إنتي وأنا مذكرات أم قصة مميزه حمران النوظر

قبل خمس وعشرين سنة.. كانت الجازي عايشة في عالم هاني..
قبل خمس وعشرين سنة.. علي كان هاني بحياته...
لقى حارب صديق وعزيز وغالي... وحبه وتمنى قرابه منه...
وتقربب منه.. لكن بصورة ما عجبت حارب...
الجازي تدخلت بهالقرابة.. وصارت اهي اسم العداوة...
تزوجت الجازي من علي.. عن غير علم حارب..
وراحت معاه بعيد عن حياة اخوها العزيز...
عاشت في دنياها وعاش هو في دنياه... وتخربطت الاوراق عندهم.. لمن ضاع معاهم كايد.. ولد حارب..
الزمن كفيل بشفاء الجروح... هذي العبارة صحيحة ولاا...
امي دوم تقول لي ..
يا ليلى.. الانسان يصبر على جراحه.. لان.. تكبر الصغار.. وتعمر من بعدهم الديار.. فيا ترى يا يمة.. كلامج صح؟؟؟؟؟
----------------------------------
انتي وانا
مذكرات أم..
اكتوبر 2005
بدت ايام اكتوبر ببرودة بسيطة والخريف حمل معاه أمطار خفيفة تهدئ من نيران التوتر في الشوارع والزحام.. وبردت ارصفة شوارع سخنت من حرارة اغسطس.. وعليها مشت الجازي بهالصبح العامر.. متوجة من محطة الى ثانية عشان توصل الى عيادة الطبيبة اللي بدت تراودها في الأيام الماضية.. حاولت تسرع يالله تلحق بموعدها اللي كان الساعة 10.. تركت البيت من حوالي الساعتين وزحمة الشوارع تخنقها وتخنق سياق التاكسيات اللي يزمروون وف ينفس الوقت ينفسون عن غضبهم بالشتايم في وسط الخطوط الطويلة المنتظرة.. في شوارع التفاحة الكبرى.. "نيويورك"
ضمت جنطتها الجلدية البنية الكبيرة الى حظنها بقوة داخل القطار في السابواي.. لان الحرامية كثار وخصوصا في هالمحطة لذا عليها بالاحتراس.. تمسح عن جبينها عرق توتر او يمكن رذاذ مطر.. الا انها ما كانت مهتمة.. اليوم عيد ميلاد نوور وبتكمل فيها 12 سنة.. والمدرسة تستعد لحفلتها اللي راح يوصل لهم كيكتها علي –زوجها الحبيب- وان شاء الله ما ينسى..
ابتسمت يوم ذكرت بناتها معاها البارحة يخططون للحفلة الليلة في المطعم الصغيرون اللي يمتكلونه في ارض الغربة.. وشكثر كانت تفاصيلهم ممتعة ومثيرة لدرجة ان نور ما صدقت نص اللي قالوه..
اكيد بيستغربون يوم ما بيلاقوني .. وعلي اكثرهم... بس ما كنت ابيهم يعرفون عن روحتي للمستشفى.. يمكن احمل لهم خبر حلو.. وابيهم يتفاجئون..
توقعت الجازي انها يمكن تكون حامل.. مع انها في سن كبير.. الا انها بعدها تعد في مرحلة الخصوبة.. حست بالاحراج يوم تخيلت انها تكون حامل للمرة الخامسة.. لكنها بعد.. فرحت.. لان يمكن هالخامس ان الله راد يكون اهو الولد اللي لطالما تمنوه بالسر قبل العلن..
فمن يدري.. هل هذا طفل يديد في حياتها وحياة عائلتها... ولا؟؟؟
----------------------
في الجانب الشرقي من هاي المدينة.. كانت عيونه تجول على المباني.. وعلى الارصفة والشوارع اللي انملت باصحابها.. وزحمة العالم اللي يمرون وهم يتدافعون او ساعات يتسارعون ويتسابقون الى اشغالهم ومهامهم..
وفجاة.. طلت عليه قطرة ندى فظولية.. تسيل من اول الدريشة الى تحت.. وهو يراقبها بابتسام.. خجولة وظريفة مثل رفيجاتها وتابعتها... فما كان منه الا انه يكلمها..
كايد: صباحج عسل..
والتفتت الى صوب الغرفة.. يبدل ملابسه عشان يتوجه الى شغله اهو الثاني.. وهو يمشي.. يسحب الأولى عن الثانية.. نتيجة عاهة مستديمة من الولادة في ريله.. عاهة قدرت انها تمتص كل الدفاعات في نفسه.. وتبعده وتخليه وحيد في عالم مليئ بالأهل.. والياي اكثر..
دخل الغرفة وهو يرفع التي شرت اللي عليه.. فكشف عن اكبر آثار حرووق يمكن يحملها انسان في حياته.. غطت معظم ظهره بالاظافة الى جهة اليمين من صدره وبطنه.. ولانت ملامحه بالقشعريرة والاذى.. وكانها يشوفها لاول مرة ملازمة جسمه..
مد صبع.. وتحسس التحرشف.. واقشعرت اطرافه وعلى طول سحب له تي شرت كم طويل وياقة طويلة ولبسها... وتغطى القبح والتشوه.. وعااد كايد الى غلافه..
نبح عليه "ثاندر" جلبه الودود.. فالتفت له وهو جفلان لانه ما انتبه له.. يمكن لكبر حجمه وتمدده مثل المخدة.. فابتتسم بعذوبة الوناسة:.. انت هني؟؟؟
قعد على السرير وتم يمسح عليه ويحك له يلده:.. وشلون ما تكون هني.. وانت الصاحب الوافي... ؟؟؟
داعب ثاندر شوي.. وقام ولبس جاكيت وبرنيطة قطنية بلون الاسود على راسه وحمل جنطة الكاميرا والمعدات.. وودع ثاندر اللي كان مسترخي على السرير الكبير..
توه بيطلع من البناية وتلفونه يرن...
شاف الرقم فعرفها...:... صباحج خير يا رب..
حياة وهي تلتفت عن اختها جميللة:.. صباح خير.؟؟ قول كارثة خير.. قول فاجعة الخير..
كايد وهو مستغرب: خير عسى ما شر
حياة وهي مو مصدقة:... انت وينك من الصبح؟؟ وليش ما ادري عنك للحين؟
كايد وهو يتلفت:.. لو سمحتي اختي رقم مستشفى الميانين اهو...
حياة ووهي تقطعه بصوت عاجز: كايد قلت لك اليوم عندي الفيتينغ مال فستان زواج جميلة صح ولا لاء؟؟؟
كايد وهو يضرب على جبينه:.. اليوم؟؟ انه علبالي امس..
حياة وهي تضرب بريلها: I'VE CALLED FOR 7 TIMES AND YOU DIDN' PICK-UP شفيك يا كايد؟
كايد وهو يحاول يتذكر هالشي ويأشر على راعي تاكسي يوقفف له: اتصلتي فيني؟؟ متى؟؟؟
حياة وهي تراقب جميلة المتظايقة من انشغالها:.. اتصلت فيك يمكن من الساعة ثمان الى هالحزة يوم تكرمت ورديت علي..
كايد وهو يبتسم بنعومة لانه لقى تاكسي ولان حياة مزاجها ناري وما عنده شي يقوله لها:.. حياة انا اسف ووحقج علي ولاله ما دري.. كنت حاذف تلفوني في الصالة و..
كملت عنه حياة: غرقان في النوم صح...؟؟؟ بصراحة انا مادري ليش مرافجة لي واحد مثلك.. you are supposed to be my friend remember.. المرشد والموجه في الامور الصعبة..
