ابغى ارائكم وافكاركم خخلوكم معايا الله يسعدك

احلامي البسيطه

04-11-2022 - 04:08 pm

السلام عليكم ....
كيف حالكم؟؟
ابغى منكم خدمه الله يسعدكم ردوا عليا
..انا مدرسة تاريخ وجغرافيا ابتدائي وفي تحفيظ قران
يعني حصصي مره قليلة يعني للصف الواحد اعطي حصة وحدة تاريخ وحصة وحدة جغرافيا
أنا احس البنات مايهتموا للحصه
اللي ابغى منكم بس افكار واقتراحات..
للمادتين عشان يحبونها
وعشان يستنوا حصصي
انا ابغى تشجيع لهم وابغى افكار عشان امدحهم ابغى بطايق ابغى افكار ابغى وسايل
ابغى برنامج اتبعوا معاهم...الله يسعدكم لاتردوني
والله ادعي لكم من كل قلبي
تحياتي....
انا في انتظاركم

التعليقات (1)

شجون الشرقيه

04-11-2022 - 06:29 pm

سلامو..
م ع ايامنا كنا نحب المدرسات الحبوبات ودمهم خفيف..
ونكره المدرسه العصبيه..
ف انتي خليك مره طيوبه مع البنات وكوني فرفوشه معهم..ودرسيهم الماده باسلوب فكاهي شوي
بس مو مره عشان لايستهينو فيك البنات..
وكل درسين سوي امتجان دوري صغير بدايه الحصه..وعطيهم عليه درجات المشاركه نهايه الفصل ..طبعا بعد ماتجمعي درجات كل الامتحانات وتقسميها..
وخبريهم ان في درجات للي تزين وتهتم بدفتر الماده..وجوائز لأحلى 5 دفاتر..
وطبعا جهزي جوائز رمزيه و حلويات وحركات..
وكل فتره وفتره سوي مسابقه مشاركه للطالبات..
يعني مثلا كل نهايه باب من الماده..سوي مسابقه في اللي درسوه ف هالباب..
يدرسونها عدل وتسألين اسئله بشكل سلس وحلو
واي وحده تجاوب صح مرتين لها هديه..تاخذها نفس اللحظه..وانتي تكوني مجهزه حلويات وشوكليت وغيرها..
وكل ماتجاوب بنت تاخذ حلاوه..
بس طبعا جيبي حلويات رايقه وشكلها حلو عشان يتحمسون البنات..
هالافكار صدقيني حلوه..وتخلي البنات يحبونك وينتظرون حصتك..
وانا قلتها من خلال تجربتي ف المدرسه زمان..الاستاذه الحبوبه الفرفوشه كنا نحبها..
اما العصبيه اوف ماندانيها..
وبالتوفيق..

ساعديني باي فكره لدرس صلاة العيدين الله يسعدك←
فزعتكم ياامهات اولى ابتدائي→