أوكسجيني 2

.
.
.
محظورات !!
الات + الرسائل له /لها + صور الأرواح + الحزن !!
وياليت أقدر يكون ( عدد المشاهدات ) كمان من المحظورات
نفسي لو أقدر أخليه مايطلع لي ابد
أبي أحسس نفسي أني لوحدي هنا .. اكتب وأتكلم لوحدي
بس تعرفون أحلى شي أنك تتكلمين وتقولين كل ألي بقلبك
من دون ماأحد يقاطعك .. وتفضفضين متى ماتبين وبأي وقت
..
فيه ناس هنا تسمعني وتفهمني وتحس فيني حتى لو كنت ماأشوفها
ولااعرفها أبد .. أهم شي يسمعوني ويفهموني
فيه ناس تفرح لفرحي وتحزن لحزني .. يمكن يكون مو الكل بس متأكده أنو فيه

.
.
.
فضفضي بذنوبك وهمومك لله .. فكل مايدور بيننا وبين الله هو سر !!

.
.
.
مااعرف ليه بس على كثر التعب ألي فيني .. على كثر الالم
أحس فيه شي جوا مرتاح ومبسوط .. مهما بلغ حجم تعبي
يمكن رضا .. يمكن ثقه بأن ربي مستحيل يضيعني
وأن كل هالتعب ألي أنا فيه متأكده ربي راح يعوضني بلي أحسن منه
..
قبل فتره قصيره جتني رساله عالجوال من وحده اعزها حييل
الرساله كانت صدمه قويه بالنسبه لي .. مره صدمه
رفعت عيوني للسماء وأنا أقول بنفسي ..
أعرف ياربي أنك بتعوضني خير .. خير كثير
تعرفون كنت وقتها عيوني تدمع وقلبي يبتسم .. يضحك كثير
..
كنت أضحك وأبتسم بس عشان ربي يشوفني أني راضيه بكل شي يصير لي
راضيه مهما صار لي وواثقه أن كل شي من ربي خير حتى لو كان يألم كثير ويتعب كثير كثير

.
.
.
خذ ياربي .. خذ كل الأشياء ألي أنا أحبها .. مو مهم بس إرضى عني واعطيني الجنه

.
.
.
نفسي لو أقدر اعرف إذا ربي ساخط علي والا لا
كل شي يصير لي .. كل مشكله كل تعب .. أقول بنفسي أكيد ربي يعاقبني على ذنوبي
مره قلت لوحده أنا صايره كل ماتصير لي مشكله ولو بسيطه مره اقول بنفسي اكيد ربي يعاقبني
قالت لي شي مره حلو .. احسه ريحني كثير
قالت لي حتى لو كان يعاقبك .. يعاقبك بالدنيا أحسن من أنه يعاقبك بالاخره

.
.
.
كان يقول لي ( والله طفشني ناشب لي نشبه كل شوي يقول لي شوف فلان وش لابس
شوف فلان وش مسوي .. طفشني مره .. ياخي اترك عنك عيوب الناس وشوف عيوبك أنت )
أثرت فيني كثير كلمته ( اترك عيوب الناس وشوف عيوبك )
ومن يومتها وهي ببالي ودايم افكر فيها
صدق ليه نشوف الناس وننشغل فيهم .. دعوا الخلق للخالق !!
بالرغم تصدقون لو ننتبه لاانفسنا شوي لما نشوف عيوب الناس
والله بعض ألي بالناس وإحنا ننتقدهم عليه يكون فينا بس إحنا مانحس ولاننتبه
تدرون ليه .. لأن كل إنسان مايبي يشوف أخطائه مايبي يشوف عيوبه
لما نشوف شي مو حلو بالناس فكري يمكن يكون فيك نفس هالعيب !!
واذا ماكان فيك قولي الحمدلله واتركي الناس عنك فيه رب يحاسبهم .. رب هو ألي خلقهم .. وهو ألي يحكم بينهم
فقط شي ودي اطبقه من اليوم بحياتي
(.. دعوا الخلق للخالق .. )

.
.
.
أقول لكم شي نفسي فيه بس ماأحد يضحك علي؟!
نفسي لما ندخل كلنا الجنه مع بعض أ عطيكم كلكم ورد أبيض
ياويل وحده تضحك علي

.
.
.
تفتحت الورود ..
وتساقطت قطرات المطر على جبين الأوراق !!
وتتابعت خيوط الشمس بالبزوغ .. لتنشر الدفء في أرجاء المكان
وبدأت العصافير بعزف أجمل المقطوعات
صباحكم رضى وثقه وحب للمولى
مبسووطه أني صحيت الصباح .. ياناس أحبه الصباح

.
.
.
إنشوده (..راحه بال ..) للمنشد الوسمي
إلى متى تشتكي وتنوح ..... يكفيك ضيق وعنا وهموم
أدي صلاتك على كل حال .... تلقى في صلاتك هدات البال