المسجد يدوور ع الجوال يدور ع الجوال لا اثر له وناداني ويوم سمعت
اسمي ويمغصني بطني وربي تذكرت مغصي يوم كانت الابله توزع درجات الاختبارات
وش اسوي وش اقووله انا احس اني غلطانه من الجهتين من بنتي ومن اني استشورته ههه
ورحت واعطيته هو قلت له بنتك رمته في المرحاض
المهم عشانها الصغنونه وغاليه عند ابوها ما قال لها شي كل الي سواة عض ع شفايفه المسكين
وداه عند المحل ولما كشف عليه قاله هذا منحرق وش الي جاه طايح بنار مو ماء وجلس يضحك ههه
ههه
وزجي تطير عيونه وجاني علمني وقالي الرجال ما عنده سالفه يقول محترق حرق
وانا عاد قررات اعلمه الحقيقه وكلي آسف
وقال لصار ما عندك سالفه بالجوالات لاعاد تفلسفين ههه
وبس الحمد الله عدت السالفه ما زعل لانه شافني اني انا متضايقه ع الجوال اكثر منه
وعدته اجيب له احلى منه وسويت له احلى عشاء
وتوته توته خلصت الحتوته
كلنا نمر بمواقف وظروف طريفه او حزينه تضطري تكذبي كذبه بيضاء عشان تنجي بفعلتك بس مافيه فايده با الاخير تنكشفي
يا كثر المواقف الي امر فيها
اتحفوني بموقفكم مع ابو الشباب وش صار لما عرف الحقيقه المستخبيه
وحتى لو ما عرف للحين عادي قوولي ترى ماراح نعلم احد
اترك المايك للي بعدي احم احم
لكم مني كل الود