أفضل مدارس الثانوية بشمال الرياض

rain_sky

24-07-2022 - 01:42 pm

هلا كيفكم؟؟
ان شاء الله طيبين ومبسوطين
بنات وخاص بناات ثالث انا طالبتكم خدمة ياليت تساعدوني؟؟؟
انا اختي بثالث هالسنه الله يوفقها وتجيب نسبه حلوه..آمين المشكله احنا ناقلين امس ومانعرف شي عن منطقتنا فاياليت تدلوني على المدارس الزينه(زينه اقصد تساعد الطالبات بالدرجات)...
بيتنا بحي الغدير واختي سمعت بالتربيه وامواكب بس ماندري عنها.. يله همتكم بناات معي نبي بكره نسجلها ونخلص امورها تعرفوون مرحله حساسه وتحدد مستقبلها...واللي تدلني لها الدعاء.....
استناكم تراني مواصله ومانيب نايمه الى لين القي فوق العشر ردود

التعليقات (9)

rain_sky

24-07-2022 - 04:54 pm

وينكم استناكم
قلت لكم مواصله...................................... .................................................. .

إيلاف

24-07-2022 - 05:55 pm

اختي انا سمعت عن مدارس دار العلوم في حي الفلاح مدرسة من ناحية التدريس فهي ممتازة بس شديدة شوي

rain_sky

24-07-2022 - 06:56 pm

مشكوره ايلاف..
بس احنا نبي اللي تساعد نبي نسبه
؟؟؟؟

احساس الرياض

24-07-2022 - 07:57 pm

انا في حي الصحافه و فيه مدرسه اسمها الواحه ناقلين مبناها هنا العام وموزعين لها اوراق ومكتوب لن نسبة النجاحه من الثانويه ميه بالميه وخالتي مراقبه فيها الامتحانات النهائيه العام تقول انهم يغششون البنات عيني عينك والمدرسه هذي في حي الصحافه يعني جمبكم . اتمنى اكون افدتك .

lady love

24-07-2022 - 08:58 pm

انا والله دوبي ناقله لحي الصحافه
بس اللي اعرفه احسن مدرستين هناك
دار السلام ومدارس العليا دايم اللي ينجحون منها يجيبون نسب
دار السلام اولاد اضمنها لك نسب حلوه
بس بنات والله ماادري بس اكيد حلوه مثلها
اتمنى اكون افدتك

rain_sky

24-07-2022 - 09:59 pm

احساس الرياض وليدي لوف مشكورين...
انا راح اقولها بس اذا ممكن كم اقساطها وكيف نظامها؟؟؟

~~~..كبرياء الكون..~~~

24-07-2022 - 11:00 pm

والله انا رايحه للتربيه وتوني مسجله فيها والله حلوه ويمدحونها ويقولون انهم يعطونك نسب حلوه

miss_meme

25-07-2022 - 12:01 am

مساء الخير ..
انا توني مخلصه ثالث وتبين نصيحه دوري مدرسه مو تساعد وبس تكب درجات لان السنه هذي قفلوا على ال 93 كل الاقسام المخيس والزين .... بس بغيت اسالك وش تخصص اختك علمي ولا ادبي .. انا علمي وبقولك على كم مدرسه .. عندك دار العلوم صديقاتي يحلفون انهم يذاكرون كل ماده للنهائي بعشر ورقات اذا هي كثيره وانا يا حياتي اكرف بالكتاب كله .. وعندك العليا ودار السلام هذي درجات على كيف كيفك وهذي انا متاكده منها لان صديقتي متخرجه منها .والعليا بعد نفس السيستم .
بس نصيحه تروح الترم الاول لانه مقطع وحالته حاله لو تحفظين الكتاب عشر مرات نسيتيه من كثر الاجازات اللي فيه والترم الثاني تدور مدرسه كويسه حتى لو ما تساعد لانها مذاكره مذاكره ... سمعت ان منارات الرياض مدرساتها كويسين كدراسه بس ما يعطون درجات و الرواد على ما اظن زيهم
واذا احتجتي رقم مدرسات خصوصي كويسات انا مجربه وحده رياضيات وفيزياء .... الرياضيات مبدعه والمواعيد مضبوطه
والفيزياء حلوه بس مواعيدها على كيفها اما الكيمياء انا كنت اذاكر من كتاب تبسيط للدكتور بالبيد ومره افادني بصراحه
تلاقينه بكل مكان
هذا اللي في بالي الحين واي خدمه ثانيه انا حاضره ... ولا تنسين تدعيلي بالخير

يلوموني بروحي

25-07-2022 - 01:02 am

انا مو بالثانوي ... بس اللي اسمعه يمدحون التربيه الاهليه
والفتح اذا اختك ادبي يقولون تكب كب

تعليم الكبار←
لنجاح في التواصل مع حشد من المستمعين يكمن في إنشاء حوار لا في إلقاء خطبة بشكل حرفي→