كايد وهو يكلم راعي التكسي: take the 58 street then cross the Hudson river and I'm yours sir… (يرجع لحياه) نعم حياة ما سمعتج؟؟؟
حياة وهي تتكلم بسرعة قاتلة: قول لي شي كايد انت تستمتع بتعذيبي جذي ولا تظن اني امزح ولا ولا شي من هالامور يعني لي جدية..
كايد وهو عيزان ما يدري شيقول لها:.. حياه ارجوج تكلمي عربي مافهم لج.. شمالمشكلة الحين اني ما رديت.. قلت لج اسف.. (يناظر ساعته) ما بعيدها مرة ثانية.. قوليلي الحين شخبار الدريس ( ولا هو عارف اصلا ليش بتشتريه) قدج؟؟؟
حياه وهي تهفهف:... ااولا.. اهو مو دريس.. اهو الصروال والقميص الهندي اللي قلت لك عنه.. وثانيا.. للحين ما اخترته عشان يكون له شكل.. كنت معتمدة عليك تعطيني رايك لو تييني هني..
كايد وعينه مفتوحة بوسع: you want me what? حياة.. انتي ساعات تكونين unbelievable
حياة: why??
كايد وهو يهز راسه لان هالموضوع نافق:.. الحين خبريني.. شمشكلتج لاني بروح الشقل..
حياة وهي تناظر رزمة الملابس اللي ميمعتها عشان تتخذ قرار في اي واحد تاخذه: محتارة في لون الملابس اللي ابيه.. تركواز استوائي ولا شوكولاتي حليبي..
كايد وهو يتمنى لو انه يموت:... مادري والله.. التركوازي شفيه؟؟
حياة وهي تاخذ نفس: استوائي.. تروبيكال.. مادري والله محتارة مادري اختار اي لون
كايد وهو يحك رقبته ومب عارف شيقول لها.. التفتت الى عند احد المحلات لقى عند العرض خلطة الوان ملفته.. ومن النوع اللي يركب على حياة:... جربي البرتقالي الباشن.. و.. الأحمر.. او لا... التركوازي المداري..
حياة وهي تمد شفاتها: التروبيكال.. والله تدري.. حلو اللونين اللي قلت لي عنهم بشوف ان جان في وبرد عليك اوكيه؟ باي..
وسكرت التلفون حياة.. وكايد يرمي راسه الى ورى السيت..لوكان هالشي اهو اللي بيبعدها عنه من الصبح للحين جان من زمان سواه ولا تعرض الى هالهجمة الكبيرة في دماغه..
سايق التاكسي يلاحظه ويبتسم بسخرية عليه:.. bad morning
كايد وهو يهز راسه بنفس عميق:..bad friends,.,
ابتسم راعي التاكسي وواصل سياقته الى محطة كايد .. والاخير يفكر بحياة وتعلقها اللي يزيد يوم عن يوم معاه.. من حوالي الخمس سنوات وهو يعرفها.. من اول ايامه في اميركا واهي ملازمته صديقة وصاحبة .. لكنها تحمل في فكرها افكار معينه عنه اهو ما يحملها عنهها.. يوم اكتشفها حاول انه يبتعد عنها لكنه ما قدر.. حياة بنت ممتازة وصديقة رائعة وخسارة لو الواحد يبتعد عنها في مثل هالبلاد الغربة.. لانها تشكل ملجا احيانا من الظروف القاسية وياما واجهت وياه ظروف وظروف وكانت هناك معاه اول بأول.. ما ينسى فظلها عليه ولا بينسى رباعتها..
كايد وهو يتكلم بصوت خفيف:.. بس لو تشيلني من بالها عاطفيا.. ..
------------------------------
الغرابة كانت سايدة في البيت من غياب امهم..لكن الملاحظة اللي كانت على الثلاجة خلتهم –ماعدا علي – يواصلون استعداداتهم ليومهم اليديد من المشاغل والمتاعب.. كانت سٌرور طالعة يوم وصلت نسيم ارفيجة حور عند عتبات البيت وتوها تطفي الزقارة من حلجها .. طالعتها سٌرور بقرف وهي تتوجه لها بابتسامة وقحة..
نسيم..: good morning cub cake..
سٌرور وهي ترفرف يدها عند حلجها: بال بال بال.. هالرائحة الزكية من الصبح
نسيم ووهي تطالع سٌرور بشزر: اي ريحة؟؟؟ اه.. الزقاير.. شنسوي بعد.. (تمثل بحركة انها تشرب شاي بكووب) قهوة الصباح مثل ما يقولون..
سٌرور وهي تلف اللفافة على رقبتها وتطلع شعرها من تحت الجاكيت: حور بعدها تتريق.. باي..
مشت سٌرور عن نسيم اللي ظلت واققففة تودعها بعبارات مزعجة وضحكة قبيحة مثل وقاحتها الغير محتملة احيانا.. وطلعت لسانها لسٌرور من بعد ما غابت ودخلت البيت..
وصلت للمطبخ وعلي كان قاعد يشرب من الجاي حليب ويقرى في الجريدة:.. صباح الخير عمي.. شلونك؟؟
رفع حاجب وعيون علي ورد نزلها الى الجريدة:.. خرق يديد اشوف؟؟
توجهت يدها بفخر الى خشمها وين ما يتدلى قرط دائري منه:.. عجبك.. امس سويته.. hurts like hell but it's fashion شالاخبار عمي..شي يديد في السياسة..
علي وهو يتنهد بقوة:.. same old politics
نسيم: god bless America عمي .. عشان نكون بخير وسلامة فيها..
علي يناظرها لمن خلاها تبلع ريجها وهي تنتظر ملاحظة يديدة من ملاحظاتها العديدة: بخير وسلامة؟؟ وقرطج ؟؟ والتاتو؟؟؟ وثيابج؟؟؟ وكلامج؟؟ ولهجتج؟؟؟؟ يعبرون عن شي فيه خير وسلامة؟؟؟
نسيم:chill عمي .. هاي الفاشن..
علي وهو ينزل الجريدة ويبدى محاظرة يديدة الرقم الألف لنسيم:.. يعني حاجبج مخروق.. واذنج من للحمة الى مادري وين؟؟ والحين ما هدى لج بال الا تخرقين خشمج؟؟
نسيم : عمي هاي الموضة شفيك.. وبعدين.. هاي الا تلبيس.. اقدر اشيله متى ما بغيت.
علي اللي ما صدق: شيليه اشوف؟؟
نسيم تبلعمت: .. عمي شنو اشيله بعدين بعدين.... (تصوت بصوتها وهي تتمنى الرد) حور.؟؟ وينها حور عمي.. (تبتسم بتوتر) تأخرنا على التحصيل العلمي اليوم في الجامعة..
علي وهو و يهز راسه: يوم واحد يا نسيم.. يوم واحد تظلين في بيتي.. اردج مثل ما ولدووج..
ابتٍمت نسيم بشي غير الفرحة.. بالخوف.. من عمها علي اللي على الرغم من عدائه الواضح لها الا انه تعرف بمحبته وعنايته ورعايته لها.. احسن من امها وابوها اللي حتى مايدرون انها راسمة لها وشم..
نزلت حور وهي تلبس الجاكيت الصوفي وهي ترتعش:. برد اليوم... (راحت لابوها وباسته على جبينه) صباح الخير بابا..
علي: صباح النور... بررد اليوم؟؟؟ احنا من اسبوع بدى الببرد عندنا... الله يعيننا هالسنة بس لا يكون قاسي مثل السنة اللي طافت..
