ابي اسماء قاعات فخمة في جدة بليز

sasysosy95

04-12-2022 - 02:30 am

السلام عليكم ورحمة الله وبركاته
اتمنى الجميع يكون بخير وصحة ..
ان شاء الله زواجي حيكون في شهر شوال القادم وابي اسماء قاعات فخمة عشان احجز من الحين ...
بليز اللي عندها اسمااء قاعات حلوة وفخمة وراحت لها بنفسها تقولي عليها ..
انا سألت قاعة هذه ليلتي وقاعة الامبراطورة بس غاليين شوي .. الاولى ب 450 ع الفرد والثانية ب 350 .. وهذا بدون رجال !!
ايش في قاعات فخمة بعد هذي القاعتين .. ع الاقل اعطوني 5 اسماء بالترتيب بليز
انتظركم ع أحر من الجمر ..

التعليقات (7)

reemalhejaz1

04-12-2022 - 05:55 am

هلا بك وموفقة ياقمر
انا كنت ادور قاعة ومكلمتهم كلهم قريب
وفخامتهم باسعاره وهذه افخم قاعات جدة بالترتيب
قاعة ليلتي
بعدها
قاعة الهلتون هول ثم قاعة هلتون القصر
بعدها
قاعة حياة بارك اللازورد ميزتها العشاء على البحر
وتتصوري العصر ع البحر
وهذه الثلاث السابقة الاغلى سعرا في جدة بالترتيب
لستايل الفخامة طبعا ليلتي وهلتون وللرومانسية
والكلاسيك اللازورد
بعدهم قاعة الامبراطورة في الدار البيضاء مع قاعة السلطان في الانتركونتيننتال نفس المستوى في نظري ونفس السعر بس الفرق ان الانتر يسمح لك تحجزي القاعة بعدد اقل من الامبراطورة يشترطوا تدفعي 100 الف وهنا الفرق
غير ان ستايل والوان الانتر تشبه الهلتون بينما الامبراطورة لونها ابيض والانتر كفندق ع البحر
بعدهم قاعة دنيتي في الوستن شخصيا ما تعجبني وسمعة الفندق اساسا اقل من الانتر والهلتون قديمة من برى مرة
وعندك القاعة الجديدة تقليد ليلتي ع قولة مصمم القاعات واسمها بلاتسو
دقيت عليهم سعرهم حلو اذا طلبتي منهم الاجمالي
وخدماتهم كاملة وفندقية اتوقع انها الانسب لك
اذا حابة حريم ورجال ومن برى مرة فخمة
لان الانتر والوستن بس عندهم قاعة وحدة..
اتمنى افدتك وكلامي اكيد من اتصالات مؤخرة للاسعار وحضرت فيها ..

تآجرة ذوق

04-12-2022 - 06:56 am

موفقة يارب يعطيكي ألف عافية

إنسانة طمووحة

04-12-2022 - 07:57 am

موفقة يا رب

bnt alwleed

04-12-2022 - 09:59 am

م على حسسب ميزانيتك حدود كم تقريبا !!!

sasysosy95

04-12-2022 - 11:00 am

يعطيكي ألف عافية أختي رمال الحجاز .. والاخوات اللي مروا ... الله يبارك فيكم ..
تقريبا في حدود ال 100 ألف .. كحد أقصى

bnt alwleed

04-12-2022 - 01:02 pm

عندك قااعة اماسي كبيره وفخمه الكرسي ب250 ريال افتكرر !

foofa almoza

04-12-2022 - 02:03 pm

حبيبتي 100 ألف طبيعي ما تسوي في ليلتي !
100 ألف نهائي ما تكفي لأفخم قاعات بجده !
اماسي حلوه وفخمه بس برضو غاليه ! لا يغرك ان الكرسي ب 240
الحريم ب 240 والرجال ب 170 !
اضربيهم في العدد اللي تبغيه
يعني مثلا لو تبغي 500 حرمه يطلع معك الحساب 120 ألف ريآل !
غير الرجال !
شوفي قاعات زي مثلآ أمسيتي القاعه لوحدها ب 40 ألف غير العشا ممكن توصل معاك 100 ألف رجال وحريم
عندك ماجستي
رويال الملكيه
قاعات زي كذا برضو غاليه بس على الاقل احسن من القاعات الباقيه 200 ألف و 300 ألف !

بنات الطائف خاصه والغربيه عموما حياكم الله استفساارات وتجمع عرايس الطايف 1434←
بنات مكة ساعدوني→