أسوء مشاغل الرياض خذي الحذر

كيفكم يافراشات
ذكرني موضوع القراشة ( نص مفقود : افضل مشاغل الرياض ...)
باللي حصل لشعري من فترة وقلت ليش مايسير موضوع كمان عن اسوء المشاغل علشان الواحد مايتورط معاهم وانتو عارفين الشعر والوجه اهم شي ..وش موقفك وانتي رايحة تتزينين للعيد ولا عروس ويحصل لك اللي حصل لي ؟
ماراح اطول عليكم
السالفة انه كنت ناويه احضر حفل ملكة وحدة من صديقاتي وقررت اصبغ واقص شعري قبلها بيوم
ورحت لمشغل الركن اللي جنب مستوصف راسان اللي خلف فندق صلاح الدين وهم فتحوا فرع لهم بالعليا
اسعارهم نار ..واتغيروا العاملات الفلبينيات اللي كانوا فيه كويسات وهذا من كثر المضايقة اللي لقيوها من موظفة الكاشيير المغربية ..طفشت الفلبينيات اللي كانوا يشتغلون وحدة وحدة وفعلا شفت كم وحدة مغربية جديدة بدالهم ..وطبعا ماكان لي دخل يتغيرون ولا يقعدون الين ماصار لي موقف معاها وشفت اسلوبها الزفت بالتعامل
من لقافتي قلت اصبغ واقص مادام ما في عندهم احد يعني بخلصوني بسرعة ( انا اروح لهم لانهم قريبين من المركز الرياضي اللي اتمرّن فيه اذا خلصت تمرين اروح اسوي ساعات بدكير او تشقير حواجب )
المهم اذا ودك تحرقين شعرك ويدخن عندهم روحيله مو بس انا اخترب شعري ناس كثير وربي حتى لمن حكيت البنات اللي اتمرن معاهم قالوا لي قلنا لك لا تروحين ..والمغربية اللي فيه ماهمها انتي صابغة ولا محنية تصبغ وتاخذ فلوسك ولو فتحتي فمك ياويلك تاكلك بلسانها وتطلعك غلطانة وقسم يابنات انا اصيح شعري محترق وهي( موظفة الكاشير) بدال ماتعتذر ماهي يمي تهاوش تبي باقي الفلوس وصارت تقول انتي علشان حاطة حناء انحرق ( مع اني قلتلها انا حاطة حنة قريب قالت نجرب على خصلة والعاملة اللي صبغت جربت على خصلة وانا والله لمست الخصلة ناشفة وقلت لها بس هي قالت عادي علشان مانغسل بشامبو وصبغوا لي كل شعري والله وانا اطالع المرايا شفت الدخان يطلع من القصدير اللي كانت لافة فيه شعري )انا بس حبيت انبهكم علشان مايسير لكم اللي صار لي