ابغا نظام غذائي ريجيم

مرحبا اختي
اولا لازم تعرفين إن الدايت لا يعني الحرمان والتجويع وأكل أشياء ما تحبيها
آنا بكتب لج قائمة طعام صحي وتقدرين تختارين منها اللي يعيبج وهالأكل بالذات هو بيوفرلج كافة العناصر الغذائية اللي تحتاجينها عشان لا يصير عندج نقص عضلات أو فيتامينات من جسمج
بفترة الدايت لازم تاكلين كمية زيادة بروتينات عشان لا تخسرين عضلات ويصير جسمج مو مشدود
البروتينات تقدري تحصلينها في : الحليب والجبن والزبادي الخالي أو قليل الدسم, صدور الدجاج, التونة المغسولة بالماء, السمك, اللحم, المكسرات الغير مملحة ولا المطبوخة, بياض البيض, العدس, الفول
طبعا الفول اغسليه بالماي واكليه جذي عشان تروح الأملاح منه .. لأن الأملاح تسبب حصر الماي بالجسم
وكل الأكل يكون مسلوق أو مشوي
الكربوهيدرات هي طعام الطاقة .. احصلي عليها من مصادر صحية مثل الخبز الأسمر والخضروات والفواكه والبطاطس المسلوقة أو الشوفان بي لا تكثرين منها
مثل أكلج مثلا بيكون 5 وجبات يوميا .. الأولى عدس مطبوخ بدون خبز لن العدس فيه كربوهيدرات وبتقل فايدته إذا أكلتيه مع خبز
الوجبة الثانية خضار او فاكهة
الثالثة : صدر دجاج او لحم أو سمك أو تونة مع السلطة .. وتقدرين تاكلين شوي رز معاها ( عشان العامل النفسي فقط )
الرابعة : قليل من المكسرات .. اللوز أو الفستق
الخامسة : زبادي أو حليب أو تونة
وتقدرين تسوين الأيام الباقية مثل جذي بس أكل ثاني
المهم لا تاكلين كربوهيدرات بالليل وتكثرين ماي عشان إذا صار نقص ماي فالجسم ما بيتخلص من الماي الزائد وبيخزنه فيج
وطبعا مع الرياضة بتصير امورج ولا أروع وبتشوفين كيف الشحوم تنزل من جسمج
بس الرياضة والماي حطيهم قاعدة
وأي إستفسار آنا حاضرة
أ

الف شكر يا عسل ....
حبوبة يعني الرياضة يكفي بس امشي ؟؟؟

مشي سريع وهرولة وشوي جري ع الجهاز
وإذا تبين تنسيق الجسم وشده وحرق سعرات حرارية وايد تقدرين تستخدمين أوزان خفيفة وتتمرنين بيهم
المشي نوعي في السرعات مثل ما قلت لج 45 دقيقة .. 5 أو 6 مرات أسبوعيا

انا بعد نفسي انزل 10 كيلو

سوي مثلها

موفقه
اللهم صل على نبينا محمد