ابي طريقة مبتكره للمذاكره

م كل الطرق نفذت معاكي الله يعينا عليكي بقعد اعصر مخي واذا لقيت طريقه رجعت

اهلين اختي الله يوفقك ان شاء الله
اهم شي بالمذاكره وقت الفجر والدعاء قبل المذاكره وبعدها وفي قاعه الامتحان
وانا كنت اذاكر بالقلم الرصاص احط خط تحت الكلام الي اقراه كله والمهم احط علامه عنده او سوال
ان شاء الله تنفع معك
موفقه

هلا والله فيكم ابشركم نجحت والدعاء ما اخليه ومشكورين حبايب قلبي انتوا عالاقل ما اهملتوا الموضوع فديتكم انا......................

حتى انا مثلك ابي طريقه تعيني ع الحفظ

فيه طريقه في الحفظ انا كنت اسويه انا وصاحباتي
يعني انو اذا عندك كلمات حفظ وكذا
انك مثلا اذا عندك كلمه او جمله عجزتي تحفظينه
علقي عليهااو خلي عليها تعليق مضحك يعني كنا يوميا قبل الاختبار نراجع سوا قبل بساعه وكذا ونقول مثلا جواب السؤال الفلاني وشو ؟؟ وكل وحده تحاول تتذكر ايش هو اللي يشبه الكلمه الفلانيه
او فيه طريقه ثانيه
تخلين جواب السؤال على شكل قصه انتي تالفينها
مثلا نعطي مثلا ابسط شي جدول الضرب للرقم 2
نقول مثلا الرقم اثنين زارت التوأم حقتها 2 ولقتها جابت رقم 4 بعدين طلعت منها تزور رفيقتها 3 ولقت عندها الرقم 6 وجلسوا يتقهوون وكذا
وفيه طرييقه ثالثه اسمها الخريطه الذهنيه
كيف تستخدم (الخرائط الذهنية) في حياتك الجامعية؟ - sKFUPM وهذا موضوع كامل عنه
اتمنى اني اكون افدتك

شوفي ياعسل أنا هذي طريقتي في الحفظ وإن شاء الله تزبط معك :
أول شيء إذا كان عندي كلام كثيير يحتاج له حفظ زي التوحيد مثلا والحديث عشان أحفظ الإرشادات الدرس أقراها قرايه كلها وإذا حسيت فيه نقطه مهمه أشرت عليها بقلم رصاص والكلام الباقي أقراه ..
بس مثلا لو كان عندي قصايد زي في الأدب أقرأ القصيده كامله بعدين لازم أفهههم القصيده بالضبط إيش تعني مش أحفظها كذا بدون ماأعرف شيء لأنه بكذا مش راح يكون الحفظ سهل أبدا بالعكس على طول بتنسين القصيده .. المهم بعدين أمسكهم بيت بيت أقراه قرايه بعدين أحاول أعيده أكثر من مره بعدين أغمض عيوني وأسمع البيت وأحاول أتذكر مكان الكلمات وأنا قاعده أسمع البيت نفسه ..
وأسوي كذا مع كل الأبيات الباقيه ..
ودائما إذا صديقاتي ماعرفوا يحفظون يجوني وأنا أحفظهم أسوي نفس الطريقه اللي فوق أقرأ لهم القصيده كامله بعدين أشرحها لهم بعدين أمسكها بيت بيت وأحفظهم إياه بعدين أقول غمضوا عيونكم وأنا أقرأ لهم البيت عشان يتخيلون وأنا قاعده أقرأ >> إن شاء الله عرفت أوصل لك المعلومه >> هذي الطريقه مره الحمد لله تفيد معهم ..
وبس هذي طريقتي في الحفظ أما الفهم عاادي لاازم أكون مركزه مع الأبله في الدرس عشان ترسخ المعلومه ..
وفي الإنجليزي كل ماناخذ أأأأي كلمه جديده على طول أقعد أرددها في بالي وأردد معناها ودايم أحاول أستخدمها في حياتي اليوميه : في البيت ، في المدرسه ، في السوق ... إلخ
وبإذن الله مستحيل أنساها لأني بأكون خلاص تعودت عليها .. بس أأأأأأأأأهم شيء إذا قالت لنا التيتشر
كلمه لازم أتأكد من نطقها لازم إما بالناطق أو أسأل أحد من أهلي لأنه فيه بعض الأبلوات الله يصلحهم تنطق الكلمه غلط وأضطر أحفظها غلط وتصير إنجليزيتي غلط x غلط عشان كذا لازم أتأكد من النطق الصحيح
ومع الممارسه بإذن الله راح تصيرين بلبل إنجليزي

الف مبروك النجاح حبيبتي

شوفي يا أختي نظمي المنهج يعني إزا كانت المادة حفظ ساوي لها ملخص
يعني التعريفات لوحدها وكمان التعاليل والأسئلة العامة أما إزا كانت المادة فهم كل قاعدة وساوي لها مثال بعدين أختبري نفسك وساوي تدريب عليها عشان تعرفي إزا فهمتي أو لا وبالتوفيق إن شاء الله

مبروك حبيبتي ع النجااح