ابي نصيحتكم ورايكم فزوجي واسلوبه

1. مدري من وين ابدا احكي لكم والله اني متضايقه حيل

مدري من وين ابدا احكي لكم والله اني متضايقه حيل

باختصار أنا أم لطفلين الكبير سنتين والصغير 3 شهور ساكنه لوحدي بحكم ان زوجي والدته متوفيه وما عنده خوات ما عندي شغاله بسبب ظروفنا الماديه والحمدلله ممشيه اموري بدونها من اصبح الصبح لحد الليل كرف فها البيت غسيل كوي تنظيف طبخ والله شاهد علي كل شي بنفسي اسوي حتى وانا حامل لاخر يوم قبل الولادة وانا بالمطبخ ما خليت شغلي يوم ..اهلي ساكنين بعيد عني تمر اسابيع ما اشوفهم بتقولو وين المشكله المشكله زوجي ما يبين ف عينه كل اللي اسويه خصوصا من جاني البيبي الثاني تعرفو الاطفال كيف يبكو اذا خليته شوي يبكي يجي ويهزأني ويتهمني بالاهمال في تربية البيبي مع اني خبرته انه التربيه الحديثه تقول خلو البيبي يبكي شوي عادي ما يضر وانا اصلا ما اريده يتعود انه كل ما بكى اشيله لان بعدين ما بقدر اسوي اشغال البيت وهوه فإيدي ..تخيلو بسبب ان البيبي كان يبكي كان بيمد يده علي وانا والله كنت توني مخلصه من الغدا وحتى كنت ما متسبحه وشكلي مبهدل ومع هذا جلست وشلته تقريبا نص ساعه لحد ما فقدت الامل انه بينام حطيته ورحت بتسبح عالسريع وبرجع له الا ويهب فيني والله يا خواتي الراخه ما اعرفها كيف طول يومي احوس وفالنهايه لا حمدا ولا شكورا احس نفسي متضايقة موت والله دمعتي ف عيني ادري ان هذي واجباتي ولازم اسويها بس انا انسانه مو المفروض يحس فيني عالاقل ولاداتي كلها قيصري اجلس بيت اهلي اسبوع وبعدها يجي ياخذني وبعد اسبوع من الولاده ابدا شغل البيت وانا اتالم وبعدني ما اعترض ولما اناقشه يقول لي والله انا ليش متزوج قلت له يعني انا بالنسبه لك خدامه وبس .. يسكت وما يرد .. محتاره شو اسوي معاه