نسيم: وناسة عمي ان شاء الله يطق الثلج ونبني سنوومان ببرع.. تعرف.. doin somethin cool
علي وهو يطالع ا لجريدة: بنشوف..
حور : بابا وينها امي اليوم ما شفتها..
علي والافكار ترجع له عن وين يمكن تكون زوجته اليوم.. : حطت هالملاحظة.. بتوصل اختج اليوم.. ومادري بعدين وين بتروح..
حور وهي تتخصر: اووه عيل شنو الحين ؟؟
علي: شنو شنو الحين؟
حور: الليلة يبا عندي تسجيل الكلاسات الاظافية وكنت ابي استشيركم اليوم عشان اروح اسجل؟
علي وهو مستغربب: كلاسات اظافية لشنو؟
نسيم ووهي تتدخل من غير الاستئذان: كلاسات اظافية عشان الرسم مال المتعريين
جفت عروقه علي يوم سمع هالشي من نسيم: شنو؟
ضربت حور نسيم على جتفها وبنظرات نارية طالعتها:.. شفيج انتي؟؟ (تكلم ابوها) يبا هاي الرسم اللي بالفحم.. ناخذ موديل ونرسمه.. عشان نحاول نصقل..
ماكملت حور بصوت ابوها اللي وقف وبان طوله الفارع بعض الشي:.. ما عندي بنات يرسمون ناس متعريين ... واعتبري الدروس الاظافية مرفوضة لاني لا انا ولا امج بنرضى
حور وهي تتوسل بعجز لابوها: بابا بليز.. صدقني انا ما بسوي شي غلط كل اللي بنسويه اننا نرسم..
علي وهو يلتفت عنها ويطلع من المطبخ: لا..
تلحق وراه حور لكنها توقف لنسيم: كله منج يالسوسة
نسيم وهي تتصنع البراءة: I didn't do anything
حور وهي تلحق ابوها: يبا اكا الدكتور يعالج ناس يتعرون جدامه في جاه العلم؟؟
علي: هاي الدكتور قاسم قسم شرف عشان يخدم.. مو عشان.....
وهو يحاول يدور كلمة حور ترد عليه: عشان شنو يبا؟
علي ووهو ينفذ بصعوبة: عشان يتسلى.. انا من البداية قايل لج.. الرسم مو تخصص احد يدرسه..
حور وهي تثور.. وهاهي الجولة السبعة آلاف من مجادلات حور وابوها علي: يبا اناانمي موهبتي شلون تقول اتسلى؟؟ شتبيني ادرس يعني ؟؟ تبيني ادرس محاسبة ولا ادرس هندسة مالية ولا... اصير شيف مثل سٌرور؟؟؟
علي: وهاي شغلة محترمة.. شوفيها شلون دايرة شغلها في المطعم من احسن ما يكون..
حور وهي مومصدقة: اصير شيف يعني؟؟ ما يكفي انت وامي واهي.. بعد واحد ثالث..
علي وهو حاط يدينه في مخابيه: نقدر نستفيد من موهبة يديدة او عنصر فعال..
حور وهي مو مصدقة: بابا انت ما يالس تتكلم بمنطق
علي وهو يوافق بنته في هالكلمة: .. اوكي اوكي مو قصدي تشتغلين كشيف.. بس الرسم مو مجال الواحد يدرسه.. عندج الف موهبة تدرسينها يا حياتي وتتمعنين فيها.. وتخلين الرسم موهبة ولا هواية لج..
حور وهي تتراجع عنه: انت دومك ضدي. في اي شي انا اختاره انت ضدي.. ماكان لازم حتى اني اراجعكم في شي لاني اعرف انه مرفوض...
علي: حور لا تقولين جذي..
لكن حور انسحبت من الصالة وهي تمشي بسرعة .. انتشلت جنطتها وولووح الرسم والجاكيت وطلعت من البيت وونسيم تتبعها.. وتناديها.. لكن لا حياة لمن تنادي..
طلعت حور من البيت وعلي تبعها لعند الباب لمن اختفت من عند زاوية الشارع الى مسيرتها اليومية الى جامعتها.. حس بالانزعاج من نفسٍه ومن بنته في نفس الوقت.. شلون طلعت غير عنهم كلهم.؟؟ شلون طلعت جذي متحررة زيادة عن اللزوم وميولها غير مناسبة معظم الوقت..
سكر الباب وماما عابدة -المربية والمرافقة طول سنوات غربتهم في اميركا-واقفة وهي مجتفة يدينها تناظره وكأنها تطالبه باستفسار..
علي وهو يرد على سؤالها الصامت:...لمصلحتها يا عابدة.. مو عنادا لها او شي ثاني... شنو ترسم وما ترسم... انه ما دخلتها جامعة عشان تضيع سنوات من عمرها في اشياء ما منها فايدة
عابدة: بس ازا كان اللي بيرحها كده.. ليه توئف في طريقها..
علي وهو يلتفت:.. صدقيني.. لمصلحتها..
هزت راسها عابدة بالنفي ودخلت المطبخ.. تنظف اللي انرمى .. وتعدل.. وهي غير موافقة على تصرف علي وتحسه غير عادل بحق حور.. مع انه يحمل اكبر حب واكبر اهتمام لها الا انها ما تلقى منه الا الرفض كجواب.. هل هو عناد؟؟؟ او ان حور بالفعل طايشة..
لبس علي الجاكيت وتسلح ضد البرد القارس.. وتوجه الى برع البيت.. والجازي ترجع لدماغه وتفكيره... وين من الممكن انها تكون بهالصبح؟؟؟ وين راحت بالضبط؟؟ وشلون تروح في مشاوير من غير ما تخبرني او حتى تقول لي شي.. حسيتها من ايام تخفي عني شي.. وكم مرة حاولت استعلم منها الا انها ما قالت شي.. ما تدري ان مو من عوايدها تخبي عني شي.. ولا الغموض من سلوكياتها المعهودة..
----------------------
طول الوقت كانت حور ساكتة عن نسيم اللي تكلمها في مختلف المواضيع وما اترد عليها بكلمة وحدة... وكأنها مب اهي اللي افتعلت المشكلة وتسببت برفض ابوها للحصص الاضافية اللي اهي بحاجة لها بصورة كبيرة.. مو كفاية الوقت الكبير اللي تمضيه في المطعم.. بعد ما يكفيه يبيها تشتغل له طباخة.. مو كفاية نسيم وامي.. حتى اهي بعد..
نسيم وهي تطلع زقارة عشان تدخنها.. جان تسحبها من يدها حور وترميها على الارض وتدوسها: لمعلوميتج مو كل الناس تشتهي ريحة هالزفت هذا؟
نسيم بنكران تطالع الزقارة المدهوسة: what did you do that for??
حور وهي تنفجر في ويه نسيم مو عارفة انها مصدر اهتمام شخص يراقبها من اول ما دخلت لحد هاللحظة: انتي اخر من يتكلم.. كله منج ومن اللي يطلع من تحت راسج؟؟
نسيم بدهشة: انا؟؟ قوليلي شسويت؟؟
حور: شسويتي؟؟؟ ليش ثرثرتي جدام ابوي عن سالفة المودلز وخربطتي؟؟؟ كنتي تدرين انه بيرفض وكنتي تدرين اني كنت متخوفة من هالشي بالذات.. قمتي ورحتي وخرتي ونجبتي يمه..
