ابي مساعدتكم لأني متضايقه

أختي سمعي بقولج ..
انتي لازم تشوفين قبل لا تبنون الشقه مجلات ديكور او حتى في النت عشان تكون شقتج مرتبه
و تكونين راضيه عنها و عاجبتنج ..
مثلا انا شقتي "حاليا نجهزها " مكونه من غرفتين و مطبخ و حمام و صاله و بلكونه ؛ لاحظت ان غرفه الضيوف راح تكون
اكبر من الصاله و مب حلوة راح تكون الصاله ولا نقدر نحط فيها شيء .. ف خليت الصاله مفتوحه على الغرفه
و بينهم قوس مدرج على شكل درج مقلوب "مب عارفه اوصفه عدل " ؛ و بعدين خلينا ممر يودي حق المطبخ و
على يسارج غرفه النوم و بعد بشوي الحمام " و انتى بكرامه " ؛ و البلوكنة خليت فيها فوانيس في السقف
و حطيت فيها سيراميك حدائق و اعمده حجمهم متوسط ؛ و الصبغ خليت غرفه النوم زهريه و الصاله رمليه و مو
صبغ عادي لالا مخطط درجتين من نفس اللون .. و الحمام و انتى بكرامه مع انه صغير بس حطيت فيه بانيو على شكل جاكوزي و طلع روعه وايد .. تصدقي كل من شافها قال لي وايد مرتبه ؛
مع انها صغيرة بس اهم شيء الترتيب
و حتى الحين في التأثيث ابي اسوي افكار جديده و تناسب حجم الشقة .. يعني اخذت طاوله طعام لشخصين
صايره نفس اللي بالكوفي شوب الطاوله عاليه و الكراسي بعد مرتفعين .. شكلهم حلو و حجمهم صغير
يعني ما ياخذون مساحه .. و الحين براويج صور و شنو المميز فيها .. و ان شاءالله تستفيدين
شوفي أختي الجدار هذا الصبغ المخطط بسيط و مميز وما تلاقينه مكرر بالبيوت
و هذه حركه بسيطه بس جدا رائعه خصوصا مع شكل المصابيح
و هذه بعد حركه حلوة بين الغرفتين .. صاير الجدار مايل و المصابيح بعد حلوة
اختي لو تلاحظين في الصورة 4 ابواب واحد على اليمين و واحد في الامام و 2 على اليسار
بس مبينه الشقه روعه .. لان فيه تلاعب في الجبس و النور و الالوان
وايد حلووة حركه الستارة تعطي غرفه النوم شكل رائع و لاحظي الجدار بلون احمر درجتين
شوفي شلون مبينه الغرفه فخمه لان فيه تلاعب بالوان في الستائر و مفرش الطاوله و هذه انتى
تقدرين تسوينها .. تراها قطع اورجانزه لا اكثر
و حتى المواسد الصغيرة الملونه تعطي شكل حلو
و الشموع بعد و طريقه توزيعهم على الطاولات لها دور في جمال المكان
و حتى المدوسات .. اختاري اشكال جديدة و غريبه .. و وزعيها بشكل مرتب
و ان شاءالله استفدي من ردي .. و الله يوفقج و يسعدج و ان شاءالله ايامج كلها حب و سعاده
في شقه الزوجيه و يارب تكون شقتج رائعه و مرتبه
تحياتي

اهلين عزيزاتي
ماشاء الله تبارك الرحمن أعتقد ان الاخت نموولة كفت ووفت واتمنى انها تفيدك
تحياتي للجميع

مشكورة أختي "نساء صغيرات "
بس الاخت ما عطتنا رأيها ..