اجوكم ابي نصيحتكم لاتخذلوني تعبانة نفسيتها

1. بحكيكم قصتي .. انا وزوجي


2. طبعاً بقول لكم بالمختصر

السلام عليكم ورحمة الله وبركاتة
اسعد الله مساكم بكل خير
داخله على الله ثم عليكم ... انا تعبانه وربي ونفسيتي تحت الصفر

بحكيكم قصتي .. انا وزوجي

طبعاً بقول لكم بالمختصر

1- انتو بشهر العسل وتقضونه بإي مدينة فجأة بعد اسبوع من التمشيه يحكي لك زوجك انه اعطي مفتاح البيت لإهله عشان لو احتاجو البيت وهم طبعاً شقتهم مقابل شقتك طيب الحين هو قال لك ايش الفايدة يقول لك ويستأذنك بعد مااعطاهم وهو مايفكر فيك .
2-فجأةتروحي عند اهلك تجلسي كم يوم وبعدها تفكري وتبين تردي لبيتك ومعك اختك تساعدك بتنظيف البيت وتعطي خبر لزوجك انك رايحة البيت وتقفلي ويوم توصلي تفتحي باب شقتك وتكتشفي ان اخو زوجك جالس بالمجلس ومبسط وطبعاً اخو زوجك جارك ومتزوج وساكن بالدور الثاني وتدخلي وانتي متضايقة انه ليش زوجك ماقال لك وليه مااستأذنك وكيف يخليه جالس بالبيت لوحده وانت طلعت تتصلي عليه وتقولي له يقول لك اوه انا نسيت الحين ايش عندك وبنفاخ يعني كإنة ماغلط ويوم تقولي له تعالي ابي اتفاهم معك يجي ويطرد اختك يقول تبيني اتفهم يالله طلعي اختك من البيت واختك تسمعك وتكلم اخوك وتطلع من البيت وهي مجروحه وانهانت ومن يومها معاد تدخل بيتك وكل ماتقولي لها تعالي تقول لا مااقدر اجي في بيت انطردت منه من جد تحسين ان سكاكين تقطعك تقطيع
غير كذا اكيد كلنا لنا عادات اكيد يوم اهلك يجوك ويدخلو بيتك لإول مره ويسمرو عندك لازم تذبحي لهم ذبيحة وتعشيهم وزوجك يفشلك ويجيب لك رز من غير لحم قدام ضيوفك واهلك ايش تحسي فيه وانتي تروح لهم بيوتهم ويعزموك على افخم الاشياء من مشاوي ولحم وغيره ماتحسي ودك تنفجري
3- فجأة يبدء ويجرح بالكلام ويهينك انك مو متربية وانه هو اللي بيربيك - وانه من يوم اخذك وانتي كذابة وانه انخدع فيك - وانك ولاشئ في حياته - والبيت في الاول وفي الاخير ماهو بيتك - مالك دخل - لازم تسوي مثل زوجة اخويه فلانه - ايش معني اختي راحت لمحل كذا سوت كذا - لازم تسوي مثلها - لازم تقلديهم
4- وهي اكبر اهانه يوم يطردك من البيت ويقول لك اطلعي من البيت ويتكلم عن امك - ويوم تبي تروحي عند اهلك يفتش اغراضك ويشيل ذهب بنتك ويخبيه عنك - وماتأخذي لبنتك اي شئ الى يوم يشوفها يعني يتهمك انك ايه حرامية ولا مايثق فيك
5- يوم يطردك ويقول لك انقلعي اطلعي ويقول لك تجهزي انا اوديك عند اهلك وتتجهزي وترفضي ويوم يزيد الاهانة تقولي له قوم وديني ويرفض يقول لك خلي احد يجي يأخذك والوالده تقول لاهو اللي يجيبك عشان مايحط اللوم علينا ويقول مثل ماطلعت لوحدها ترجع بنفسها
6- حتى مصروف مايحط بإيدي مصروف زي الخلق ابي شئء احتاج شئ نفسي بشئ مااقدر اسوي شئ لازم استأذنه مثل الاطفال عشان يقط عليه قط
ارجوكم عطوني حل معاد اصبر تعبانه ومنهاره ومن امس مواصلة ولاحطيت لقمة بفمي حاسة اني مخنوقة يعني اطلع من البيت واريح عند اهلي ولا اسمع كلام ماما وانتظر هو يوديني عشان لايحط اللوم على اهلي ولا ايش اسوي