نسيم: how I was suppose to know 7oor انا مو في بالج ولا خيالج
حور مو مصدقة تنفجر مرة ثانية في وويه نسيم: نسيم انه امس قايلتلج.. قايلتج وماخذة نصيحتج وانتي اللي قلتيلي اذا تبين ابوج يوافقق خلي امج تكون وياج؟؟
نسيم وهي مستغربة: انا قلت جذي؟؟ متى؟؟؟ ترى ماذكر حور؟
حور وهي تبع دعيونها عنها: شلون تذكرين؟؟ ما يهمج الموضوع.. مو حياتج هذي.. مو هبتج ولا حلمج؟؟ فليش تهتمين.. انتي بنفسج ما تهتمين شلون بتهتمين في الناس...
نسيم اللي حست بظيج حور صج الحين: حور ووالله اسفة مادري بالدنيا.. تدرين فيني اقول شي دقيقة والدقيقة الثانية يتبخر الكلام..
حور تناظر نسيم وبعيونها دموع القهر:.. كنت محتاجة لموافقته... كنت محتاجة الى الدروس الاظافية عشان ما اظيع الوقت في المطعم.. وكنتي تدرين... نسيم من متىوانتي ارفيجتي؟؟؟ اذا نسيتي كل شي شلون بتنسين هالشي؟؟؟؟
سكتت نسيم وحور التفتت عنها وهي تبجي بصمت.. كل ما تهمل دمعة تمسحها بقهر باصابعها المثلجة.. ونسيم كانت في حالة من الحزن والصمت على حال ارفيجتها اللي تسببت فيه.. وتمنت لو انها تختفي من هالكرة الارضية لان ما منها فايدة..
نسيم وهي تلم حور اللي استرسلت في حزنها يوم لمتها: انه اسفة حور.. وصدقيني لو فيني شي اسويه لج.. جان سويته.. لكن والله اسفة.. سامحيني.. انتي تعرفيني من زمان.. انه هبله ودومي اخوره وانجبه.. لكن ما كان قصدي اني اسيئ لج.. واصلا ابوج هذا ما عنده سالفه.. (تقلد على صوته) كله لا كله لا لا لا لا.. اخافه نسى النعم في حياته.. انتي ما شفتيه يوم شاف القرط اليديد في خشمي.. اقول له تلبيس ابيه يقزرها قال لي شيليه اشوف..
حور وهي تطال خشم نسيم وتوها ملاحظه القرط: اوه.. توني ملاحظته.. متىحطيتيه..
نسيم بفخر: حطيته امس عند جارتنا جيسي.. تعرفينها تسوي تاتوز وهالشفلات.... عجبج؟
حور وهي تمسح دموعها وتراقب ملامح نسيم المشوهه بالمكياج.. ابتسمت في ويهها وجاملتها: وايد حلو عليج..
نسيم وهي تبوس خد حور.. سوري حور
حور وهي تبتسم باستسلام:.. رب ضارة نافعة.. يمكن من المقرر في حياتي اني اشتغل للساعة عشر بلليل في مطعم ابوي..
نسيم وهي تحظنها: فكري فيها يا حور.. انتي بتظلين تشتغلين لسبب..
حور وهي تحاول تلاقي سبب: for what reason?
نسيم بابتسامة ذكية: عشان كل ما اييلج تعطيني شوي من الآبل باي اللي تسويها سٌرور بمهارة وجدارة... for freee
ناظرتها اول شي لفترة.. لكنها انفجرت من الضحك عليها وهي تهز راسها عجب من كلامها ومن افكارها.. وتخلت حور بهاللحظة عن زعلها على ارفيجتها.. واسترسلت في ضحك من بعد بكاء خفيف مثل رذاذ المطر..
وكايد ما شال عيونه من عليهم يراقب القصة ا لقصيرة اللي مرت جدام عيونه.. في صبح مطر رذاذ..
تذكر يوم تعطلت سيارة التاكسي جدام مدخل الساب واي.. حس بالقهر لانه بيتعطل عن الشغل ولانه بيركب في القطار.. لكن الحين.. لقى السبب الي ادى الى كل هالامور.. انه يراقب هالقصة القصيرة ودموع الرذاذ اللي جابلها اليوم الصبح يوم طلت عليه بفظول.. ولكن هالمرة انسابت على خد بنت يمكن تكون اجمل بنت شافها في نيويورك.. ماهي رقيقة ولا هي خشنة.. سمارة خفيفة عربية وعيون واسعة بهدب كثيف.. وشعرها كان حرير وقصير الى جتفها.. وابتسامتها ترد الروح مع انها وايد ضعيفة.. يوم انتبهت له ارفيجتها المخيفة نزل عيونه بسرعة وكانه حرامي..
نسيم وهي تناظره بغزل وواضح: well hello my prince charming
حور وهي تناظر روحها في المنظرة الصغيرة: شفيج ؟؟؟
نسيم وهي تطالع حور بغرور: ولا شي.. بس توني صايدة واحد يناظرني بنهم.. القرط بدى يعطى مفعول
حور: ههه.. ووينه هالمعجب السري؟
اشرت عليه نسيم.. ولكن.. كان غير موجود.. فانصدمت:..... توه كان هني؟؟؟
حور وهي تراقب نسيم: الظاهر الزقاير مأثرة عليج
نسيم: مالت عليج.. هاي زقاير مب حشيشة.. لكن صدقيني.. (بلهجة شاعريه) اذا لي نصيب.. بلاقيه مرة ثانية... في هالدنيا... ولا دنيا ثانية...
ضحكت حور بقو على نسيم وهبالتها.. وما سمحت لها لفرصة انها تراقب كايد اللي تحرك من مكانه يوم حس لنظرات نسيم القوية.. واول ما توقفف القطار نزل من عليه لانها اهي محطته.. وظل يمشي الى بناية شغله.. وهو يتذكر البنت.. صاحبه هالصباح.. وابتسم مع نفسه... لحد ما قطع ابتسامته صوت التلفون يرن...
-------------------------------
يتبع

الفصل الثاني...(قراءة ممتعة)
تبع كايد حور ونسيم ودخل داخل المطعم اللي كان مزحوم بصورة كبيرة.. لكن بعد كان هناك المجال والظاهر ان الناس كانت مستمتعة.. الحان فيروز كانت تصدح في المكان وثلاثة ارباع الموجودين من العرب.. لكن ما كو اي اثر لحور اوارفيجتها..
محمد: وينها البنت؟
كايد وهو يدورها ومستغرب اختفائها: مادري .. دخلت هني صح؟
محمد: ايه.. انتظر شوي ويمكن نلاقيها..
لقوا لهم مكان عند الكاونتر وقعدوا.. وطلعت من داخل المطبخ سرور بضحكتها الكبيرة وكانها تابعة لسالفة من الداخل.. ووراها طلعت حور وهي لابسة المريلة وترفع شعرها وتدبسه بقلم رصاص..
حطت سرور الكيكة داخل الحافظة بانتباه كايد لها ومن بعدها لحور..ظلت سرور تسمع لطلبات الناس وتكتبها في الاوراق وكايد عيونه شوي على حور اللي واقفة عند الطرف الثاني وشوي عند الناس وجو المكان.. اما حور فهي تؤدي شغلها بصورتها المعتادة.. تاخذ طلبات الناس وتبتسم معاهم وكانها في محيط عائلتها..
محمد وهو يقطع الفوظى بصوته: كايد we have to go.. I have a meeting to fulfill
كايد وهو يطالعه: اوكي بس خمس دقايق ونمشي من هني..
سرور وهي تكلمهم: شنو اقدر اقدم لكم..
محمد ما انتبه الى سرور لانه كان يطالع المكان من حواليه ونادته سرور بصوت ارفع:.. hello Mr. what can I get you?
