احتاج مواساتكم ونصيحتكم أخواتي

الله يهديه

حلوه و رايقة
أنا الحمد لله ومن فضل ربي علي زوجي بحبني ويعزني وليه منه 3 اطفال الله يحفظهم وحنون معاهم وعمره ما يقصر علينا بشي وعمره ما يحب انه يزعلني واذا نمت وانا زعلانه يراضيني ودايم يحب يتغزل فيه والحمد لله أنا كمان ماني مقصره معاه باي شي قايمه بواجبي معاه وبزياده وعمره ما قال لي على اي ملاحظة في علاقتي معاه بالعكس دايم يمدحني ويدعي لي ....
لكن قبل كم يوم وبعد عشرة 10 سنوات زواج لأول مره امسك جواله وافتحه والقى في برامج الهوز هير والاسكايبي مغازلات وشاتات مع بنات ومكالمات وشي يشيب له شعر الراس اش اموت عليك واشي سدد لي الفاتوره واش كلام ما ينقال ولا ينكتب والبنات مرسلين صورهم وهم باوضاع الله يرحمهم من اللي هم مسوينه ...
انا ما قدرت امسك اعصابي وعلى طول رحت وواجهته بالحاصل وتكلمت معاه بكل هدوء وضغطت على اعصابي بشكل مو طبيعي آآآآآآآه كنت بموت من قهري المهم انكر انه يكلم قال بس شات ولا له اي معنى قلت لا انت كنت تكلمهم وواضحه المكامات في البرامج المهم مسح كل المضافين قدامي وحلف انهم ما يعنون له أي شي ولا هو مهتم فيهم أصلا .....
المشكله أنا خلاص فقدت اي نوع من الثقه فيه وخايفه انه جعهم ولا ابغى افتح جواله مره ثانيه عشان انصدم ...
يا ترى كيف اقدر اتطمن كيف اخليه ما يكلم بشكل نهائي
آسفه على ازعاجكم ويمكن ما اكون الا وحدة من ملايين يصير فيهم كذا لكن ما قدرت اتحمل أكون هذي الوحدة ...
ايه والله صعب انك تكوني من ضمن هالملايين او تتخيلي نفسك وحده منهم يسعدني اني اول وحده ارد على موضوعك حبيبتي ومن جد اتاثرت عشانك يشهد الله على ما اقول والله يعينك وان شا الله شدة وبتزول والي زعلني ان قصتك مؤثرة جدا وعدد الردود صفر وينكم يا بنات الخت طلبت منا مساعده يلا نحاول نوقف معاها ومن الاخر الله ياخذ بنات الحرام الي يخربو علينا حياتنا والزوج ايضا لا يخلو من المسؤوليه من جد في الفترة الاخيره ماعاد في الدنيا خير من ورا ذا البنات الي تبيع جسدها وشرفها عشان بطاقه وشحن وفاتوره ياالله وين الخوف من الله يا ناس بموت من القهر وبتاثر لما اشوف ان الشرف صار رخيص عند امة الاسلام بهذي الطريقة ودام انتي مو مقصرة معه بشي العيب فيه هو ووسغي صدرك اختي لازم تمر عليها الوحده امور مثل كذا احتسبي الاجر كلنا مرت علينا محن خليكي قويه لاتضعفي ابدا ولازم زوجك يبعد عن هذي البرامج فهميه ان هذا الموضوع راتح ياثر غليكي وعلى البيت وعلى نفسيتك بالدرجه الاولى وكل هذي الامور راح تنعكس على تربيتك لاولادك يمكن هذا الموضوع يكون من صالحك عشان يخف حبك له لانا موتين حالنا غشانهم ويا ليت بيطمر فيهم صدقيني انا مجربه والله العظيم ان اكتشافك لامور زي كذا بتكون لصالحك وقة\ولي ام الذوق ما قالت والله يصبرك وان شااله الفراشات يفيدونك اكثر وكان الله بعونك

