ابغي دعواكم فلا تبخلوا علي

1. السلام عليكم اخواتي الفراشات

السلام عليكم اخواتي الفراشات

بغيت تدعو لي اخواتي فانا عندي مشكلةو ابغي تدعون لي انها تنحل . مشكلتي انه زوجي يبغي عيال و صار له من ست سنين متزوج بس ما الله رزقه بعيال و لكنه تزوج زوجة ثانية الي هي انا علشان ايب عيال . فزوجي متعلق بالعيال وايد و يبغين احمل باقرب فرصة ممكنة
و الله يا اخواتي انه حالته تقطع قلبي و الله اني متضايقة بسسب ضيقت زوجي هو يبغيني احمل و كل شهر يقولي انتي اكيد حامل هذا الشهر و صار لنا من شهرين متزوجين ..........و الله يا خواتي يوم يعرف انه الدورة نزلت عندي تصيبه ضيقة و هم اعوذ بالله منها و يكره يومه بس و الله اني حاسة بمعاناته و الله اني دايما اصيح بس من دون ما يشوفني قلبي يعورني عليه و يصعب عليه اني اشوفه بهذي الحالة و انا مب قادرة اسوي شي مع انه انا صابتني التهابات خلال شهر العسل و هذا عرقل الجماع و لكن الحمدالله انا تعالجتو الحين هو كل مرة يقولي ابغيج تحملين .................
زوجي و لله الحمدالله رجل مؤمن و عارف انه كل شي قضاء و قدر و لكن الامر مب هين عنده ست سنين من دون اطفال و يشوف الناس الي تزوجو عقبه عندهم عيال مالين عليه حياتهمو الله اني مقدرة ظروفة .........
فياخواتي في الاسلام ادعو لي اني احمل هذا الشهر لانه حاط امل كبير اني احمل هذا الشهر و ما اعرف شو راح يصير اذا ما حملت و الله اني ما اقدر اشوفه متضايق و لا متكدر و لااحب اشوف اللهفة الي في عيونه و لا ابغي اشوفه منكسر مهزومو لا ابغي يفقد الامل ....................
فارجو من الله انه يزرقنا بطفل هذا الشهر و يملا حياتنا فرحة بذرية صالحةو لكم مني هدية اذا حملت هذا الشهر ..............
و لا تنسون الي راح تدعي لي راح يكون لها مثل هذا الدعاء و راح يكون لكم الاجر و الثواب................
و جزاكم الله خير و يسر اموركم ووفقكم في حياتكم ............فلا تنسوا اختكم الي محتاجة لدعواتكم