ابي مساعده معد قادره اتحمل العيشه

1. السلام عليكم ورحمة الله وبركاته

السلام عليكم ورحمة الله وبركاته

انا عضوه جديده في المنتدى واشتركت عشان مشكلتي مع زوجي .. ابي لها حل .. احس نفسيتي تعبت
انا انصدمت بزوجي بعد الزواج .. وربي في الملكه كان غير وبعد الزواج غير .. اول مشكله من 3 يوم زواج اتمشكل معايا على غطاء الوجه يباني اكشف على اخووه .. وانا مابغى .. وقلت لي بابا وقال لي ارضي بس بوجهك ومع الايام ارجعي غطي .. ورضيت وبعدين شهر عسلنا سافرناه مع اهله .. انا انصدمت بس سكت ماخذت راحتي ابدن بذات في نفس البيت .. وقلت قولي الحمد الله .. ولمن رجعنا بدت مشاكلنا وربي بيتي مانجلس فيه على طول يبي عند اهله هم ساكنين تحتي .. انا ادرس بس وربي راضيه اطبخ بس اجلس في بيتي اشتهي بعض الاحيان اللبس بس ماقدر لانه عند اهله .. وهو من الدوام لبيت اهله ويطلع البيت وقت النوم بس ... متعلق في اهله مرره لدرجة والله انه ماخرجت انا وهو ولا طلعه لي حالنا غير الاسبوع الي راح وي طالعه الله يوريكم .. حتى لمن ازين البيت وكذا يوم عيد ميلاده دخل وشاف البيت ولابسه
سلم وقال هذا ماله داعي .. ورجع خرج انكسرت مره .. ومره الثانيه جاء وطفى الشموع وقال بلاش حركات بلاها .. بجد انكسر خاطري وقررت معد اسوي له شيء .. بيعلق على كل شيء فيني بس يعيب في كل حاجه وربي .. لدرجة قدام اهله واهله بيخاصمونه بس هو ولا كانه
الحاجه الثانيه انه هو كل حاجه بيروح يقولها لي اهله .. اي شيء يسير بيننا .. انا وهو نضارب شويا ونرضى واتفاجاءه لمن انزل العيله كلها تدري .. جربت اكلمه كا مره بس هو مايسمع ابدن يقول تيب ومعرف ايش ويرجع زي مكان ولا بقول انما كذا انا حر كيفي حتى لمن اتكلم معاه على ميزانية البيت لانه كل نهاية شهر مامعنا فلوس وهو اصلا مايقضي للبيت اكلنا وشربنا عند اهله بيفرقع الفلوس بطريقه تقهر بيدي صاحبه كل شهر 500
مايبي يجلس معايا لي حالي ماحس انه يحبني ابدن انا مرره سرت مضايقه بس اصلي وادعي احس تعبت ماينفع معاه حاجه اصلا مافي سار وصل بيننا كويس لو قابلته ماحس اني متزوجه ولا عندي بيت لا يبغى يودي ولا يجيب حتى بابا هو الي يوديني الجامعه ويجبني معه انا شارطه في عقد الزواج اكمل دراستي هو يقولي عجبك عجبك ماعجبك بكيفك .. تخيلوا وربي يابنات حتى لمن نطلع مع اهله ينادي اخواته يختارون له الملابس .. اقوله انا اختار لك يقول لا .. واذا يبغى شيء يطلب من اخواته حتى انا لمن طلبت منه فلوس عشان ابي اشتري لي كم شيء راح اداها اخواته وقال لهم خذوها واشتروا لها يعاملني معامله تقهرني .. واذا حطيت روج ولبست ضحك وتريق عليا
ساعدوني الله يساعدكم انا مابي اخرب بيتي بس كمان معاد متحمله ..