الله يفرج همك

لاحول ولاقوة الابالله الله يفرج همك ويبعد عنه بنات السوء

حبيبتي اللي يقرأ بدايه موضوعك _ماشاءالله تبارك الرحمن_
يتوقع انكم تقضون شهور بدون اي مشكله
طيب .!!
لانها حياه الكل يتمناها
على اسمك حلوه ورايقه
بس شوفي معاي
اكيد في شى غلط
في شى ناقص
راح زوجك يدوره برا
نبدأ حبه حبه ..
انتي قلتي انك فتحتي جواله وشفتي الهوز والسكايبي
على فكره الرجال بطبعه يحب التجديد
طبعا مو فيك << علشان مااتلطش
اقصد في الاسلوب
يمكن خلاص
بدأ يمل حياتكم المعتاده وضيعتكم اسلوبكم بيكون متوقع كل شى بتسوينه
ابدأي انتي عوضيه
دام هو تركهم علشانك
حملي هالبرامج
واضيفيه
وخليكم مع بعض
اوكي ...!!
املي عليه حياته بسرعه
لانه اكيد بيحس بفراغ كبير بعدهم
وهم بيجون يدورونه
ومابيقدر يقاوم
ثاني شى :
انتي تقولين قريتي كلامهم
طيب وش رايك بالكلام ..
اكيد جريء جداً <<< ترى اتكلم كذا لاني احس فيك ومريت بتجربه شبيه لتجربتك بس انا وصلني مسج من وحده تحبه ههه قويه عين صراحه
المهم ماعلينا
كلامهم جريء
شوي طالع عن الحدود
بينك وبين نفسك
انتي قد قلتي له مثل هالكلام
بتقولين ايه ... بس وين ..!!
واتوقع بس في غرفه النوم والفراش << زي حالة معظمنا
من هنا ابدأي تغيري
وغيري حتى كلامك
زي المسجات محد يشوفها الا انتي واياه
ارسليله واتجرأي في كلامك زيهم
وشوفي وش بيصير
بتعوضينه صدقيني
خلي لكم رموز محدده اتوقع كلنا عندنا
يصير عدي حتى لو قلتيها قدام عيالك مااحد بيفهم الا انتي وهوو
ثالث شى :
الصور ...... هذي عن الف كلمه
احنا بطبعنا نستحي يعني اذا بجلس قدامه لازم قميص حتى لو خفيف
واستحي اذا طالع فيني
واضاءه خافته
وين متعه النظر
رغم اني اتوقع انك احلى منهم ميه مرة
وجسمك احلى ونظافته واهتمامك وريحه عطرك
بس هذا كله مخبينه في الظلام ...!!!
اوكي ليه
وين السحر الحلال
وين متعة النظر
هو ليه يشوف هالصور
لانه عنده وقت يبحلق
ويتبصبص في كل شى فيها حتى وهي شينه
عطيه انتي هالوقت
وخليكي قدامه بكل مفاتنك
واخر شى شبعيه
شبعيه حب
شبعيه كلام
شبعيه نظر
علشان يكون لك لوحدك
لاتقولين عني جريئة في كلامي
بس دامه حذفهم قدامك معناته شاريك ويحبك
ويستاهل تسوين كل شى علشان عيونه
والله يخليكم لبعض ويخلي لكم عيالكم حبيبتي
سوري عالاطاله
رايي هذا الشخصي
اتمنى مااكون جبت العيد
ماحبيت امر بدون ماارد
لاني لو كنت مكانك وجيت اشكي لأحد اتمنى اشوفه متجاوب معاي ويحاورني ويكلمني
حتى لو كلامه يجرحني ....

