أم زوجي وزوجى

السلم عليكم ...
انا عضوه مشتركه بلمنتدى عندى عضويه وهاذى الثانيه ماقدرت اكتب مشكلتى بعضويتى القديمه بسبب ان فى ناس تعرفنى بهاالمنتدى ...
مشكلتى يمكن تكون بسيطه بس بصراحه انا مانى بقادره تعبت من التفكير ومن كلام زوجى الطالع والنازل...
بكتب لكم مشكلتى او قصتى وابى حلوول او نصايح او كيف اتعامل مع هالشي يمكن احد مر بتجربتى واله مادرى ... المهم بكتب لكم مشكلتى...
انا متزوجه ماصار لى كثير المهم انا ساكنه عند اهل زوجى فى شقه مستقله بس بنفس البيت بس فوق كل شي متوفر لى فوق اوك
المشكله ان زوجى داايم يبينى انزل عند اهله تحت واجلس معاهم وانا مابى ماحب بتقولون ليش بقولكم لان ام زوجى كبير ه فى السن وانا بنت صغنونه عمرى 22 وماعندى سوالف معاها عشان انزل تحت واجلس معاها بقولكم نقطه ترى عمتى طيبه جدا ودئما لم تسافر ماتنسانى لا انا ولازوجى حتى فى المناسبات تهدينى بس مشكلتها انه تهدر واجد والى قاهرنى انها تهدر من ورايي ماتقول الشي قدامى بقولكم مثلا الا يقهرنى فيها ان اذا شافتنى ماتجى تتكلم قدامى لا اذا شافت زوجى اتقول لها ليش زوجتك ماتنزل تحت تجلس معانا كله جالسه لحاله وتقعد تتكلم وتهدر على راسه وزوجى عصبي مايتحمل الكلام علطول يعصب واذا جات هى كلمته يسكت وهذا الا يقهرنى فيها ويجى يحط حرته فينى اوف والله تعبت واحنا فى يوم من الاسبوع نجتمع فيها كلنا حمواتى واخوان زوجى ونتغداء طبعا انا مانزل الا هاليوم او اذا كان عندهم احد عزومه يعنى او مناسبه
طبعا ان زهقت وقرفت من الكلام الا كل يوم عوار راسي به زوجى والمهم انى مقهووره من حركاتها ليش ماتقول الشي فى وجهى ليش ماتنزلين تحت عشان لو قالت لى اعرف ارد عليها واقول لها انا وش كنت اسوى عشان ما انزل بس القهر ان ماتقول لى اتقول لزوجى وزوجى كل ايقول لى انتى كله قاعده فوق ماتنزلين ولا تجلسين معاهم الا يوم واحد الا هو الا يوم الا نجتمع فيه ويعصب طيب ان لو نزلت مابسوى شي يعنى نفس الشي بضل قاعده ولا بسوى شي وماعندى مواضيع افتحها مع ام زوجى عشان كل يوم اقعد معاها طيب انا ابى اقعد فووق عندى غسيل عندى طبخ يمكن ابى اشاهد تلفزيون ومابى ازعاج يمكن جالسه ع النت ولا ابى انزل مثلا مشغوله بحاجه انا مانى مجبوره انى انزل ولو بنزل بنزل بطيب خاطر ومن نفسي مو هو غصب انزل كل يوم كل يوم ماصرت هاذى
انا مو قصدى انى اكره ام زوجى او شي لا بالعكس انا احترمها كثيرر وهى طيبه جدا فى معاملتها معاى بس المشكله انها تهدر واجد على زوجى وانا اكرهه هالحركه هاذى
والله ساعات احس لو انى ساكنه براء ماكان صار الى صار وقامت تهدر بس عشانى ساكنه معاهم عشان كيدا
سؤل يطرح نفسه هل انا مجبوره انى انزل كل يوم لهم دام انى ساكنه معاهم او مو مجبوره ؟؟؟؟؟؟
والله انى احب ام زوجى ولو تبي احطها فوق راسي هى ماقصرت مع زوجى فى زواجنا يعنى ساعدتنا كثير ولو نجلس منا لين يخلص عمرى وعمر زوجى مارح نوفيها حقها بس انا ماحب الهدره وهى تهدر واجد واجد
وشنو اسوى عشان افتك من هالسيره الا كل يوم زوجى يعور راسي عشانها