أناا وزوجي والشيشة اللي بتهدم حياتي ساعدوني

1. السلام عليكم فراشات

السلام عليكم فراشات

والله ما اعرف ايش اكتب والا من وين ابدا مره متضايقه ومقهوره واحس اني بموت من القهر واتمنى القى عند وحده منكم راي يريحني ويهدي على
والله مشكلتي على طويله وصعبه بس راح اكتب الجزء المهم منها والله يابنات اني متزوجه صار لي اربع سنوات وكانت حياتي عاديه شبه مستقره وطبعا ماتخلى من بعض الزعل والحمدلله انعم الله على بطفلين احمد الله كل يوم على انه رزقني اياهم بس المشكله من شهرين تقريبا انا متعوده كل فتره افتح جوال زوجي وهو جالس واخذ منه رسايل واقفله عادي بس في هذا اليوم اخذت الجوال منه واشوفه ارتبك ويقولي اذا تبغي رسايل جديده ماعندي قلت له عادي بشوف وانا والله بحسن نيه وقبلها تقريبا جلست شهر عند اهلي لاني من زمان عنهم فزرتهم وهم في مدينه ثانية المهم فتحت واقرا قي الرسايل وبعض الرسايل ما افتحها اشوف بدايتها المهم وانا امشي بين الرسايل اشوف رساله مكتوبه باسم ...... اسم قناه تلفزيونيه قمت فتحتها الا والقى مكتوب انا اسفه ما قدرت ارد عليك وابدا مو تجاهل قمت قلت له من هذا ارتبك وقال هذا واحد يشتغل في ....وذكر اسم القناه علقت وقلت ليش يكتب بهذا الاسلوب وكانه بنت قام قال هو كذا ومشيتها وانا على ثقه فيه عمري ما كذبته الا وشوي وانا اقرا يحاول يلهيني وانا يعرف انا ماني صاحبه بالين يادوب اركز في شي واحد قام يصرخ على ويقول انتي كل همك الجوال وهو طول عمره من تزوجته ما قالها استغربت وقلت خليني اكمل عادي الا والقى رساله مكتوب عليها بنت....اسم القناه عاد انا هنا شكيت فيه واول مره اشك فيه في حياتي وامسك الرساله وارسلها على جوالي واخذ الرقم بس مشكلتي اني لا عصبت بان على ان في شي وهو مصمم يترجاني اقول ايش فيه وقلتله وقعد يحلف ايمان انه ولد بس مايع وانه خكري ومن هذا الكلام ويقول يلا نروح عنده في الشرقيه علشان تتاكدي وانا مشيتها وبطيبه قلبي سامحته ومن هذا اليوم وهو حريص على الخروج يخرج يصلي ويتاخر ويكذب وانا اعرف انه يكذب وصار كثير ير وح للاستراحه وتغير على انا وعيالي وبس معصب ومره رفع المرجيحه بغى يرميها على بنتي ومره بالسياره اللعبه صراحه صرت اخاف منه وطول الوقت عصبي بس تخيلوا امس وانا في .....اقله مهما تسولي تعرف اني احبك واسامحك قال تعرفي اني احاول ارضيك قد ما اقدر خلاص يوم لك ويوم للاستراحه عاد هنا انا نجنيت وكل شكوكي زادت نفرت منه ورحت ابكي واصيح واقول ليش الاستراحه طبينتي انت وش لاقي بالاستراحه ليه هي يوم وانا يوم وطبعا كعادته لبسني الغلط واتهنمي اني ما اخليه يزور الناس وانه قطعهم بسببي عاد نص الليل قمت اصارخ زي المجنونه واقوله انت تروح علشان تكلمها ايش فيها مهو عندي ماتبغاني خليني اروح وانت خذها ومن هذا الكلام وهو يحلف انه ما يعرف وحده وقام قال تبغي تعرفي ليش اروح الاستراحه انا صرت اشيش اقسم بالله الارض دارت فيني وقمت اصيح وهو يحاول يهديني واغمى على وحاله وعيالي يصيحوا وقعد يبرر وانه سواها وماقلي خاف اني ازعل ومن هذا الكلام وطول اليوم وهو يراضيني وانا قلبي يعورني صرت خايفه على حياتي الجايه قلت الشييشه اكيد بيلحقها اشياء والاستراحات مايجي من وراها الا الخراب وقررت اتركه بس يقول لاتخليني يابنات انا من عايله تكره شي اسمه دخان وانا اصلا ما وافقت عليه الا لما عرفت انه ما يدخن والا يشيش ومستحيل كنت اوافق عليه يابنات والله ان قلبي يتقطع ماني عارفه ايش اسوي مقهوره وادعي ربي طول الوقت وابكي ماني متخيله كيف شكلها حياتنا الجايه بعد ماتعود عليها طبعا بتكثر خرجاته من البيت والجاي اعظم ابغى مشورتكم قبل بكره لاني والله ضايعه مو عارفه ايش اسوي ساعدوني واسفه على الاطاله والله اني اكتب ولا ادري ايش اكتب العذر والسموحه