ابغى افرمل

السلام عليكم
بشرح لكم حالتي وارجو منكم المساهمة معي في حلول لها من تجاربكم او استشارات طبية او دورات
انا كنت قبل زواجي جدا هادئة ولا اتكلم الا نادرا وليس مع الكل فقط اللي انا متعودة عليهم وكنت اعاني من القولون العصبي وامراض احتار فيها الاطباء
ولكن بعد الزواج ايضا كنت لمدة سنتين انام ودمعتي على خدي من المشاكل مع اهله ولا اقول له ايش صار المهم بعدين ما صرت اقدر اتحمل خصوصا بعد انجابي لطفلي الاول وصرت اتكلم بالتليفون واشتكي لاهلي وله ولصديقاتي وصرت اتكلم في كل شئ صغير وكبير مهم وغير مهم ونتيجة لذلك اصبحت لا استطيع كتمان الاسرار وصار الناس ينتقدوني ويقولولي اسكتي مو كل شئ تقوليه ويتمسخرون فيني ويحسدوني على كل شئ لاني افضح حياتي وعانيت من عين لم انجب بسبها لمدة 4 سنوات وابتعد زوجي عني في الفراش وفضحته عند اقاربه فارجوكم
ابغى افرمل في الكلام ساعدوني كيف ارجع مثل ما كنت بالرغم من اني الان راح عني القولون لاني افرغ الضيقة اول بأول ما شاء الله علي
ولكم جزيل الشكر لاني لو طولت راح افضح اسمي وعائلتي------------والخ
لو سمحتم ابغى خطوات وتجارب نفعت معاكم او سمعتوها تفيدني