أعشاب الهدى والنور لفرد الشعر هام جدا

روووح الكادي 2010

30-09-2022 - 11:56 pm

صباح الخير يافراشات انا راح ادخل في الموضوع مباشره انا قبل 8شهور شريت الأعشاب وسويتها زي ماهي مكتوبه وخليتها بشعري 24 ساعه عاد شوفي الملل والحر وقت الوضوء بصراحه متعبه ولا وقت الغسيل تقولين طوب فوق شعرك ولا الصداع المرافق وقت وضع الاعشاب المهم غسلت شعري والله يابنات ماقدرت امشطه كلمتها تقولي لا مايصير كذا قلتلها انا سويت كل التعليمات قالت خذي بخاخ فك التشابك المهم شعري صار اسود يعني مااقدر اصبغه لازم سنه اوثلاث سنين انا قلت لو بنعم شعري استغني عن الصبغه لامن لا نعومه ولا صبغه صعبه شوي المهم صار شعري مدد اسلاك وتقول انه مايساقط الشعر والله شعري تساقط حتى لو ماامشطه وتعبت نفسيتي ماخليت حنا ولا زيت ولا ولا....اطلب طلب من اي فراشه تدخل تعطيني حل عندي مناسبة زواج في شهر سبعه وابيه يطول ويكثف وابي طلب من الفراشه رجائي اذاكان زيتك بحل مشكلتي والله لادعيلك الله يوفقك بكل خطوه تخطينها ويرزقك الجنه أمين وان شاء الله تشرفين موضوعي واي فراشه اموره تعطيني حل الله يرزقها الجنه أمين ياربي ...سامحوني طولت لاكن الشعر جمال المراءه

التعليقات (9)

روووح الكادي 2010

01-10-2022 - 02:35 am

مسائكم عسل مافي ولا وحده ترد علي هذا وانا جديده اللي عندها حل لمشكلتي تتفضل وترد علي

so*so

01-10-2022 - 03:36 am

الله يعينك اختي
اختي لاتصدقين هذي الاشياء اللي يبيعونها علينا...
ترا ذممهم وسيعه ... وعادي عندهم يخرب شعرك بس اهم شي انهم يربحون ..
اختي نصيحه مني لاعاد تشترين اي شي من المنتديات لازيوت ولااعشاب فرد ولاشي..
اذا بغيتي تفردين او فكرتي روحي لمراكز معروفه تعمل لك قبل الفرد امتحان على خصله من شعرك لوضبط كملوا معاك ولو ماضبط يتركون ...
عندك في الفرد مره روعه ماشاء الله فرد مشاغل كان في الرياض مو الشرقيه ترا مالها فروع بالشرقيه فروعهم بس في الرياض ... بس لاتفردين هالوقت ابد انتظري اقل شي سنتين لين يرجع شعرك الاول ...
الحين نصيحتي لك تروحين لطبيبة شعر تعطيك كورس علاج لشعرك لان باين انه انعدم ..
او اذا ماتعرفين احد اهتمي انتي فيه..
حطي زيوت طبيعه ع الشعر عندك زيت السمسم والنارجين بعد مره حلو مع ان فيه ريحه بس حلو خليهم ع شعرك 5 ساعات جربي كل يومين او 3 ايام مره...
والمايونيز مره حلو للشعر ويرطبه مايخليه ناكش..
جربي تخلطي علبه زبادي + بيضه .. في الاسبوع مره حلوه للشعر هذي تستخدمها اختي تحطها مره في الاسبوع او بالاسبوعين مره يعني كل ماحست ان شعرها جاف حطت.. انتي كثفيها بالبداية يعني حاولي بالاسبوع مرتين ...
ابتعدي عن الاسشوار قدر الامكان والشامبو دوري ع شامبو خفيف جابر القحطاني يمدح صانسيلك يقول فيه نسبه قليلة من المواد الكيميائية مقارنه بباقي الشامبوهات ..
ولاتنسي البلسم في نهايه الحمام .. ولاتاخذين الشامبو اللي 2*1 مو حلو يكسر الشعر..
حاولي كل شهرين تقصين اطرافه عشان يطول بسرعه واذا فيه تقصفات تروح ....
ملاحظة انا لاحظتها اذا انتي بالبيت حاولي تغطين شعرك يعني البسي شي عليه مثلاً بندان ... او طرحه بس لفيها بشكل حلو ...
والله يسهل لك يارب ... ويطمنك ع شعرك ..

الشوق الحقيقي

01-10-2022 - 04:37 am

لاحول ولا قوة إلا بالله ,,الله يعينك ويفرج عنك أنا كنت مفكرة أشتريها ,,حاولي تكثفي العناية بشعرك بالزيوت وخصوصا زيت النارجين أحسه ينعم الشعر ,,الله يوفقك

كل الخطاوي دموع

01-10-2022 - 05:38 am

وربي تعبنا نحكي ونقول مافي حنا تفرد كلها مواد ضاره عفص وحديده حتى ريحتها صدى صح
على العموم الله يفرج همك واذا مشكلتك على التشابك والجفاف خذي حمام الزيت تبعي واذا مافاد فلوسك ترجعلك

روووح الكادي 2010

01-10-2022 - 06:39 am

كلكم ذوق يافراشات المنتدى الله يسعدكم وانكون منتدى متعاون ومشكوره يأخت so*soعلى النصائح الرائعه والله قد نصحتني وحده تعرفها من مصر وزوجي لاكن انا اعاند وش النتيجه دمار الشعر

oO ساره Oo

01-10-2022 - 07:40 am

الله يعوضك خير يالغلا
ويرجع شعرك احسن من اول

اشواق انثى

01-10-2022 - 08:41 am

طيب شوفي يمكن يفيدك علاج الكيراتين لانه يعالج الشعر الي متضرر من الفرد

just for fun

01-10-2022 - 09:42 am

استغفر الله واتوب اليه ..~
:
:

البيع

01-10-2022 - 10:43 am

ياقلبي انا قلت بشتريه بس خفت يوم قلتي انه دمر شعرك
ويمكن انتي توك صابغة او فردي شعرك قريب وقمتي وفرديه بالاعشاب اكيد بيخرب وياليت تقولين لي اعشاب الهدى والنور نوعين عندها من الاعشاب انتي استخدمتي اي نوع هير كوين او الاميرة
ياليت توضحي بليز

بني قهوة←
بالله عليكم ماتطنشووني→