ابي طريقه استقبل فيها زوجي لما يرد انشالله

السلام عليكم
عندي بعض الافكار ان شاء الله تعجبك
اولا:لازم تروحين السوبر ماركت عشان تشترين بعض الاغراض بالونات لونها احمر
وتشترين شموع كمان لونها احمر وتكون الشموع من الاشكال الحلوة يفضل تكون الدائريه
وتشترين لوازم كيكه وعصيرات من الكوكتيل اللي يحبها زوجك
وتروحين لمحل الورد وتاخذين من عنده ورد احمر حق الرش وكمان ورود بالحبه لونها احمر
وتشترين عروسه حقت البنات الصغار وتكون لها طرحه يعني يكون لبسها فستان زفاف من العرايس اللي تشبه باربي مو شرط من الغاليه
المهم اذا جهزتي هذي الاغراض جهزي نفسك اعملي حمام مغربي عشان تصفى بشرتك والنعومه قبل مايجي بيومين
وقبل مايجي بليله ابداي بتجهيز الكيكه الاسفنجيه في قالب الكيك المجوف من الوسط عشان اذا جهزت الكيكه وزينتيها تحطين العروسه الباربي في الوسط صراحه منظرها حلو وكل من شافها اعجب بالحركه
وجهزي البالونات كلها عبيها بالهيدروجين وياليت لو تجيبين من البالونات على شكل قلب وتطيرينها في سقف غرفه النوم
وتلصقين الشموع في الجدار من عندباب البيت الى غرفه النوم وطبعا تلصقينها بغرا المسدس
وترشين الورد على السرير على شكل قلب
ولازم تتكشخين سوي مكياج سهره واذا تقدرين تروحين للكوفيره تسوين مكياج وتسريحه يكون احسن
وتلبسين فستان الابيض والطرحه يعني فاجئيه خليه يحس انك عروسه جديده
وحطي فواحات في البيت تكون ريحتها مره حلوه وجهزي على طاوله في غرفه لجلوس او في غرفه النوم اذا حبيتي
حطي الكيكه والعصير وجنبها كمان شموع خلي الجو رومانسي
واول مايدق الباب او يكون داخل شغلي المسجل اغنيه زفات يعني خليه يحس انه عريس وكمان اشعلي الشموع
ارجو ان تكون فكرتي اعجبتك

السلام عليكم
ما اشوف ردود على موضوعي ايش افكاري ماعجبتكم

الحمد لله علي سلامته اهم شئ انه يرجعللك بالسلامه والباقي لحقين عليه
بس خليه يشوفك غير الانسانه اللي راح من عندها
خليك عروسه
شيماء

اهم شيء النظافه العامه والخاصه وجهزي عشاء كامل من الحلا للقهوه للعصير للدسم لاني بصراحه عن تجربه اشوف ان الرجال يهمه بشكل كبير كرشه مهما شاف يمدح ويطير فيه وبالاخير يسأل وش بتعشينا
اما عنك انت فجددي في ملابس البيت بشيء جديد وغريب وغيري بقصة شعرك ولونه لاني من خلال ملاحظتي ان زوجي اكثر شيء يفرحه فيني التغيير حتى انه صار يسألني قبل ارجع من السفر ايش سويت جديد لانه تعود على التجديد مني ويدخله جو جديد كنه معرس
لكن خليه يدخل على اضاءات الشموع وروائح العطور الزكيه والعود
تحياتي لك والله يوفقك مع زوجك يارب ويرزقكم الذريه الصالحه

افكار الاخت ام اثير فضيعة مرة
مشكورة يالغالية

فكرة أم أثير روعة
والكل بيستفاد منها

كل الافكار حلوة ولكن وجهات نظر
انا اشوف لازم يلافي الاشياء الي ما يحبها فيكي غيرتيها وبالذات في السلوكيات ومايكون التغيير مؤقت فقط لانة راح يزعل عليكي

أم أثير
انتي تحفة
لا تبخلين علينا بأفكار حلوة زي كذا نبغى اكثر

جهزي أوراق مكتوب فيها عبارات مثل : انت الان في المدخل أرجو التوجه إلى الغرفة الرئيسية .. انت تدري وين ..
هل تبحث عني .. اذن تتبع حبي ...
وهكذا حتى يصل الى غرفة النووم تضعي كرت بعبارة حب قوية في التسريحة وفي اخرها مكتوب اتجه الى الدولاب ...... ثم إلى موضع اخر .. حتى يصل الى حان الان لترى قمر الزمان تنتظر حبيبها في لهفة واشتياق .. توجه إلى المجلس ..... فاذا سمعت بقرب خطواته وكنت في احلى زينة شغلي المسجل على زفة من الاناشيد فاذافتح الباب استقبليه بقبلة حارة ..... حينها..
هذا كله بجانب زينة البيت والعشا لالالالالا تنسينه ...
الله يوفقك ويهدي سركم ...