أناقتنا يا فراشات مع الأزمة المالية

ايوالله ازمة مالية واسعار نار و مناسبات ربك يفرجها

الله يعين
الجميع

الله يعين

بقولك حبيبتي انا وزميلاتي في العمل وش سوينا
اول شي حطينا x كبيرة على عطور شانيل وكريستيان ديور لان اسعارها ضربت فوق
يعني عطر ب 500 خلاص هذا كان ماضي وراح وفيه عطور حلوة بسعر اقل
اكتشفت ان عطور موسكينو رخيصة وحلوة (هذا مثال)
اتسوق من نفس المحلات لكن ابحث عن الارخص في نفس المحل زي البلايز الي عالارفف بتكون ارخص من غيرها في المحل
م وشو كمان
ايه
لقيت بلوزة في مانقو مررة عجبتني لكن فيها عيوب
1- بدون اكمام (ما رح تنفعني في الدوام )
2- سعرها 230 ريال
3- طولها يناسب بنطلون ما يناسب تنورة
حطيت عليها x وقعدت ادور على وحدة تشبه لها
لقيت وحدة بنفس الالوان والموديل في بول اند بير وفيها مميزات افضل:
1- اكمام طويلة
2-سعرها 140 ريال
3- طولها مناسب انك تلبسيها على تنورة
م وشو كمان
حولت على المحلات الي سعرها ارخص وبنفس الوقت جودة
جزم وشنط وقت التخفيضات فقط
اي قطعة سعرها فوق 200 ريال احاول اقنع نفسي اني رح القاها في التخفيض بنص السعر او اقل
ما اشتريها وأأجل الموضوع لوقت التخفيض
المكياج حولت على مكياجي واشتري علبة الروج الي فيها 4 درجات من اللون الواحد
كريم الاساس حولت على ماركات حلوة ورخيصة
كريم الاساس ما يتجاوز 90 ريال
منظفات البشرة من اورفليم ومن نيفيا
تقريبا هذا الي اذكره الحين
موضوعك يجنن وهذاني عطيتكم من خبراتي المتواضعة
دوركم الحين يا فراشات

الموضوع رائع جدا
واتمنى من الفراشات التفاعل مع الموضوع
لانه يهم الجميع
بالنسبة لي قللت من طلعات السوق
وقليل اشتري من الماركات لان فيه الحين تقليد تجي ارخص وحلوة في اللبس
طبعا حق البيت
اما حق المناسبات
مااشتري جاهز
اخذ لي قماش ب400 وافصله عند هندي او فلبيني ب200
اكون قللت نص السعر او اكثر
مشكورة عزيزتي عالموضوع

طرح رائع ويحتاج لتفاعلنا
الصراحه اني بنوته21سنه بس ماطب السوق الا اذا عندي مناسبه كبيره وتهمني..
بالنسبه للفساتين صرت احب النعومين الخفيفين وحتى لو شئ كشخه قماش وافصل بلا جنون هالاسعار يضرب لج الفستا3000 يعنو راتب كامل للشركات العاديه,,,
الاكسسورات اخذت مرتين نوران وتضايقت حدي لانه اشتريت طقم حلق ب150,,,وسلسال ناعم والله اول لببسه صدا وتغير لونه وتضايقت حيل وكان ب85ريال...واشتريت خواتم واكسسورات شعر وصلت تقريبا انا واختي وامي 600 ريال
بعدها رحت سوق الدمام اللي عند الاماره عن اسواق الاد بن ناصر والله نفس الاسلوب والفخامه بس وزنهم اخف واخذت واجد اغراض اكسسورات..حلق..اساور..شباصات ماوصلو 300 ريل نص السعر
الجزم والشنط نفس الشئ من الاسواق اللي برى المجمعات..
عطور للحين اشتري من المجمعات بس احاول قد مااقدر السع ر لايتجاوز حد معين....واثر شي اشتري من زهور الريف الطقم...اللي بالروائح
هذي اللي ببالي ولي عوده قريبا ان شاء الله

الموضوع روعه ويحتاج تفاعل صادق يعني فعلا نقول وش نصلح بالفتره هذي اول شي انا صايره اخفف نزلات السوق يعني عندي فلوس اشوف المهم فالاهم زوجي قال الملابس بيعطيني مبلغ وقت التخفيضات واشتري فيه كل الي ناقصني لي ولبنتي يعني باشتري كل الي بنفسي بس بالتخفيض ..المكياج عندي متواجد وهالفتره مالتفتله الا اذا ناقصني الاساس او ماسكرا باشتري وبصراحه افضله من ماركه معروفه ادفع اكثر بس وجهي مااضحي فيه .. العطور اشتري عطر او اثنين غالي ماعندي مشكله ويكون مميز والباقي من مركز الكورنيش ارخص ..المشكله الي مالقيت لها حل الكوافيرات والخياطات بالغو باسعارهم حيل ومضطره ادفع والله فستان بسيط تخيطه لك 3000 وانت طالعه وش الفكره من هالاسعار مدري وتقولك كل شي غالي او كل شي غالي بس بالمعقول حتى الماركات العالميه لها فتره بالسنه تخفض ...
اما الي عندها بطاقة فيزا وتستخدمها بجنون عندي لها حل سمعت بالتلفزيون تحطها بعلبة فيها مويه وتدخلها الفريزر وتجمد وماراح تتضرر على راي الخبيره الماليه الي قالت الفكره وبكذا ماراح تقدر ابد تستخدمها الا للضروره وتعلم نفسها التوفير ..

من جد ا ازمة اللة يعين عطور لانكوم وغيرها صارت حلم بودي شوب البديل في وقت الازمات وبالفعل موضوعك حلو جا على الجرح