انتبه لها محمد وطالعها بصدمة: انا؟؟؟ ام... ابي كاباتشينو وكرواسون..
سرور: ما كو كرواسون الحين تبي كيك؟
محمد: not that much into sweet.. ابي شي خفيف..(انتبه محمد الى وزنها الزائد شوي) الظاهر انج متخصصة حلاوة
سرور وهي تضحك بحلاوة روح:.. الحلاوة اهي مصدر السعادة والنشاط في العالم.. انصحك بهالكيكة.. اربع طبقات من الشوكولا والفروست الحليبي.. (وهي تطلعها من تحت الغطا) وتقدمة مني.. هالفراولة (وهي تقطعها على الكاونتر) .. Bona petit
اخذ محمد الصحن وهو مستغرب ومبتسم لطريقة سرور في التعامل معاه فاخذ القطعة مع عهد انه يتمرن وايد باجر الصبح عشان يحرق كمية السكر اللي في هالكيكة..
أما كايد فباله كان مشغول بالمكان.. مع انه صغير الا انهم مستغلين الزوايا بصورة جميلة وحلوة..بينفع المكان حق جم صورة.. في الفير.. باللونين الاسود والابيض.. وطول ما عيونه تتجول على الزوايا وقف لعند طاولة عليها بنتين وحدة يمكن عمرها 17سنة والثانية الصغيرة اللي يالسة تاكل 12 او 11 سنة.. لكن اللي جذب نظره لها اهي الملامح اللي تحملها في ويهها.. ويوم رفعت البنت عيونها الى كايد انصدم من لون عيونها البارز الى هذي النقطة.. مثل لون عيون ابوه حارب.. وتم يناظرها واهي تناظره ببراءة اللي مو مسوي شي..
التفتت نور الى بدور بصوت هامس:.. بدور.. بدور؟؟
بدور وراسها في الكتاب الكبير اللي حاملته عشان تدرس منه:.. هم
نور وعيونها بعدها على كايد ووتتحول الى شبه الخوف:.. بدور واحد قاعد يطالع..
بدور تكرمت ورفعت عين محتقرة:.. اي واحد؟؟؟
نور وهي تناظر كايد شوي وبدور شوي:.. عند الكاونتر..
بدور بطبيعتها الشرية مع اختها الصغيرة:.. يمكن معجب...
نور وهي تناظر بدور بغير تصديق: شنو؟؟؟
بدور وهي ترفع راسها بابتسامة خبيثة: يمكن معجب من المدرسة.. لاحقج لهني..
نور بشفايف متراجعة : انا ما عندي معجبين في المدرسة.. وهاي ريال كبير..
استغربت بدور يوم قالت نور ان الريال كبير فالتفتت عشان تشوف.. وجذي طلعت من الجدار اللي كانت متخبية عنده.. وشافت اللي نور تقصده.. فسكتت شوي ورجعت مكانها وطالعت نور..
بدور وهي عاقدة حواجبها:.. اللي لابس طاقية سودة؟؟
هزت نور راسها بس..
بدور وهي ترجع لكتابها من بعد ما هزت جتوفها:.. يمكن مو قصده شي.. مثل ما قلت لج (ابتسامة ماكرة) معجب فيج
نور وهي متظايقة من اختها:.. كريهه..
طلعت بدور لسانها في ويه اختها وانغمست في الكتاب اللي تقراه.. ونور بخوف كل شوي تناظر كايد.. الا ان شي في ملامحه خلاها ما تخاف لذاك الزود.. بس القاعدة الاساسية في اميركا الشمالية.. لا تبتسم او تتكلم او تشجع الغرباء عليك.. فقامت نور من مكانها وهي تحاول تتجاهله.. وراحت لورى الكاونتر.. يمكن كايد ما كان يطالعها بنفس الطريقة الي اهي متخيلتها.. الا ان طبيعتها الظعيفة بينت هالشي بقوة...
--------------------
اما ورى المطبخ وين ما مكتب علي يصير كانت الجازي قاعدة وعلي مواجهها وهو ينتظر منها اجابة على سؤاله.. كانت الجازي ساكته وتوتر يدينها يفظحها..
كان قميصه الرمادي مبينه كبير في السن والشعرات البيظة تبين كثر التفكير وودوام الانشغال.. اما الجازي فكانت التجاعيد الواضحة عن ثمها وزوايا عيونها متراكمه بسبب الهم اليديد في حياتها.. شلون تصارحه؟؟ شلون تجاوبه؟؟ شلون تقول له؟؟؟ شلون تقدر تبين له المصيبة اللي تنتظرهم.. ما بتقدر.. ما بتقدر على هالشي لانها تعرف ان انكسرت الحلقة اللي بيناتهم في هالعائلة.. بتظل مكسورة من غير التحام الى الأبد...
علي وهو بعده يناظر الجازي برجا واضح..:.. الجازي.. هاي اول مرة تخبين شي علي.. واول مرة... اشوفج بهالحالة.. ما تخبريني يا الجازي؟؟؟
الجازي وهي تصطنع ابتسامه:... ماكو شي عشان اخبرك عنه يا علي..
علي وهو يهز راسه: صج؟؟ متأكدة؟
الجازي وهي توسع اببتسامتها مع انتزاعات في قلبها:.. اكيد يا علي
سألها بسرعة وهو يوقف من مكانه: عيل وين كنتي اليوم الصبح؟؟ وشفيج طول ذيج الايام.. كنتي مريظة وتعبانة...
الجازي وهي توقف وتروح لعنده: يا علي هد بالك.. ماكو شي يستاهل هالعصبية منك..
التفت لها علي ونظرات الاستفهام بعيونه: الجازي ما تعودت عليج تخبين شي علي.. وانا اعرفج.. انتي ما تتظايقين
الجازي تقاطعه: لكني مو متظايقة,,
علي يكمل: ما تتظايقين الا اذا السالفة تلمسني.. او تلمس البنات... (وقلبه يدق بخووف كبير) شي صاير في البنات.. او فيني .. انتي تعرفينه وما تبين تقولينه؟؟؟
الجازي وهي فاتحة عيونها بدهشه تحاول تكسبها شوي من المرح لكنها ما تقدر.. علي اذكى من اللي يمكن تحاول تقوله:.. علي.. واللي يسلم عمرك.. لا تحط في بالك..
علي وهو يمسك يدين الجازي:.. عيل خبريني اللي صاير..
الجازي وملامحها تفظحها:.. ارجوك يا علي.. مب هني.. مب جدام البنات... ما بيهم يعرفون...
علي وهو يتنفس الصعداء:.. يعني شي صاير.. اكو شي صاير وانتي ما تبيني اعرفه....
التفت عنها علي وردت واجهته بها وهي تمسك ذراعينه:.. علي.. واللي يسلم لي عمرك.. ابوس ريلك.. مب هني... مب الحين
علي والعبرة شبه خانقته: عيل متى يا الجازي؟؟ متى؟؟؟
الجازي وهي تناظر الباب تخاف وحدة من البنات تدخل الحين:.. في البيت.. في البيت بخبرك..
علي وهو يمشي ورى المكتب ويسحب جاكيته: يالله خلينا نروح البيت. وهناك خبريني
الجازي وهي منصدمة من حركاته: علي.. والبنات؟؟ من لهم هني؟
علي: يقدرون يتحملون بروحهم.. وانا.. انا معلمهم شلون يتحملون بروحهم.. بوب هني وفاليريو بعد هني ما بصيدهم شي..
