ابي فزعه من بنات الغربيه

حبيبي ما يحتاج تجيبو شخص روحو المحلات وخدو عينات من الشغلات اللي عجبتكم او صور
واجلسو برواق وقررو بس اهم شي الارضيات تناسب الابواب
اما الجبس ابعدي عن الشغلات الدفشه((احسها دقه قديمه وغير كدا مو حلوة للشقق تنفع ل الفلل والقصور))
لون البويه خدي اولوان محايده زي البيج الغامق او الرمادي
اسمحيلي بتلقف شويا واقترح عليكي شغلات
لو تحبي المودرن خللي اختيارتك كلها سمبل و مودرن وابعدي عن الاشياء الضخمه والمبالغ فيها
بالنسبه للجبس في موضوع شامل عنو ادور عليه وارسلك هوا
اول شي ابدائي بالابواب الابيض حلو بس كلاسيكي ومو عملي مع الوقت بيتغير لونو خليكي على الغوامق لانها تمشي مع اغلب البويات والارضيات وشكلها فخم روحي اكسترا بتلقي شغلات حلوة بس اسعارها شوي فوق زي دي الصوره
ولاتنسي القطعه المعدنيه ل باب الحمام عشان لا يتعدم الباب من تحت ويخرب ((عجزت القى صوره))
بعد ما تخلصو من الابواب تختارو الارضيات ((وانصحك ب البورسلان))
الفرق بينو وبين الرخام ....الرخام اسمك واتقل ومستحيل يتكسر او يتشطب لاكن مشكلتو اللمعه تروح بسرعه ولازم كل فتره تجيبو شركه تعملو جلي,,وغير كدا الوانو محدوده وبصراحه احسو للقصور حتى الفلل مو حلو اللا للدرج الداخلي والخارجي,,البورسلان خفيف بس برضو مستحيل يتكسر او يتشطب واللي حلو فيه ما يتعدم يعني لو جبتي مفتاح وحكيتيه ب مجرد تجيبي منشبه رطبه وتمسحيه راح يرجع جديد ....اما السراميك مره ما انصحك بيه هوا صح اشكالو ما تخلص و روعه بس بعد فتره يتقشر يعني تلقي الطبقه اللي فوت تتكسر ويتحفر وغير كدا يتكسر بسهوله يعني لو طاح شي تقيل عليه يتكسر...ينفع للحمامات
دي صوره لسراميك الحمامات وانصحك يكون فاتح لاكن حق الضيوف خليه غامق((عودي او اسود يعطيكي فخامه))
حبيبي راح ارسلك صوره على الخاص للبرسلان في بيتي
بعد ما تخلصو من الارضيات يجي دور البويات لو بتأجرو الشقق اختارو الوان محايده وهاديه وابعدي عن التعتيق احسو مو حلو اللا للمساحات الكبيره
اما لو بتسكنو فيها اختاري الوان البويات تتناسب مع الفرش
ودا اللون رغم انو غامق لاكن روعه كنت عاملتو في شقتي اللي قبل بس كانت الصاله مفتوحه وكبيره ((ما ينفع مع الغرف المقفله اللا لو كانت كبيره)) مع الصغيره انسي الموضوع
كل الالوان اللي فوق تجي مع اغلب الابواب والارضيات
نصيحه روحي ايكيا اتفرج على البويات اللي عاملينها في الغرف وخدي افكار
معليش اعذريني طولت عليكي في الكلام

ماعندي فكره

اب

الله يجزاك خير An Orfali كنت ابشكرك بالبرايفت)) بس باقي على مشركاتي انا مابي حجات زحمه ودفشه بسس انا وزوجي مانتوافق بالاذواق وديمن اتعب بذوقيي اختار البويه بعد مايشريهاا تطلع غير ويئست وش ريك بالجبس الفرنسي !

حبيبي انا عندي مهندس ديكور شغلو راقي جداومرتب وذوق جدا ع الموضه ماتتعبي معو انا شغاله بالعقار وقد جبته لاكتر من فيلا وشقق كتير عملها بكره ارسلك الرقم لو ماحصلتي بس خليكي سمبل احيانا الفخامه بتصير دفاشه وبتدخل الملل اهم شيء اللمسات تكون مبدعه والالوان متناسقه ودحين كل الفلل اللي شوفتها بالفتره الاخيره كلاسيكيه كل ماكان الشيء ناعم بتزيد حلاوته

ربي يسهل عليك بصراحه زي ماذكرت الاخت اللي قبل مايلزمك مهندس ولا مصمم البساطه حلوه وكل شئ يجي معاها
لك مني دعائي ربي يوفقك ويسهل عليك وتتوفقي بكل شئ ...

مايحتاج وبذات اذا كانت ايجار!!!
روحي مساكن ابواب اختاري الباب اللي يعجبك وبجده فيه ورش كثيره للابواب والبويات اختاريها بنفسك ولو سادات بتكون احلا ابعدي عن التعتيق والرسم والطوب والاشجار لو تختاري سادات وجدار ورق جدران والمغاسل والمروش و ياكثر محلاتها واحسنهم الخزف السعودي

زمن النفااق
تسلميلي يا قلبي ما يحتاج شكر احنا اخوات
والجبس الفرنسي روعه بس مو كل الاشكال منو تنفع للشقق
حلو لغرف النوم اللي يجيكي فوق السرير ,,حلو برضو للمدخل يعطي فخامه,,ام المجالس والصاله لو كانت كبيره بيكون حلو ويعطيها لاكن لو كانت صغيره لام يكون بسيط وبعيد عن الدفاشه وما يكون ملفت واللا بيغطي على جوا الغرفه والفرش
بس لو راح تحطي مره لا تغيري في لونو ابدا اكره ما عليا اللي يضربوه بويه او يعملو تعتيق عليه