أنا عجازه هل عنكم حل

ودي اصير مثلكم
ماشاء الله تبارك الله <<<< اللي بكرة تلقى نفسها عجازة تجي عندي اقرأ عليها النفخة بريال
الوحدة تصف في سفرتها كذا طبق
أنا حدي كبسة معها سلطة أو خضار أو ملوخية واذا مرة مرة تشطرت صلحت كريمة خ
المشكلة اني اعرف الطبخات بس اشيل هم المواعين والتجهيز و.....و.....
وش الحل مع أمثالي؟
ودي مرة انزل صورة غداي والاعشاي بس جد يفشل
لما تكون الطبخة سريعة ما تحتاج وقت ولا مواعين اصلحها بنفس راضية سعيدة
أما الطبخة اللي تستهلك مواعين وتحتاج لتقطيع مدري كم بصلة على مدري كم فص ثوم على مدري كم ساعة على النار وبعدها في الفرن وبعدها مدري وش يموت الواحد جوع ماجهزت
يا هي تضيق صدري
مع ان منظرها يفتح النفس وطعمها يصير يمي
بس وه
العجز الله يكفينا شره يا وخياتي
عودة الى محور حديثنا
وش اسوي؟
كبسة ...سلطة ...كريمة
كبسة ...خضار...جلي <<<< لاحظوا التنويع بس يا حبني لي
كبسة...ملوخية....لبن <<<<< احلفي بس
ههه
والله اني العب على روحي
عطوني قائمة لطبخات سهلة سريعة لذيذة خفيفة اصلحها بصحن واحد خ
تكفون خلونا نصلح منيو أطباق غداء وعشاء منوعة بحيث تكون القائمة تكفي اسبوعين بدون تكرار ولو سمحتوا أكلات بسيطة
مثلا
السبت
غداء طبق مقبلات طبق رئيسي نوع حلا واللي تحب طبق جانبي
عشاء طبق خفيف او نوع سندويشات
لو سمحتوا لا تجيبون لي اكلة تستهلك ثلاث قدور<<<<<< مدري ليه احس اني بتصفق
أرجو التفاعل