مسكته الجازي وهي تحاول تهديه لانه كان يرتعش مثل الورقة ويتكلم ويتمتم بشي مب مفهوم.. لمن سكت علي وتنفس بقو وهو رافع راسه.. ويوم نزله حط عينه بعين الجازي اللي بدت لامعة بالدمع..
علي:.. السالفة عنج انتي صح؟؟؟؟
هزت الجازي راسها وهي تبتسم بحزن في ويه زوجها.. ويوم لف بويهه عن ويهها يعبر عن عدم احتماله للدمع اللي بعيونها مسكت ويهه عشان يطالعها بعينها..
الجازي..:.. بتتحمل الليلة.. لمن نرد البيت.. وهناك اخبرك... اذا مو عشان خاطري.. عشان خاطر البنات.. ما بيهم يعرفون ولا ابيهم يحسون بشي..
تنفس علي الصعداء ولكن بغير ارتياح.. وحاول انه يكبت الارتجاف بظروسه .. وهز راسه يوافق زوجته على هالشي.. وتم ساكن وهو يناظر ملامحها الهادئه.. ولكن العمق في الحزن كان بحد ذاته مؤذي..
علي وهو يشك على فكينه بالكلام:.. مهما كان... بتحمله... وبحاربه.. وبرردج منه لو شنو صار..
الجازي وهي تبتسم بحق لهالانسان الرائع:... أدري...
---------------------------------
الشرق..
الساعة 12 الظهر..
موزة غايصة في مكتبه الكلية وهي تحاول تلاقي شي يرتبط بالبحث الاجتماعي اللي تسويه.. مثل ما تعهدت بنفسها انه لازم يكوون استثنائي وبعيد عن التقليد.. ومن جذي اهي راح تدور وان شاء الله بيكون من احسن ما يكون.. ولكنها ما تدري ان اخوها عبدالله بعده غارق في النوم واهي نست مسألة انها تصحيه من النوم تماما.. وهاي يمكن يقطها في مشاكل مع عصبية عبدالله المؤذية بعض الاحيان..
ومن وراها ياتها سبيجة ارفيجتها وبنت خالتها مب المفضلة ولكن اللطيفة..
سبيجة: شفيج انقلبتي سبال تتسلقين رفوف المكتبة ههه
موزة وهي تهف بملل: عزني الله عن السيابيل.. يالسة ادور لي شي عشان البحث اللي اسويه.. (وهي تنزل وتوقف عند ويه سبيجة) احسن من اللي ينتظرون آخر انذار بالطرد..
سبيجة وهي تطلع علج من الجنطه وتضحك: والله ان جان تبين تحرقين قلبي بهالحجي انتي تظيعين وقتج.. واذا هالكلية المعفنة تبي تطردني حياهم ما وقفتهم.. ابوي مب عيزان عني.. ولا الجامعات الثانية بعد..
موزة وهي تلتفت لها:.. الله يخلي لج ابوج والجامعات الثانية..
سبيجة وهي تغير الموضوع: دريتي عن لطوف؟ (لطيفة اهي بنت خال موزة وسبيجة وتعتبر اهي الخيار الأول والاخير كزوجة لعبدالله)
موزة وهي تشيل كتاب من احد الرفوف: شفيها؟؟؟ خطبها امير بعد هالمرة؟
سبيجة ووهي تلف شيلتها: جريب من الأمارة بس لا.. ولد ريال غني وفلوسهم متلتله ولا فوق هذا دكتور.. بس خالتي ام سيف ما وافققت.. قالت لهم البنت محجوزة..
موزة: اعوذ بالله من ابليس.. وهاي خالتي ما تخاف الله في لطوف كل ما تقدم لها واحد رفظته..
سبيجة وهي ترفع حاجبها بسخرية فظيعة: بعد.. يقول لج كل من هوى القمر يسترخص النجوم..
التفتت لها موزة وهي عارفة اهي شتلمح له:.. اخوي عبدالله لو يفكر بالزواج جان قلنه ما عليه لكن اهو ما يفكر بالزواج وحتى لو فكر فيه..
سبيجة: ادري ادري ادري... لو فكر حتى بالزواج ما بتكون اهي لطيفة اللي يتمناها.. نعرف كلنا هالكلام حتى خالتي ام سيف.. لكن ايقول لج كثر الدق يفج اللحام.. واخوج لمتى بيقول لا للطيفة.. مردها خالتي (ام عبدالله) بتخليه يوافق..
موزة وهي تيمع الكتب الي محتاجتها وتلمهم:.. امي نفسها ما تأمن على عبدالله في مصاريفه.. بتروح تأمنه على بنت الناس.. ما ظن..
سبيجة وهي تتبع موزة وتنرفزها اكثر:.. بس يا مويز هاي مب حاله ويا اخوانج.. واحد شارد من الكوبرا نورة (اخت سبيجة) وواحد ما يفكر انه يا خذ سنو وايت الألفية الثانية.. يعني مب حالة ويا اخوانج..معذبين قلوب العذارى..
موزة وهي تضحك: اي عذارى انتي من صجج؟؟ اصلا انا وايد زعلانه لان تفكير خالاتي جذي.. كل وحدة امعطله بنتها عشان واحد ما يفكر حتى بالزواج والثاني ما يفكر حتى انه يكون فرد من العائلة..
سبيجة: لكن بعد.. الظفر ما يطلع من اللحم والدم ما يصير ماي.. الا اذا .....
موزة وهي تحط الكتب على الطاولة وتتخصر في ويه سبيجة: الا اذا شنو سبوج؟؟
سبيجة وهي تبتسم بحلاوة:.. ولا شي.. تغشمر وياج قطع بالعدو مول ما تتحاجين..
موزة وهي تتكلم بجدية وملامحها تصير حلوة لمن تمتد عيونها بهدوء :سبيجة.. التخلف في هالزمن واضح ووايد شائع وللاسف الشديد في عوايلنا.. هبي ان هالزواجات اللي اهم ينتظرونها ما تنجح.. تظنين هالأمهات اللي يبيعون في هالبنات جنهم قطع في بازار فارسي بيتحملون الذنب؟؟ ابدا لا.. بيحملونه غيرهم وينبذون المسؤولية..لا خالتي ام سيف ولا امج لهم الحق صراحة.. رسول الله صلى الله عليه واله يقول زوجوا بناتكم لمن ترضون بخلقه ودينه.. مب ااكثر واحد يحمل فلوس ورصيد في البنك..
سبيجة وهي تناظر موزة وتبتسم:.. وانتي بس هاي اللي تبينه تناجريني؟؟ بدل ما تعزميني على غدى في بيتكم وتخليني الاقي مسودة الويه عواش اللي مول ما تدقل عمرها وتسأل عن احد..
فهمت موزة طبيعة سبيجة الفظولية والانهزامية في المواجهات.. وابتسمت في ويهها بطيبتها الرائعة:.. ولا يهمج.. متى تخلصين انتي؟
سبيجة وهي تتثاوب: مادري والله.. اظن ان عندي محاظرة الحين ..
موزة مستغربة: الحين؟؟ وشيالسةا تسوين هني بالضبط؟؟
انصعقت سبيجة من سؤال موزة وفتحت ثمها تحاول تلاقي اجابه:.. ام... بحث.. اي اي.. يالسة اسوي بحث.. تعرفيني.. خايفة انطرد هالكورس يا مويز والله خايفة ومن جذي شادة عللى عمري..
موزة وهي ترفع حاجب: عيارتج وجمبزتج.. سمعيني.. انا مخلصة من زمان بس ما صليت للحين الله يغفر لي.. خلينا نروح نصلي ومرة وحدة نروح البيت..
