إهديها له وقت حاجته لها

مساء النور..
عزيزاتي..
جبت لكم اليوم.. خاطرة رائعة.. ويمكن فهمتوا من العنوان!!
إهديها له وقت حاجته لها..
وهي تنفع إذا كان زوجك متضايق من الشغل ،، أو من أي شيء يكون خارج المنزل..
طريقة تقديمها:
ممكن تطبعينها بالكمبيوتر بشكل حلو وتحطينها جنب السرير.. بحيث لما يقوم من قيلولته يقراها... وإذا تقدرين تحطين معها ورد..
ممكن تكتبينها وترسلينها مسج جوال..
والأحلى.. ممكن تحفظينها وتقولينها له .. خصوصا إذا كان صوتك ناعم وفيه دلع...
طولت عليكم... أخليكم مع الخاطرة..
ودي..أحطب.. لك ضلوعي.. وأدفيك..
وألحفك.. بالرمش لا صرت ..بردان..
أسكنك.. بعيوني.. إن كان.. يرضيك..
وتصير.. عيني.. لك .. وطن.. مثل الأوطان..
وأعطيك.. عمر.. جايك.. اليوم.. يهديك..
أجمل.. محبة.. ضمة إنسان لإنسان..
القلب.. تسكن.. فيه وحدك.. ويرجيك..
إنك.. تعيش.. بداخله.. وينسيك الأشجان..
يا حبيبي.. لا تستحي.. واحضن يدي.. داخل يديك..
ثم.. شدني.. وأرضيك.. إن كنت.. زعلان..
أبي أفتخر.. فيك.. وأتبختر.. وأناديك..
وأقول.. هلا بحبيبي.. اللي سكن .. وسط الوجدان..
يا حياتي والله لأعطيك.. وأعطيك...
عمري.. وعشقي.. فدوتك.. يا أعذب إنسان..
إنت الهوى .. والقلب بالحيل.. يغليك..
إنت حبي.. اللي رويته.. بدمع الأجفان..
إنت حبك..اللي.. أشوفه .. يملى علي..
كل هالكون.. ولو فيه غيره.. أكوان..
أتمنى تعجبكم.. وتفيدكم..