أساب تأخر الزواج والطلاق

السلام عليكم
كيفكم ياحلويين
صراحه هالموضوع فتحته لأني توي بأحد المواقع شفت ان شاب يبي يتزوج وشايل هم تكاليف الزواج
يقول وش المهر وسعر القاعه ومدري وشو من هالتكاليف وبصراحه استنتجت من كذا موضوع
لأكثر من شاب أن أسباب تأخر الزواج هوو :
1- بعض الأسر تفرض مهور عاليه تبدأ من 70 وفوق .
2- تكاليف الزواج تكون على الرجال .
3 - المواصفات التعجيزية الي يحطونها بعض البنات سواء جماليه او وظيفيه او شهادات معينه .
4- البذخ في الزواجات .
طيب وش المفروض نسويه حتى نحد من المشكله ؟؟
1- مشكلة المهر المفروش محد يتشرط , يعني البنت تفهم أبوها أن المهم الرجل نفسه وليس المهر
2- تكاليف الزواج عند أهل نجد على البنت وعند بعض القبايل على أهل الولد , لذلك الأفضل
والأبرك انك تسوين زواج عائلي يقتصر على أهلك وأهله من عمات وخالات فقط مافي داعي للجيران
اللي بالحي والجيران اللي بالحي الثالث والرابع , كل ماكان صغير ومقتصر كل ماكان بركته أكبر
وأعرف عوائل كبيره مره ومعروفه وغنيه لكن بناتهم مايسون زواجاتهم الا بالبيوت ومقتصره
على العائله فقط حتى يستغنون عن الطقاقه ويسوون دي جي .
3- مشكلة المواصفات التعجيزيه , أي بنت تتشرط مواصفات معينه وان جاها كفو قالت لا مابيه لانه
مافيه جمال زي جورج كلوني او برادبيت او وظيفته عاديه او شهادته مو عاليه ,
عزيزتي , الجمال جمال الاخلاق والروح , والوظيفه مع الأيام يترقى ( لي قريب كان موظف عادي
الأن ماشالله تبارك الله صار شخصيه كبيره ومعروفه في مجال الأقتصاد ) , ولو شهادته ماهي عاليه
انتي اسأليه اذا عنده نبيه انه يكمل فهذي بدايه مبشره وحلوه .
4- مشكلة البذخ في الزواجات مثل ماقلتلكم اقتصروا وخلوه عائلي كله بركه , وان تبون بأوتيل
تقدرون تسوون ومايتعدى ال 30 ألف وبأحسن الأوتيلات مثل الفورسيزون بس لايتعدون المعازيم 100
يعني عائلي .
بالنسبه لمشكلة الطلاق او فسخ الملكه فمن أسبابها :
1- عدم وجود الشوفه الشرعيه .
2- عدم وجود فترة خطوبه قبل الملكه , وهذي جدا خطيره .
لاتقولون حرام ومايجوز , أجل تفضلون الطلاق ؟؟؟ لازم البنت تعرف الرجل هل تقدر تكمل معه او لا
ترا هذي عشرة عمر مو يوم او شهر او سنه وخلاص لاا
الوحده بعد ماتنخطب وبعلم أهلها لازم تكلم خطيبها قبل الملكه ب 6 شهور , عشان لو ماحصل
اتفاق يكون بقدرتها تفك الخطبه أهو من أنها تتملك وتفسخ العقد .
لاتقولون عادات وتقاليد , أنا ماقلت تمردي عن العادات لكن تكلمت من ناحية الماده من ناحية ارتباطك
بشخص بتكملين معه العمر كله .
أتمنى الموضوع مايكون ثقيل عليكم ,, وياليت نفتح مجال للمناقشه ولكن أتمنى تكون على مستوى
راقي , يعني ماتنقلب لهواش .