سبيجة: لكن انا صليت..
موزة: مب مشكلة تعالي وياي انتظريني عشان اتصل في ابوي وانرد ويا بعض..
سبيجة وهي تمشي ورى موزة وتفكر في عمها حارب:.. واي ابوج بيي ياخذنا.. عيل الطلعة مب تيكهي.. اكيد بيلاقي له موضوع ابوي موشوشه به.. (تقلد على حارب وابوها مرة وحدة) يا سبيجة النسوان بهالزمن يحاربون الكل في سبيل مستقبلج ومستقبل بنات هالزمن وانتي يالسة تحطمين كل شي اهم يحاولون يسوونه.. كأنه مب كفاية اني ضليعة في عالم الفاشن والموضة.. والا شرايج يا مويز..
موزة وهي متظايقة من حنحنة سبيجة بصوتها المبحوح:.. انا من رايي انج تسكين وما تتكلمين اكثر..
سبيجة وهي تطلع العلج بللوعه: اي والله صح كلامج.. بسكت عشان شي واحد.. لان ظروسي اتهزهز من كثر ما اعلج..
ضحكت موزة على بنت خالتها النمامة وانما حبابة وسرت من مكانها الى المسيد.. وبعدها ناسية عبدالله اللي ينتظر احد يوقظه..
---------------------
في ذيج الغرفة الذهبية الاثاث.. المظلمة في عز الظهر كان عبد الله نايم على ظهره وهو فاج حلجه من التعب.. تجاوزت الساعة الثنعش ونص وتأخر عن الصلاة وهو مب داري عن اللي يصير.. ولكن امه اللي ردت من قبل الاذان ما تدري ان ولدها موجود.. فتوجهت لداره عشان تشوف حالتها ان جان نظيفة ولا لاء ومرة وحدة تدور عن الاوراق اللي تحتاجها عن المزرعة .. ويوم دخلت انصدمت من ظلام الحجرة.. وراحت وفجت الستاير والدرايش ووماسمعت الا صوت واحد يتحرطم..
عبدالله بصوته الثقيل بالنوم: جونوه سكري الدريشة لا قطعج...
التفتت فاطمة الى ولدها ولقته بالفراش نايم.. فاستغربت. .الاذان برد من مساعة وهو بعده راقد.. واصلا اهو متى يا البيت عشان يرقد؟؟؟
فاطمة وهي واقفة على راس عبدالله: عبدالله؟؟؟؟ انت بعدك راقد؟؟؟
عبدالله وهو معقد حواجبه: يمة مب الحين..
قعدت فاطمة على السرير وسحبت الشراشف من عليه: قوم يا مسود الويه وصل صلاة ربك..
عبدالله وهو ينكمش على نفسه ببيجامته المقلمة: يمة مب الحين.. .. وسكري الدريشة وياج
ضربته على ظهره بخفة: والله انك ميهود.. قوم يالله قوم... قوم صل وخذني وياك المزرعة..
عبدالله وهو غرقان في النوم مرت على باله سالفة انه اليوم متواعد ويا احد الساعة عشر ونص عشان يشتري من عنده حصان.. ويوم قالت له امه ان الاذان ربط الموضوع وقام وشعره كان متعفس من السدحة..
عبدالله وهو منصدم: الساعة جم الحين؟؟
فاطمة وهي توقف من على السرير: الساعة الحين وحدة الا ربع..
عبدالله وهو يفج عيونه:.. ماقعدتني مويز؟؟؟؟؟
فاطمة يوم يا اسم بنتها تظايقت: وليش تقعدك؟؟؟؟ شعندك؟
نقز عبدالله من جهة اللي كان فيها الى الجهة الثانية يطالع التلفون.. لقى فيه حوالي اربع مسد كولات ولا وحدة منهم لمويز وكلهم من راعي الحصان.. وهو ما يتذكر انها يات له الغرفة لانها لو ويات وصححته من الرقاد مستحيل ما يقعد .. يخبرر حنتها ورنتها في توقيظه
قام من مكانه وهو مصعب: والله لا عقرج يا مويز... وانا مادري قايل لمنو يوقفظني هاللون اتسفه لي.. والله لا تلوم نفسها..
فاطمة وهي تهفهف: اوه ذبحتنا وانت اتهدد.. وليش تبيها توقظك؟؟
عبدالله وهو يدخل الحمام ويرش ويهه بالماي بسرعة واعصابه على غليان: عندي موعد ويا واحد يبي يبيعني فرس من عنده.. عشان التناسل اللي افكر فيه. والسبالة مويز ما قعدتني.. والله لا ذبحج يا مويز...
فاطمة وهي تحك صوابعها من الخواتم الألماس الذهبية بظيق: شنو كنت تتوقع.. اكيد نستك بانشغالها باجنده اعمالها.. مثل ما ابوك ينسى كل شي باعماله وانشغالاته...
عبدالله اللي ما سمع شي طلع وراسه يقطر من الماي: اكيد عصب نواف ومشى من المزرعة.. ويا ويلها مويز لو ما صار لي جانس.. بتندم..
فاطمة: اوه بس عاد.. الحين اتصل في الريال وقول له اي شي.. وخذني معاك المزرعة مرة وحدة
عبدالله وهو متظايق: ليش بعد شعندج في المزرعة..
فاطمة وهي تطلع من الغرفة: شي مو من خصوصياتك اول ما تخلص خبررني..
طلعت فاطمة من الغرفة وعبدالله اتصل في الريال وخبرره وارتاح يوم خبره انه ما انتظر وايد وكمل اشغاله العالقة في ذيج المنطقة.. وان الفرس له لو يبيها ووببلاش بعد..
خلص عبدالله كل شي ولبس ثوبه والكبس والنظارة وطلع من الحجرة عشان يروح المسيد ويرجع البيت وياخذ امه ويروح المزرعة لان نواف عنده جم شغلاانه..
اول ما رد البيت كانت جاغوار ابوه تدخل البيت بنفس الوقت.. وقدر يلمح اخته ومعاها بنت ثانية.. اكيد وحدة من ارفيجاتها لان عويش لها سايقها الخاص.. ودخل من بعدهم بسيارته ويجهز الزف الي في خاطره لمويز..
طلع من السيارة ودخل البيت وهو يفصخ النظارة جان يلاقي موزة ويا سبيجة بنت خالته في الصالة.. وسبيجة وجودها شي عادي في البيت لانها كثيرة التردد على عكس خواتها الباجيين لذا عبدالله يتصرف على حريته في وجودها ...
عبدالله من غير نفس: السلام عليكم؟
موزة وسبيجة: وعليكم السلام (حطت موزة يدها علىحلجها بمفاجاة لانها تذكرت سالفة عبدالله)
عبدالله: ايه... سدي حلجج.. والله انج مب ويه احد يطلب منه شي..
موزة وهي تتأسف: والله اسفة يا عبدالله.. والله نسيت.. مادري شلون راح عن بالي..
عبدالله: ايه راح عن بالج.. لو شي مهم من خرابيط الكلية ما نسيتي.. لو اخوج ما نسيتي تتصلين فيه كل يوم.. لكن الا عبدالله.. ولد البطا السودة..
موزة وهي تروح عنده: حرام عليك يا عبدالله تدري انك مهم وغالي وانا كل مرة تخببرني اوقظج بس اليوم كنت مشغولة شوي..
عبدالله بغرور: لا تعتذرين الي صار صار واناعرفت انج مو وويه احد يطلب منه شي..
