ابيكم تساعدوني بخبرتكم ضروري بنات الرياض

السلام عليكم
صباح الخير عل الصبايا الحلوين
كيفكم اخبارك >>>>مسويه فيها راعية مقدمات
بنات وصبايا ابيكم تساعدوني ضروري انا عروسة جديدة توني متزوجة صار ليا شهر واحد بس
وابي اسوي نيولوك لانوا قرب العيد وابي افاجىء زواجي اوكيه المهم انا ساكنه بجدة توني واصلة لي ثلاث ايام وانا بالرياض عند اهلي وابي منكم مساعده
ابي اسوي نيو لو ابي زوجي يتفاجىء لما يشوفني يعني ابي التغيير واضح انا بسوي حمام مغربي ومساج وشيل بالحلاوة والخ ومن هذا القبيل بس انا ابي اقص شعري واصبغه
يعني الصباايا ابيكم تساعدوني ابي منكم مشاغل بالرياض بالتحديد شمال الرياض لاني ساكنه هنااك ابي مشاغل روعه في القص والصبغ ابي اقص قصة حوة وغريبة وذوق وجديدة بس ما ابها مره قصيرة
وابي اصبغ شعري بس من دون مايروح فيها ويتغير شعري يصير سلك ابيه على طبيعته بس ابي اصبغه
طبعا فهمتوا ايش ابي ابي منكم تقولون لي المشاغل الحلوة بشمال الرياض والي شتغلون فيها وكويسات واسعارهم وارقامهم بليز ساعدوني مالي الا اله ثم انتو ياله تشجعوا واسئلوا ودوروا طبعا اكيد مو بس انا الي راح استفيد الكل راح يستفيد
وعني انا راح اقولكم عن مشغل اعرفة ( مشغل لمسات عائشة )
طبعا مره حلو
اولا المكياج حلو في ثنتين يعملوا مكياج رايق وحلو وناعم وروعه طبعا كل وحده وذوقها وعلى كثر ما اروح له ماشاء اله كل الي يسوون مكياج طلعوا حلوات
ثانيا الاستشوار اعرف وحده اسمها شيخة مره حلو استشوارها شعرك كانه حرير وتعاملها معك مره ذوق وهيا حضرمية
ثالثا القص في ثنتين وحده فلبينية تقص بس واله ما اعرف اسمها ووحده ثانية اسمها هيفاء قصها حلو
رابعا اعرف وحده اسمها هناء للصبغ الشعر يقولون حلو صبغها والصراحه كل الي شفتهم عندها صبغوا حلو
ووحده بعد تشقر بس مو ذاكرة اسمها على تشقير ماشاء اله جنان كان نامصه طبعا ما تقص الحواجب بس تصبغها لك وبعدين تشقرها بس تخليها كانها تتوه روعه جد
وبعد هالكلام يمكن تقولون ليش ماتصبغين عند الي تعرفينها انا شفتها تصبغ لون واحد وماشفتها تخصيل يعني اكثر من لون وانا ابي شيء جديد وعلى القص بعد ابي شيء جديد
وانا سمعت عن مشغل قريب من المملكة صاحبه وحده سعودية وهيا بنفسها الي تروح تنقي الي يشتغلون بالمشغل طبعاكلهم من لبنان وكلهم ويقولن شغلهم حلو انا ما اعرف اسمه بس من كثر ما اسمع عنه
وفي بعد وكمان مملكة المراه يمدحونها الصراحه ما ادري وين اروح بس الحين بشوف الاغلبية ايش يقولوا يعني ابي منكم ارقام مشاغل واسمائهم واسعارهم ومكانهم بالضبط اذا ماعليكم امر
ويعطيكم الف عافيه واله تعبت وانا اكتب
واسفه بتعبكم معاي
ياله ابي اشوف همتكم بنات الرياض ساعدوني