ألحقي عمرك وأدخلي قبل الزحمه بسرعه تكفون

1. يوميات طالبه في " ساني سنوي "

سلام .... حبيباتي ... فرفوشات .... هذي القصه .... من تأليف خالتي المصون ...السنه اللي طافت يوم كانت بثاني
أقروها وقولو لي رايكم فيها .........."يومياتها " بمدرستهم العسكريه ؟؟؟؟؟؟؟؟؟؟؟؟؟؟ أرحمهم ....معليش متأخره بس توي افضا اكتبه .....
بنوتات معليش كثير فيه عبارات غير مفهومه عند البعض ... فاللي ما تفهم لايرده الا لسانه .....
والان ابقوا مع القصة .................................................. ..................................... ترترا ................... القصه اتيه ....

يوميات طالبه في " ساني سنوي "

تقوم الساعة 5 ونص تقريباً وأحيانا ًتاصل 6 بعد ما تأخذ تهزيئه محترمه كمقبلات صباحية .. تصلي وطبعا ً أحياناً نص الصلاة نايمه يعني السنه ما تلحق عليه والفرض تلحق " على الأقل أحسن من اللي ينامون وهم ساجدين وهم يعرفون أنفسهم " وهذا يصير أحياناً مو دايم وخصوصاً إذا نامت متأخره .. المهم مباشره تتوجه إلى الدولاب لتلبس أرقى وأكشخ وأجمل وأفخم لبس عنده " المريول " وإذا كانت بالشتاء يروح نص الوقت وهي تختار جاكيت , هذا وسخ وهذا يبي كوي وهذا بالغساله وكالعاده جاكيت ما غيرته من بداية الشتاء " لاتلومونه يمكن تحبه وترتاح له وتدور عذر عشان تلبسه .. ياعيني عالحنيه" وطبعاً هذا الموقف ما يحصل مع نمونة بعض البنات " وأسألوهن متى يطلعن لبسهن " المهم تشوف الساعة وتتذمر ما بقى شيء على الروحه ... سيدا عالمرايه أيه اللحين نشوف المعارك على أصوله " ما ترحمين إلا هالشوشه " مره ترفعه ومره تنزله ومره تشك شباصاته كلهن ومره ما تحط شيء وأخر شيء ما نطلع إلا بذيل حصان ؟!!! لا وتمتم " الدنيا فناء "(( أي فناء وأنت لك نص ساعه وأنت وهالشعر حرب وضرب !!)) المهم تنزل تحت " طبعاً هذا الكلام للي بيتهم دورين " وتقهوى وتفطر وتعين من الله خير ", ( على فكره كثير من البنات تجهل أهمية الفطور حتى أن الوحدة تطلع وهي ما ذاقت ولاعود " يع الله يعين اللي حوله "وطبعاً هذا خطر وأكيد تعرفون أنه من أهم أسباب نقص الطاقه والتي تؤدي الى الدوخه .. مسويه فاهمه ) المهم بعد ما تفطر تغسل بعده تلبس شرابه السود وجزماته وحذاري كل الحذر من التطقيم وإلا بتشوف التطقيم على أصوله وبعدين تضف عفشه وتقعد عند الباب وتحتري النقل اللي يوم يجي ويوم لا .. بعد ما توصل للمدرسة كالعاده تسلم على اللي تعرفه واللي ما تعرفه " يمكن هذي الحسنه الوحيد ه اللي نطلع به من المدرسة " وبعد ما تسمع صفارة الإنذار تصف طابور " هالمره بنغير " بعد ساعة من العراك على من يصف بالأول.. مع أنه خير الصفوف أولها لكن محديقدّر .. والحين تبدأ حالة الرعب عند الطالبات وما تسمعين غير " دقات القلوب " مين يلومهن تقولين ثكنة عسكريه .. حتى النفس يحسب عليهن ".. المهم وين وصلت ؟ إيه حالة الرعب , بحيث تقوم وزارة الداخلية بضبط المخالفات اللي مطقمه" قايلتله لا تطقمين اللحين بتشوفين التطقيم الصح" واللي لابسه 4 شباصات ونص " طبعاً راح تهاو شه على النص .. شوفوا التخلف " واللي ما تعرف للشيطان طريق وماسكته علشان كاتبه على كتابه .. غداً مراجعه.." ما يسوى عليه الاجتهاد " ومن هذا القبيل.. ولا تتركهم إلا بعد ما تطيب خواطرهم بكلمتين حلوين من فمها اللي يقطر شهد.. وتمشي الطوابير وتبدأ الحصة الأولى والثانية والثالثة.. وتجي الفسحة اللي بدونها الدراسة نكد " إقالنا نحبه اللحين " إذا بغيتي تلعبين العبي وإذا بغيت تهاو شين هاوشي بس انتبهي !!! تلقطك أحد الرادارات وأنت متلبسة .. وبعده تصفر وتجي الرابعة وهي في قمة الملل والكأبه لحد السابعة . ولا كل هذا كوم وإذا قالت المعلمة بكرى مراجعه كوم ..
تقوم على المعلمة ويضيق صدره وتختنق وتحسبونه على كل هذا تراجع .. مثل أمس هالحزه .. تجي ولا أشكل عليه شيء ونستعرض هنا حالها في المواد الدراسية :
رياضيات : ما فيه مجال للهواجيس وبنت أبوها اللي ترفع عيونه عن السبورة
فيزياء: في قمة الحماس ويا ويلك إذا ما رفعتي إ صبعك ..والشهاده لله المعلمه محترمه وحبوبه "موتو ايا 1/أ"
كيمياء : بالعه وساكته وأحياناً مستلعبه .
أحياء : اللي ماخذ عقلك يتهنا فيه .
E: ابعدوا عنه " في مصارعة مع نفسها " .. حقوق النشر محفوظة ..
نحو وأدب : متنحه على باله فاهمه وهي ما عنده ما عند جدتي .
إنشاء : تحضرم وتحضرم وتحضرم لكن في بطنه . "توضيح .... تتكلم مع نفسه"
دين : الفرصة الوحيده للسواليف .
اقتصاد: غلطة عمره.. ودرس للتفكير قبل اتخاذ القرار .
وطبعا ما تصدق تجي 1 وربع عشان تطلع " طبعاً كالعاده تنطق إلى ثنتين لحد ما يشرف . كات ستيفنز " وسيدا للماما .إن قلتي حضاريم وصياح وهواش كل شيء بالتفصيل " والله ما ترحمين إلا هالاميمه "
وبهذا ينتهي اليوم الدراسي للطالبه لتستعد ليوم جديد بكل حيوية ونشاط "بس لا تصدقون بالحيل "

• هاليوم ما يصير إلا في المدارس الراقية فقط }و حطي 20 خط تحت الراقيه {

تحياتي القلبيه ..
محبتكم ...
استاذه في الذوق ....B (لقب خالتي .........)
ولاتنسوني من الدعاء تفككت ايديني وانا أكتب ............
كل الحياة .......
تشا ا او ...
ياويلكم اذا ما كان فيه ردود ...... وكثار بعد .... والا ترى ماراح اجيب لكم قصه ثانيه .......................................