احتاج رأيكم

ترددت كثير قبل اكتب الموضوع لاني في حياتي مبدأ انو الشي احيانا اذا وصفته واتعبت نفسي في التفكير فيه يصعب زياده وهذا سبب والسبب الاخر خفت اني اكون انا حساسة والمشاعر الي بقولها مشاعر تافهه ومبالغة مني لكن مابي اظلم احد وماخاب من استشار السالفه ان سلفتي غيوره جدا جدا من كل شي بما فيهم انا وبما ان حياتها مع زوجها غير مستقره فهي دايم عينها على حياتي المشكلة الاكبر ان زوجها الي هو اخو زوجي دايم مسافر باعتبار عمله وهي ظروف اهلها صعبة فنكون احنا ملزومين فيها اي مشوار تروح او غرض تحتاجه زوجي يوفره لها حتى لو مشاويير تافهه قلت مايخالف ازمة واتعدي ترسل لزوجي رسايل تشتكي فيها من زوجها وتبغاه ينصحه وتمجد نفساها في الرسايل وتحط اللوم كله على اخوه على اني اشوفه مايقصر قلنا طيش وبيعدي ومانبغا نسيئ الظن لكن تتكلمين فيني وانا بعيدة وتمثلين قدامي دور المحبه صعبه جدا و اربع وعشرين ساعة تشك في الي حولها وكل الناس عندها كذابين و هي بس الحلوه والخلوقه لا لا لا.الي يذبح انها دايم تشتكي لي من زوجها وانه سوى وقال و و و وانا تعاطفا مني اضطر اواسيها و اخطط لها حياتها على الرغم من اني اكره التدخل في حياة اي زوجين وهي مصره انها تتركه وتتطلق وفي غمضة عين يهدا كل شي والقاها في المشغل تتعدل له او مسويه له حفلة او تبكي من فراقه الله يسخر لها ويتمم لها بس ليه اربع وعشرين ساعه تشتكين تخليني ااقوم من نومي او اترك سفرتي او اخلي زوجي عشان اسمع لك وفي النهاية تردين تلعبين دور العاشقة انا بجد صرت مااعرف كيف اتعامل مع الوضع مااحب المشاكل واهل زوجي جدا يحبوني ومابي اخسرهم باي تصرف احس انو بالي مشوش ومو عارفه وش اكتب بالضبط وعلى فكره اشياء كثيره ماكتبتها بس لاني ماابي اطول بالسالفه .انا الانسانه ماتهمني في شي واتعامل معها باعتبار صغر عقليتها لكن بجد مليت وماصرت احب اتعامل او اتواصل اوحتى اجلس معها ولتوضيح الصورة اكثر هذا راي الجميع فيها مو بس انا
اعتذر عن الاظالة بس ابس اخت ناصحه توجهني ولكم الشكر