ابي مسااعدتكم اتطلق والا لا بلييز

السلام عليكم والرحمة الله وبركاته ..
لي ساعه احووس بالقسم ومترردة اكتب ..
بقوولكم قصتي بس ارجووكم ساعدووني والي ماتقدر يكفيني دعووته
الصادقه لي..
انا في 2009 كنت باول ثانووي وعدت السنه يووم ظهرت النتايج وطلعت
راسبه بس بمادة وحدة ابوي حس مالي فايده ..
وزووجني واحد من الي يصير لخاله الي هوو يدي..
وكنت رافضه الفكرة انا بس امي حنت علي وابووي بعد..
الين واافقت<< مادري ليش وافقة بس الله كاتبه ربي صار..
واتزووجت شهر 12 من 2009وجلست تقريبا ليين شهر ثلاثه 2010
وصرت مااطيق زووجي بالمرة وحسيتت انا ماابيه والا ابي اجلس
وياه والا دقيقه وكمان اهوو تصرفات مااتعجبني بمرة
ومن تقريبا شهر اربعه قلت لابووي مابيه وقام ابووي يهاووشني يقوول الزواج لعبه
تحسبينه بس انا اصريت <<مع اني والله يبنات استخرت قبل لا اخذه مادري ليش صار
جووني عماني وخوالي وكل القبيله يحاوول وماا حركووا فيني شي واصريت على رايي
مادري يابنات احس في شي يخليني اصر اني اتركه ..
صرت اكره شي اسمه زوواج وحسيت عمري فاشله بالدراسه والزواج يعني ما اصلح لشي
والله تعقدت من ذي السالفه..
وادعي ربي يفرجها معي وكنت ابي اتووظف على الشهادة الاعداديه مووجوده الووظيفه
بس لازم مووافقه ولي الامر الي اهوو زوجي وهو رافض يطلقني ولا يخليني اتووظف..
كل مرة يجي ابووه ونقوولها ابي الطلاق بس يقوول مافي طلاق ولازم ترجعيين غصب << يقهرني
خلاص مووب متحمله اي شي وابووي وامي يحسبوون اهم الي رمووني بالزواجه الي مووب عدله
واقوولهم هاذا قضاء وقدر <وقلبيي يحترق ..
وتخيلوا يابنات من شهر 3 من 2010 الين الحيين ماقابلته ولا طلقني
وهوو دايما مسافر ورافض يطلق يعني احسبووها لي لاني المتزووجه ولا الي مو متزووجه
يعني انا معلقه << صح ياابنات هذا مووب ظلم اقوول بخاطري كيف ينام ويخلي وحده معلقه في ذمته
رحت عند ابووي وقلت له ابي ارووح المحكمة ويطلقووني غيابيا قل ليش تووصل للمحاكم
قلت له ابووي هم ماستحوو منا شلوون نستحي منهم رفض ابوي ..
ووانا الحين مدري شوو اسوي مستحيل ارده وهو معند يطلق وانا عمري الحين 18
ومستقبلي تخرب
ياربي تفجرها معي دعووتكم والي عندها حل تعطينيي الله يخليها ويطوول بعمرها