ابي افضفض مرة احس بكبت نفسي احس اني باختنق

ابي افضفض مرة احس بكبت نفسي احس اني باختنق بس مو قادرة اقول لزوجي ........السالفة وما فيها انه سافرنا لاهله خميس ووجمعة هو جالس مع ابوه واخوانه وانا وامه جالسين مع بعض طول الوقت او معظم الوقت وامه الله يهديها كل كلامها معي يسم البدن وانا طول الوقت اسمع وابلع كاني ماسمعت تجنبا للمشاكل اللي عانيت منها سابقا وارتحت لما استخدمت اسلووب (وسعي صدرك )وفيه اشياء تقولها لي مثل السم وماله اي داعي تنقال ومن غير اسباب او لاسباب تافهة احسها تحسدني على كل شيء وتبغى تنكد عليه اي شي مادري ليش بالرغم من اني احاول قد ما اقدر اني ما اقصر معها بشي ولما يكون فيه جمعة احسها تتعمد تمدح سلفتي قدام الحاضرات ووانا ما تجيب سيرتي مهما اتعب ما فيه تشجيع كله تحطيم وتبغى تحسس الناس اني مقصرة معها وانها ماتحبني بالرغم من انه لما اكون انا وياها واساعدها تكون راضية ولما تجي سلفتي تبدا في اساليب المكرحقتها وتنبسط لما تشوفني متضايقة ...طلبتني شغالتي في الاجازة وما اعطيتها رد بالموافقة لاني احس اني باخذ ذنب الشغالة لانها قاسية في معاملتها وعصبية ما عندها اسلوب تفاهم وشغالتي مثلي طيبة ولا ترد وبنتها عندها شغالة بس هي ما تبغى الا شغالتنا وانا ماحس اني برتاح لما اسافر واخليها عندها هل انا مخطئة في تفكيري هذا ونفسيتي صارت مرة زفت ووزوجي ملاحظ علية وزعلان مني لاني عاتبته على التاخير في موعد خروجنا من بيت اهله وما يدري عن تعبي مع امه سواء جسديا او نفسيا صدقوني انا ماني ضد اني اساعدها في اي شي ولاتقولون اعتبريها مثل امك انا عارفة هذا الشي وماني محسستها اني متضايقة من كلامها بس ما يصير الاحساس من طرفي بس وما يصير تحسسني في وجهي بالتقصير وهي عارفة اني ماني مقصرة معها وما يصير تققل من شاني قدام الناس قدام ابو زوجي وهي تكذب وديما تحكيلي حكايات كثيرة عن وواحد طلق زوجته لانها تزور اهلها بكثرة وطلقها برغبة ابوه والاالثاني اللي طلق زوجته لانها تنام للساعة واحده ما وتقوم تطبخ الغدا لاهله ومن كثر ماتتكلم عن الطلاق صار عندي صداع ..اعذروني على الكلام الغير مرتب بس انا قاعده اكتب وانا في قمة زعلي
ارجو ان اجد عندكم ما يبرد كبدي ويريح قلبي لانه زجي ماهو داري عن شي وزياراتنا لهم كثيرة