أسوأ منتجات المكياج العطوروافضلها من تجاربي

السلام عليكم ورحمته وبركاته
أهلا"فرشات كيف حالكم جميعا"
واناأفرفر بي النت طحت علي هالموضوع وحبيت انقل لكم هالموضوع ربما احد قدسبقني ونقله لكم بصراحه لااعلم
لكن الذي انا ابغاه منكم كل وحده بعد ماتشوف الموضوع
تسدح تجربتها عن انواع المكياج الذي استخدمته وعرفت
مميزاته اوكيه نبغ تفاعل ياحلي فرشات
أسوأ منتجات المكياج العطوروافضلها من تجاربي
شلونكم بنات حبيت افيدكم من تجاربي من بعض المنتجات اللي شريته ومافادتني وياليت الكل يشارك ويفيدنا بتجاربه
ابتدي بالأسوأ
1- كريم اساس من مايبيلين اللي اسمه دريم شكله مدور ( بايخ والوانه غامجه حتي لو حصلتي علي لون ويهج يغمج بسرعه ودهني حده )
2_ كريم اساس شانيل اسمه(تان فلويد يونيفيرسال ) دهني والوانه اغلبها غامجه وهم تغمق علي الوجه بعد فتره قصيره
3- كريم اساس من فيرساتشي(\ بايخ ومايغطي اذا كان فيك حبوب او اثار ولونه بسرعه يروح مايثبت مايسوا تشترينه )
4- كريم اساس كلينك (حلو لكن عيبه ان الوانه دايما مايله للرمادي وبعد فتره يبهت الوجه لا تستخدمينه حق مناسبات ابدا)
4- البودره اللي تلمع خفيفه من بودي شوب اسمها ( شيمير داست ) عاديه ولا تلمع ولا تبين وشفافه حدها )
5_ كونسيلر سائل من ماركه برو اكتيف (جربتها بالامارات تتشقق لا تشترونها ابدا الليعلي شكل اصبع مع فرشه كانه غلوس )
6_ماسكارا فليكستن سيلز من لانكوم ابيخ ماسكارا من لانكوم اما الباقي فحلوين حييل
7-مثبت المكياج من جيرلان اللي ايي علي شكل علبه مضغوطه وشكل الجل شفاف وفي نقط ذهبيه عادي جدا ولا يسوا ابدا سعره
8-مثبت المكياج من لانكاستر نفس الشي بايخ من قلب ولا يسوا سعره ابدا
9- مثبت المكياج من ماك اللي يمدحونه البنات شريته عادي حده ومايسوي شي
10-البيز اللي ينحط قبل المكياج بلون ابيض من الفيرز اللي يدعي ان يثبت المكياج ويعطي نضاره حده فاشل مانصحكم فيه
11-مثبت مكياج العين من الفيرز بعد(( عيبه انه ابيض وثقيل علي العين بس يطلع اللون اللي انتي تحطينه لان اهو قاعدته ابيض بس مشكله ثقيل مومال مناسبات عاديه ))
12- مصل قابض للدهون من بينيفت مايلبي الغرض اللي يدعي عليه ابدا
13- هم بعد سيرم اللي من بودي شوب اللي يدعي ان يخفي دهون واللمعه مايسوي شي ابدا ( مادري اذا ليلحين ينباع او لا )
14- عطر سامارا من جيرلان يلوع الجبد تكرمون حتي حق حمام ماحطه معطر عطيته هديه حق شغالتنا قبل لا تسافرخ اتصدقون طارت فيه ههه
15- ماسكارا بودي شوب الشفافه تلوع الجبد وماتسوي شي واعتق انها مناسبه للبنات اللي رموشهو حيل طويله وكثيفه اما البنات اللي حجم رموشهم عادي لا يشترونها ابدا
16-عطر 212 السلفر عادي وخفيف ماتحسين بريحته ابدا
17-غلوسات كلينك اللي بدون فرشه بس تضغطين ويطلع الوانهم حلوه لكن عيبهم انهم بعد فتره بسيطه تحسين ان شفايفج تتشقق
18-ماسكارا سان لوران حلوه وتكثف بس عيبها انها تخلي الرموش مو مرتبه تخليهم متلاصقه
19- غلوسات من ماكس فاكتور اللي تدعي ان تدوم ولونها ثابت مايتغير من افشل الغلوسات اللي جربتها تخلي الشفايف باهته ومتشققه تلوع الجبد حتي الملمع اللي معاها مايطلع بايخ
20- شدوات من لانكاستر عاديه حتي لو تشترين من ماركه عاديه او بوطقه يطلع احسن منه
21- غلوسات كلارنس هم عاديه في ماركات وايد احلا منها ويطلع اللون غني وحلو
اما منتجات اللي احب استعملها وماقطعها اهي
1- كريم اساس من جيرلان يهبل
2- قلم الكحل من كلارنس
3- ماسكارا من كلينك حلوه وتكثف
4- عطر ديون من كريستان ديور صج قديم بس يهبل
5- قلم الكحل من لانكوم مايسيح هذا ميزته
6- بودره كانيبو روعه
7-بلاشر من جيفينشي
8- جميع عطور جيفينشي روعه
9- غلوسات كريستان ديور الوانهم حلوه
10- كريم اساس من ماركه برو اكتيف المضغوط عجيب
11- عطور بودي شوب كلها حلوه
12-بلاشر وردي من ريفلون طبيعي وحلو
13-بودره الاساس من ريفلون وايد حلوه
14- شدوات من ماركه مكياجي طبيعيه وتقدرين تستعملينها بالايام العاديه لانها هاديه خصوصا اللي بتدرجات البني والزهري
15- غلوسات مايبلين الشفافه اللي من غير فرشه حلوه وتعطي شفايف ملفته
16-عطر شانس من شانيل حلو حده
17- قلم الكحل من بيير كاردان وايد حلو ومايسيح
18- عطر هابي من كلينك حلو وبارد ومنعش

• فرش بلاشر بودي شوب حلوه

20-كريم اساس من لا نكوم كولور ادابت حلو حق البنات اللي مايعانون من اثار حبوب للبشره لان تغطيته بسيطه بس الوانهم حلوه
واتمني اني فدتكم وياليت كل وحده تكتب تجربتها مع المستحضرات اللي استعملتها عشان الكل يستفيد ياالله نبي تفاعل بنات
انا عن نفسي استخدمت كلارنس الاحمر مع ذهبي بصراحه رائع اما الكحل القلم ثابت ديانا الفضي بي اسود والسائل محمود سعيد
ودمتو بود يافرشات