ابغى ارضي الطرفين بس كيف

السلام عليكم ورحمه الله وبركاته
حسردلكم مشكلتي واتمنى اقدر احد يفيدني
انا ليا 8 شهور متزوجه وعآآيشه مع زوجي بالغربه
فازوجي بما انو كل اخوياه متزوجين وعندهم اطفال فا هوا برضو يبغى بيبي لازم التقليد
انا بالبدايه كنت رافضه هذا الشي لانو انا وزوجي عندنا دراسه وبالجامعه واخاف انو يأخرني عن الدراسه وما اقدر ع المسؤليه وانا لسه توو عمري 19 سنه
اللي صار كل ماندخل بشهر تتصل خالتي(ام زوجي) وتقول ها بشري حامل ولا لاء واذا قلت لاء تقول وابغاكي تحملي >> زي ولدها
ومماتي تتصل عليا وتقول ياويلك لو حملتي وانتي صغيره ع الحمل واشتبغي بلاطفال دحين ركزي ع دراستك
وجات هنا المشكله خالتي وامي >> يصيرون اخوات
كل يوم مضاربه ع ذي القصه وخالتي صارت توسوس اني حامل وتقول انا ادري انك بالشهر السادس بس تخبين علينا وامي تقولي افتحي السكايب وريني بطنك واحلفيلي بالقران انك مو حامل
زوجي مارضي اني اخد حبوب منع الحمل ومو دايما يلبس واقي ولازم كل شهر اذا اتأخرت الدوره عندي >>دايما اصلا تتأخر من قبل لا اتزوج
يطير فرح ويقول لامه اني حامل ونبدأ نعيد القصه من جديد حقت توم وجيري ماما وخالتي حامل مو حامل وانا بفسي تعبت ابغى الدوره تنزل عشان رضا ماما وما ابغاها تنزل عشان خالتي وزوجي وما ادراكم ما الوسوسه طول الوقت وهيا ذابحتني
فا ذا الشهر قررت اني احمل لانو اللي اتعرفت عليهم وزي كدا قالو مو صعب وكل وحده انها حسبت انو بالبدايه صعب بس انها تجربه مره حلوه وانا متأكده اني اذا حملت حتقوى علاقتي مع زوجي((يموت بلاطفال))وحترضى عليا خالتي((زعلانه ماتكلمني تبيني احمل ))
والصاعقه يا اخوات انو ماما قالت انا مو راضيه عليكي لادنيا ولا اخره اذا طلعتي حامل ولا واحاول افهمها واقنعها وتقول ما ابغى اسمع منك ولا كلمه يعني بالمختصر ماما متحكمه بحياتي بقوه بكل شي مو بس حمل

• اخاف اقلها انا اللي اقرر تقول عشنا وشفنا بنات اخر زمن وتعطيني وكلام زي السم وانا اهم شي علي رضاها

فا اعطوني الحل كيف ارضي الطرفين احمل ولا لاء ..؟؟
وهل صح انا بقراري انو فكرت الحمل مستعجله ؟؟
ادري انكم بتقولون مو بيدي وبيد الله عزوجل بس لو طلعت حامل وقتها ايش حسوي؟؟
ام وبس