ابي الفزعه

افا ياظالمين 9 مشاهدات ولا فيه ولا رد واحد
عاد انا نخيتكن

وانا بعد نفس المعاناه كان شعري طويل عند خصري مره حلوه وسافرت عند عمي في المدينه في العيد الاضحى ورحت للمشغل ابي اغير شكلي قلت للكوفيره ابي عند كتفي راحت وخلته فوق كتفي والله اني زعلت عليه بس انا عكسك قلولي حلو لكن زواج ولد عمتي في اول العطله ودي ان شعري يطول عشان التسريحه والصبغ يطلع حلو
واذا لقيتي الحل لا تنسيني

استعملو الزيت الي عندي والله له نتائج رائعه يطول الشعر 1سم في الا سبوع

سعوديه مشكوره ع الرد اثر فيه احد يعاني مثلي
انا قلت اذا ماطال شعري بوصله بس والله حرام تكفون شسوي شكله مره يفشل
طيب يادفء وشو الزيت قوليلي الله يجزاك خير

استمري على زيتك انا سمعت انو زيت النارجين يطول الشعر
وكمان زيت السمسم وحبه البركه مطحونه يطول
وهذي خلطه من الاخت جروح صاامته:<<وان شاءالله بابدا فيها من الاسبوع الجااي:
انا طال شعري ووقف التساقط والحمد لله مع الاستمرار عالحناء بالزبادي وخلطة السدر وخلطة زيوت انا سويتها والله
تغير شعري تمام لمعان وطول ونعومه خياليه حتى تركت الاستشوار يارب لك الحمد ,,,
اللي تبي خلطة الزيوت تقولي وابشرو من عيوني اعطيكم طريقته
يالغلا الخلطه عباره عن :
ملعقه كبيره : حبه سودا مطحونه - نوى تمر محمص ومطحون - سدر مطحون- عشبة الياس مطحونه - محلب مطحون
تحطينها كلها بقارورة زيت كبيره وقطعي معاها فصين ثوم او ثلاثه واخلطي عليها كل الزيوت اللي عندك ,,
انا حطيت معاها زيت زيتون وزيت سمسم وزيت براشوت - وزيت خروع - وزيت لوز حلو - ورجيها زين واستخدميها
وشوفي الفرق من اول استخدام ,,,, واي استفسار انا حاضره ياعسل
ان شاءالله انا بسويها
ادعولي وادعولها