إذا زوجك بيسافر شو تسويين

السلام عليكم ورحمة الله وبركاته ...
شلونكم وشخباركم ياحلوين ؟؟
هذي تجربه منقولة...
زوجي جاتله سفره في الشغل ... مدتها سبوعين ... وانا اكره شي عندي لما يسافر ...
المهم ... ليلة السفر هو طبعا" نام وانا جالسه اتقلب في فراشي ... فكرت بشي وقمت ونفذته على طول ...
المواد المطلوبه .. .
1.. صورتك ... المهم تكون حلوه ...
2.. جوال زوجك ..
3.. قلم ..
مافي اسهل من جذي ...
المهم انا رحت الغرفه الثانيه ... وجهزت هالأشياء ...
أول شي أخذت جواله وغيرت اسمي بجواله وحطيت (( واحشني موت)) وحطيت النغمه (( ميامي - أهون عليك ))
ورحت على التقويم اللي بجواله .. وحطيت بعد تاريخ السفره بيوم يعني بيكون وصل للديره اللي رايح لها .. حطيت تذكير بمنبه يعني يرن التذكير
(( واحشني))
واليوم اللي بعده بوقت ثاني
((ماقدر أعيش بدوونك))
و (( فديتك انت على بالي على طول ))
والخ ..... طبعا غيرت الأوقات وخليتها يوم وترك ..
خلصنا من الجوال ....
الحين الصوره .... خذت لي صوره حلوه ...
قلبتها وكتبت عليها (( بالقلم الجاف))
كتبت عليها شعر .. وكتبت عليها خرابيط يعني الاشياء اللي كان في بالي وقتها ..
كتبت له
بتوحشني وايد
أحبك
لاتشوف البنات ترى أغار
خلني على بالك على طول ..
وغيره وغيره ... وكتبت الوقت والتاريخ ...
المهم .. بعدها اخذت الصوره وفتحت شنطته ... وحطيتها تحت الفووطه تدرون اول مايوصل بيتسبح ... يعني بيشوفها اول مايشيل الفوطه بس حطيتها مقلوبه يعني صوب الكلام على شان لو كان احد حذا مايشوف صورتي ..
وبس سكرت كل شي ورجعت السرير ... ولامن شاف ولامن دري ...
الصبح راح المطار المهم انا هني دقيت عليه .. على شان اتطمن طارت الطياره ولا لا .. المهم الا هو اول مارد يقولي اشهالنغمه واحشني موت وحركات .. عجبته الحركه الأولى ...
وبعدين لما كلمته في الليل .. يقولي شمسويه انتي تبيني اصيح يعني اشهالكلام اللي كاتبته ومادري ايش ... يمزح المهم عجبته الحركه ... والتذكير بعد
اقولكم هو قبل سافر اكثر من مره لكن ماكان يعبر عن شعوره وايد
الحين اول مره يقولي انتي في بالي على طول وكل شوي اشووف صورتج .. وماقدر ارقد في الليل وانتي مب حذاي وناسه ...
جربووا الحركه وأدعولي ....
منقول
بالتوفيق...