ابغى اسماء عطورات تبقى في الجسم بالايام

أحلى حياه

25-10-2022 - 02:04 pm

السلام عليكم ورحمة الله وبركاته
انا ابغى اجهز عطورات زواجي وبصراحه ابغى اسماء عطورات ناعمه بس ابغها تبفى فيا وما تروح مره وتكون فايحه يعني اي حركه تطلع الريحه ...فاهمين عليا
اناجاتني هديه عطر نواعم زي الدهن العود بس ريحته جنان لاكن للاسف ما تبقى طول اليوم
لاكن شميت عطر عند صحبتي والله في البدايه ريحته ما عجبتني مره لاكن لما بخيت منه الصباح وانا في الجامعه ورحت البيت واتروشت ونمت وصحيت وانا اشم الريحه ..وكمان نمت وصحيت اليوم الثاني واتروشت وانا قاعده اذاكر شميت ريحته بعد كم يوم في جسمي ........... اتخيلو
حبيت العطر وصارت تعجبني ريحته كله عشان مع اي نفس يدخل جسمك تشمين ريحته مو زي احيانا تكونين محطيه عطر وبعد فتره تحسين انه اتعبى في راسك وما عاد تشمين ريحته ...فاهمين عليا...؟؟؟
الحين انا طولت عليكم بس انا ابغى اسماء عطور واسعارهم اذا ممكن بس تكون بنفس مفعول العطر هذا ....طبعا عشان ابو الشباب يدوخ عليا.....
وعلى فكره ترى سعره مو غالي اتخيلو ان سعره بس 140 ريال بس والله ان الريحه تمسك فيكم وفي ملابسكم وما تروح
اسفه لو طولت عليكم
اختكم العروسه
احلى حياه

التعليقات (8)

روفتي الحلوة

25-10-2022 - 05:42 pm

عند في حراء الدولي في محلات عطور كلها حلوة زي محل اسمه روج
والتاني اسمه فافافوم
صراحة عنده عطور انا دايما اشتري من عندهم
مرة حلوة
Calotine هادي ريحة عطر مرة حلوة من عند روج الي في حراء الدولي في جدة
وعندك فلانتينو الجديد مرة خطير
وشكرا

شجرة الرند

25-10-2022 - 06:44 pm

ايش اسم عطر صاحبتك
واحلى عطر عندي اسكادا الاحمر فرزاتشي الوردي وبربري

ميدو حياااتي

25-10-2022 - 08:46 pm

احسن عطر الين سعره 200تقريبا
خيال

ابي اضحك

25-10-2022 - 09:47 pm

يا عروسه يا حلوه الله يوفقك
بس نصيحه من وحده تموت عالعطور وتعرفهم كويس
اذا تبغين تشترين روحي لمحل اسمه
ارجوان السويدي
في عمارة الكورنيش الدور الخامس
وانا بعطيك اسما عطور بتدعين لي
1. مدنايت بويزن midnight poison
2. بيسك انستنكت baic instinct
3.الين alien
4.سينما cinema
5.نرسيزو الزهري
6.فيه عطر قديم روعه للعرايس اسمه( كوليكشن) من استي لودر collection
7.روك اند روز من فالنتينو rock and rose

BE SMILE .. PLEASE

25-10-2022 - 10:48 pm

احلى عطر Flower bomb روعه وريحته تطول وكمان كل العرايس يشترونه سعرالكبير يمكن 500
وعندك كمان Alure من chanel يجنن ويدووخ كمان سعره غالي بس يستاهل ..
تقبلي تحياتي

اغاريد

25-10-2022 - 11:49 pm

انا انصحك الين استيلا سينما لست وتر من قزاز الممتاز الرجلي احلى من النسائي جفنشي الاحمر

أحلى حياه

26-10-2022 - 12:50 am

تسلمون والله على ردود اللي ترد الروح ومن اسماء العطور اللي كتبتوها حسيت ان ريحة العطر دخلت انفي...............
بس هم بعد ابغى كل وحده من الفراشات اللي ما ردو عليا يقولون رايهم وتجاربهم في العطورات...

دمعه حايرة

26-10-2022 - 01:51 am

أنا أنصحك بعطر فرزاتشي الوردي اللي غطاة كرستالة وعطر رالف لورين بصراحة ريحتهم خيال >>وتدوخ أبو الشباب

غادة اللي في جان كلود←
محمود سعيد→