أنتي موظفه أو طالبه تحطي مكياج الصبح طيب أدخلي وعطيني فكره جديده

فكرتك حلوه أختي أم أمل
أما أنا قبل ماأستخدك اي شئ
اول ماأصحى أنظف بشرتي بغسول روعه لون سمااوي بس ماأعرف أسمه
وبعدها أضيف كريم أساس كلارنس >>>روعه ويصلح لجميع البشرات
طبعا أنا بشرتي تتهيج مع اي نوع من الكريمات بس يوم استخدمته روعه مره
طبعا النوع الجديد
وبعدها أستخدم بودرة أساس من بودي شوب لأنها مريحه مره
وأستخدم كحل اسود وأرسم عيوني كلها >>>الرسمه فوق وتحت
وبعدها أضيف بلاشر بطيخي فاتح
وأستخدم ماسكار اكس اكس ال روعه
والروج مره هادي ومره لون مزعج ^_^
تحياتي لك

بنات لا تستخدمو كريم اساس الصباح
لانه يمنع وصول الاكسجين للبشره و يسبب مشاكل و تجاعيد مبكره
عني شخصياً انا عندي دراسه في المساء
اغسل وجهي
و احطله مرطب ... و انتظر نص ساعه و احط بعدها بوديه مضغوطه من ( جي كازنوفا )
و احدد حواجبي بضلال و بفرشاه خاصه بالحواجب
و من بعدها احياناً احط ضلال مكون من لونين و احاول ادمجهم مع بعض فقط مع مسكرا ... و احياناَ احط رسمه رفيعه مسحوبه لبرى مع مسكرا
و احط جلوس لون ودري فاتح او بيج
و احدد انفي علشان اضعفه اكثر
بس اهم شي بالمكياج انها تكون بالبشره نظيفه و وخاليه من المشاكل يطلع المكياج حلو

انا الحمدلله ربة بيت.. خ
يعني ما احط مكياج الصبح.. والحمدلله لاني الصبح يصير وجهي متنفخ حده ههه...
بس مثلا ساعات اقعد الصبح.. او اطلع..
يكون مكياجي في الصباح طبعا غير عن المساء..
احط كريم العيون من جيرلان "اسيما" وكريم مرطب من كلارنس..
بعدين احط سان بلوك من جيرلان.. وايد حلو..
بعدين احط كريم اساس من استيه لودر او كلارنس.. وساعات اخلطهم مع بعض..
واحط بودرة الخدود برونز.. لان الصبح احلى البرونز من الوردي..
واكيد كحل.. والشادو اللي يحدد العين الاسود..
وساعات احط البودرة اللامعه من ماك على الخدود بس على البلاشر.. يطلع وايد حلو..
واخر شي اخذ اسفنجه ابللها ماي واحط معاها ماكس فاكتور الكيك.. 121.. واطبطبه على الوجه..
ليش الخطوة الاخيرة؟؟
علشان الصبح والشمس تخلي الكريم وايد سائل.. والبودرة تتكسر.. فلقيت هذا افضل حل.. ومايصير ثقيل ابدا..
والشفايف.. ساعات غلوس.. وساعات روج..
يعني ساعات احط على الجفن العلوي شادو برونز اللي من سماش بوكس..
وعلى شفايفي ساعات ارسمهم بالمحدد والونهم ايضا بالمحدد وبعدين احط الغلوس.. علشان يثبت..
يعني كل مرة غير..
وساعات بس اكتفي بالكحل بداخل العين والماسكرا.. مع الروج الغامج.. مثلا احمر او بني او برتقالي..
انا لون بشرتي بيضه على قمحيه.. وايد احب الالوان هذي في النهار.. تصير روعه..
خاصه يابنات المحدد البرتقالي من ديور.. خيالي.. يهبل..

[ اناعن نفسي قبل اروح الكلية اغسل وجهي بديب كلين واضع كريم صباحي من هيلينا روبنشتاين طبقه خفيفه بعدها كونسيلر من ميك اب فور ايفر لان عندي كلف خفيف بسبب الشمس
بعدها بلاشير بطيخي من كلينك
اي شدوا يميل للبطيخي من ميك اب فور اايفر على شكل سائل الكحل انا ومزاحي اذا مروقه اتفنن اذا مالي خلق استخدم الكحل العربي بلون فيروزي على اخضر جوا العين تلاقونه بجيرلان ب 120 ريال سعودي يعطي نظره حلوه
غالبا للشفايف استخدم قلوز من ميك اب فور ايفر تعجبني قلوزاتهم

أم أموله موضوعج وايد حلو..
حلو ناخذ أفكار من بعض علشان نغير شوي..
أنا أشتغل و أحب الميك آب الخفيف.. أول شيء أحط كريم مرطب فيه حماية من الشمس.. بعدين احط بودرة كلينيك، ما أحب كريم الأساس الصبح .. أحسه ثقيل عالبشرة..
وغالباً أحط شادو من لونين بيج على بني علشان يكون طبيعي مع الماسكرا الشفافة من البودي شوب و أعطيها لون خفيف من ماسكرا كلينيك..
و أحط بلاشر خفيف وأغير الغلوس كل يوم مرة بني فاتح مرة برونز ومرات روج ..
ولما أتملل أغير للوردي، شادو وردي درجتين، و الغلوس الوردي مرات غامق ومرات فاتح ..
ويطلع وايد حلو للصبح.. منور وطبيعي..

مشكورين يا بنات ...والله شجعتوني .
ليالي الشوق11 بسألك هاذي بودرة البودي شوب تصلح للبشره الجافه أو لا؟؟؟ جزاج الله خير

باربي الحلوه...أختي مشكوره على مرورج ...بس أنا كل يوم أحط كريم أساس ...بس ما أدري لو ما أحطه شنو اللي يخفي لي أثر التعب أة النوم؟؟؟أفيدني الله يخليج

أم كوكي .... والله يا أختي أنتي في نعيم (حسدتك) بلا وظيفه بلا بطيخ ...ما أخذنا منها غير الهم والتعب (والراتب ...أشتغل ببلاش؟؟؟) بس والله بعد حلو الوحده وهي قاعده بالبيت وتبي تطلع الصبح تحط لها شوية مكياج ...مشكوره على المرور

عزيزتي المتغليه....والله أنا مثلك ساعات ودي أحط اللي كل اللي بالدرج وساعات ما ودي أشوف وجهي ....بس تدرين أكثر شي يحز بنفسي كل ما فتحت درج المكياج؟؟؟ الجلتر ...لأني ما أحط منه الأ بالمناسبات ...ما عندج فكره تخليني أستفيد منه أكثر؟؟؟؟؟