الاخت الدخيله ماقصرت
بصراحه نفس كلامي
الله يهديه ويصلحه يارب
ومن جد اعطيه واشبعيه بالنظر والكلام وحتى ضيفيه عالمسن عندك
زي اللي عندي اول مااطلع من البيت يرسل لي مسج افتحي الماسنجر ويبدى ومااخليه الا ادا مضطره
الله يهديهم ويصبرنا

حبيبتي بقلك شغلة مالي بالمقدمات شوفي الرجال كلهم مو بس زوجك نفس الشي لهم اشياء شبيه بالعلاقات ولهم صور خليعه و و و
انتي لا تجلسي تدوري راه في ايه ماني حافظة نصها تمام اللي هي لا تسالو عن شي ان تبدا لكم تسؤكم يعني لا تدوري ورى شي
لو عرفتيه بيسئ لك او تتعبي من وراه
خليه اهم شي انه مو متغير عليكي خلاص لا تقولي ليش اقلك كذا لانو مو بس زوجك طبيعة الرجال كذا ومااصدق اللي تقول انا زوجي لا
لانو مايبين لها ، الرجال فيهم طبيعه يطالع بنت زي شي شبية بالمغازلة بس حق تضيع وقت او فضول
لو كان في شي حقيقي كان لقيتيه تغير عليكي
انتي انتي بصلاتك ان ربك لا يغيره عليكي وخلاص ولاتفتشي وراه وسبحان الله لو في شي ربنا بيريد انه ينكشف
وبتعرفي بدون ماتدوري انتي
اسمعي الكلام لا تخربي حياتك واحمدي الله على زوجك وبس شيلي اي فكره ثانيه من راسك
الله يهدي سرك ان شاء الله

الرجال لو قدتي له صوابعك العشر شمع ما ينفع معهم واللي تقول للاخت انها يمكن مقصره معاه لا حبيبتي وبعدين معليش الرجل كيف يتوقع من زوجته بعد ثلاثة اطفال ومسئولية بيت ودراسة العيال وضيوفه ونظافة انها بتظل كانها عروسة متفرغة له وحتى لو جبتي شغالة تقوم بهالامور عشان تتفرغي له هو راح يتفرغ للخدامه
لا تقولي لي لازم تتفرغ هاذولا هم بنات عرسان ماكمل على زواجهم عشرين يوم ازواجهم يخونوهم حبيبتي هذه هي فتنة اخر الزمان وعدم وجود وازع ديني عند الرجال وعدم مراقبة الله تؤدي لل الخيانة بالتلفون والافلام الاباحية وفتنة البنات المتبرجات في الشارع عشان كدا لازم ندعي لنا ولازواجنا ولذريتنا وعيالنا ان ربي يعصمنا من فتنة اخر الزمان وفتنة المسيح الدجال
حبيبتي ما في يدنا شي غير ندعيلك ولزوجك لكن اي حل تاني ما ينفع لو زوجك وازواجنا ما خافوا الله وراقبوه اقل شي يفكروا ان من دق باب الناس دقوا الناس بابه وخافوا على اعراضهم وبناتهم وياما قرانا قصص من زوجات طاحوا في الحرام وخسروا انفسهم وكلوا بسبب انهم ينتقموا من ازواجهم الخونة يعني اخذ ذنبه وذنبها وشتت بيته لاجل لحظة متعة فانية استغفر الله
الله يهدينا واياهم وابنائنا وبناتنا يارب وكل وحدة فينا ذاقت من هالكاس مالنا الا الدعاء

آآه الله يعينك والله انا نفس الشي بس مافتشت في جوآله .. ماودي انصدم بس كثير يطلع عالشاشه تنبيهات الهوز الززفت هذا
وكل التنبيهات اسمآء بنآت وسكت ماقلت له شي ..
هاملني في البيت بشكل مو طبيعي طول الوقت على الاب والجوآل ..
ولامره طلعنآ سوآ الا في شهر العسل
وعندي سوآق يوديني ويجيبني.. لو اني متزوجه السواق احسن لي ..
هذا وانا توني مكمله 5 شهور معآه اجل بعدين وش بيسوي ..!
على الاقل انتي مبسوطه معآه وعندك اطفال يشغلونك عنه ..
ماعلينآ ..
الله يعينك عليه .. مآلك الا الدعآء
ازعلي عليه خليه يحس بغلطته .. لاتسكتين له عشان مابيفكر ويعيدهآ ..
الله يوفقك ويرزقك كل خير ويسخر لك زوجك يارب ..