ابغى حل عاجل

1. قلت له خلاص نفتح صفحة جديدة

مساء الخير اخواتي
انا مشكلتي مع خطيبي
احس اسلوبه غريب جدا جدا
يعني هو من النوع اذا مهموم مايتكلم لي ويقول لي اذا مهمو اتركيني بحالي وصرت اتركه اخر مرة تركه ماعجبه قال لي كان يوم قلت لش ابغى اقعد بروحي مارحتي يناقض حاله الاخ
واذا تكلمت عن الامور المستقبلية يقول لي انتي كل ابغى وابغى وابغى رغم اني والله اتكلم بعفوية واني من البداية قلت له اي شي مايعجبك فيي قول لي
بس مو لدرجة ان حتى المستقبل مايبغاني اتكلم فيه يضايق
واصلا احنا مانسولف وكل يقول لي ماتسولفي اقول له الرجال هو ايل يسولف مو المراة
وتخيلو اخر هوشة قال انه عايفني بس بيستمر عشان اهله واهلي قلت له اذا ماتبغاني لاتلزم حالك وصعب على الوحدة تعيش مع واحد عايفنها وتهاوشنا وانحلت اخر شي

قلت له خلاص نفتح صفحة جديدة

وفتحناها البارحة كلمته اني مضايقة واحس بشي كابت على صدري وكذا ماشفته الا جاني من غير مايقول وقمنا نسولف وشوي شوي سمعني كلام وقال انيت وانيت جاب السوالف الي راحت رغم انه قلنا بنفتح صفحة ورجع قال اذا ماجيت لش ارتاح وانا اذا اتباعدت احسن ليي وارتاح اكثر وقلت له يعني عايفني قال ليي طبعا مافيه كلام
وقال انتي متكبرة على خالاتي وخواتي قلت له من قال لك اني وياها عادي ونكلم بعض تلفون ومسنجر بس مانشوف بعض زي قبل
قال لي يمكن انا احس كذا
بس اني بصراحة احس ان في احد معبي راسه عليي
وخلاص مو قادرة اتحمل شورو عليي كيف لازم اتصرف وياه وماسك عليي مافهمتيني طول هالمدة ومصيبة اذا ماعرفتيني
ارجوكم كيف اتصرف وياه شورو عليي