سبيجة بلسانها الطويل: بس عاد جف لسان البنية وهي تعتذر منك..
عبدالله: انتي من كلمج؟؟ من حاجاج ها؟؟؟ سدي حلجج انتي الثانية واتصلي في اخوج خليه اييني المزرعة..
سبيجة وهي تلف بويهها عن عبدالله بقرف: ما عندي رصيد..
عبدالله: اي.. وين يظل الرصيد وانتو اربع وعشرين ساعة الو مريم.. الوو فاطمة.. الو خويتي.. الله لا يشربكني في وحدة منكم.. ويعلني ما عرس بيوم ان جان البنات مثلكم..جونا.. جونا..
طلعت جونا من المطبخ بسرعة: نعم بابا..
عبدالله وهو يطلع: قولي لامي اذا تبي اتيي انا برع قطع في بنات هالزمن..
طلع عبدالله من البيت وسبيجة تهفهفت: مالت عليه من صبي.. والله انه لوعة وغثة على الجبد.. مادري ماخذ هالطبع من من؟؟
موزة وهي واقفة وتناظر الساعة وتحسب الوقت:... اكيد ناصر قاعد الحين.. بتصل فيه بشوفه..
سبيجة: مالت عليج انتي الثانية قعدي وياي مو تروحين تتصلين في اخوج..
موزة وهي تضحك: ان شاء الله ولا يهمج..
=======================================
ظل كايد ويا محمد في المطعم لمدة ربع ساعة زيادة ومن بعدها طلعوا وكايد شايل في باله صورة العائلة اللي كانت هناك.. شي غريب حمله في قلبه لهالناس.. وكأن شي يربطه فيهم..يمكن حميمية المكان وطيبة اهلهم.. الا حور اللي بالكاد انتبهت له.. على عكس البنت اللي كانت معاها.. وعلى عكس توقعات محمد اللي خبره انه بينساها اول ما يطلع من هناك..ظلت حور في بال كايد طول الوقت وهو يفكر بها ويتذكر حركاتها وتعابير ويهها وابتسامتها وشعرها شلون على ويهها وحتى مسكتها للقلم.. وحتى يمكن للسواد اللي في اصابعها.. الظاهر انها رسامة ولا صحفية لان الحبر يا من الفحم او من حبر الطابعات او الاقلام..
وصل الى الشقة وعلى طول يا له ثاندر وهو ينابح من زود الشوق..
كايد وهو ينزل له ويمد ريل وحدة: hey boy, missed me no?? I missed you too
(هاي يا ولد..اشتقت لي؟؟ انا اشتقتلك بعد..)
وراح كايد الى المطبخ وهو يفصخ الجاكيت ويقطه على الكرسي .. طلع طاسة لثاندر وحط له شي من اكل الجلاب.. وتم يحك شعره ويدغدغه وقام عنه عشان يبدل هدومه ويلبس شي رسمي لحفل الازياء عشان يصور في الحفل..
رن التلفون وهو يبدل ثيابه.. وكانت حياة..
كايد: هيلو..
حياة وسط صخب كبير: just a sec. (لحظة)
هاي كايد..
كايد: اهلين حياة .. شهالفوظى اللي عندج؟؟
حياة وهي مستغربة : you don't remember?? الليلة حفلة ما قبل ملجة جميلة..
كايد وهو يحاول يتذكر:bachelor party you mean? (حفلة العزوبية قصدج)؟
حياة: no you silly هاي حفلة الحنا.. على طريقتنا.. تعرف اهل منهاتن..
كايد: yeah yeah بالضبط..
حياة: شيالس تسوي..
كايد وهو يطالع اكوام الثياب المب مطوية ومنهم القطع السودا اللي يمكن بيحتاجها الليلة:.. ادور شي ولكن عبثا..
حياة وهي مستغربة: مب قادر تلاقيه؟
كايد وهو يبتسم من حاله كبته: never mind شلون الجو..
حياة وهي ترتب شعرها الروعة: عادي.. مب صاخب ولا ممل..اي ذكرت..
كايد وهو يطلع شي من الكبت ظنه مرتب: شنو؟؟
حيااة: عند الكلوزيت اللي يم الباب ثياب ياتك من الدراي كليننغ.. من زمان كنت دازتهم يمكن تحتاجهم في مناسبة معينة..
كايد وهو يبتسم براحة: really
حياة وهي تبتسم: I know you well kayed تمتلك اكبر فوظى ملابسية في العالم..
كايد وهو يفتح الكلوزيت ويلاقي الثياب اللي يحتاجها :.. شكنت باسوي من غيرج يا حياة.. you are a true friend
توها حياةة فرحت الا انها تجهمت ملامحها يوم سمعت كلمة فريند:.. what are friends for hah? شبرنامجك عيل؟
كايد: عندي ديفيليه الليلة بصوره وهناك محمد وعايلته..
حياةة: اهاا... Have fun then اشوفك باجر؟؟؟
كاي:definitely
حياة وهي تبتسم: good night amigo
كايد: good night senioreta
سكرته حياة عن كايد وحطت التلفون على حافة البلكون الكبير والانيق.. وظلت تناظر منهاتن في برد الخريف.. شكثر كان المنظر حزين في عيونها.. وشكثر قلبها بعد حزين في ذيج اللحظة..
حياة: ياليته يا ربي.. يا ليته يحس فيني.. ويبتعد عن هالببرود لمرة في حياته..
دخلت من بعدها حياة وانخرطت في حفل اختها وفي قلبها الأمل انها في يوم بتلاقي قلب كايد مفتوح لها كحبيبة.. ومو صديقة..
--------------------
كايد وهو راكب التاكسي يشوف رقم موزة باسم "يمة الغالية" وشكثر فرح..
كايد: عبالي بعد ما بتتصلين..
موزة وهي تضحك: فديت عمرك اخوي شلون ما اتصل.. تبي الدنيا تظلم بعيني
كايد يبتسم: فديتج موزة شخبارج؟؟ عساج ابخير؟؟؟
موزة:انا بخير ومشتاقتلك وايد وايد ياناصر.. ( كايد له اسمين.. وهاي بينحل مع سياق القصة) انت شخبارك وشخبار اميركا وياك؟
كاي

الله يعطيك العافيه
شكرا لك اختي على هذه الروعه
ننتظر البقية
تقبلي تحياتي

أولا) المقدمه
http://alamuae.com/vb/showthread.php?t=145897
ثانيا) الجزء الأول ... الفصل الأول
http://alamuae.com/vb/showthread.php?t=145897&page=2
ثالثا) الجزء الأول ... الفصل الثاني
http://alamuae.com/vb/showthread.php?t=145897&page=3
رابعا) الجزء الثاني ... الفصل الأول
http://alamuae.com/vb/showthread.php?t=145897&page=4
خامسا) الجزء الثاني ... الفصل الثاني
http://alamuae.com/vb/showthread.php?t=145897&page=5
سادسا) الجزء الثالث ... الفصل الأول
http://alamuae.com/vb/showthread.php?t=145897&page=6
سابعا)الجزء الثالث ... الفصل الثاني
http://alamuae.com/vb/showthread.php?t=145897&page=8
ثامنا)تابع الجزء الثالث وو الجزء الرابع ... الفصل الأول
http://alamuae.com/vb/showthread.php?t=145897&page=9
تاسعا) تابع الجزء الرابع ... الفصل الأول
http://alamuae.com/vb/showthread.php?t=145897&page=10
عاشرا ) الجزء الرابع ... الفصل الثاني
http://alamuae.com/vb/showthread.php?t=145897&page=12

القصة روعة ياليت تكمليها