عروس ونفسيتي زفت

1. السلام عليكم ورحمة الله وبركاته


2. كيفكم حبايبي / بقول لكم قصتي وياليت تنصحوني وتساعدوني


3. المهم رجعت بعد العيد ولا كانه سوى شي ..

السلام عليكم ورحمة الله وبركاته

كيفكم حبايبي / بقول لكم قصتي وياليت تنصحوني وتساعدوني

انا عروس صار لي متزوجه 6 شهور وزوجي مطفشني بتصرفاته معي مره تخيلو يابنات مايعطيني فلوس الا بعد نكد ولا يحب اني اطلب منه حتى بالاعياد تخيلو بعيد الفطر عطاني 600ريال وبعيد الاضحي عطاني 200ريال ويتعذر يقول ماعندي من فين اجيب لك وقلت طيب انت عطيتني بعيد الفطر 600 ريال وكمان لما جانا بالعيد عطاني 200ريال قال عطيتك بسس لانك عروس ومستحي منك ؟؟؟ المهم زعلت واخذت من اهلي وكملت اغراضي ورحت لاهلي لان العيد بمنطقه ثانيه ورحت بدون مصروف وادق عليه وانا عند اهلي اقول حول لي مصروف يقول من فين اجيب لك ؟؟

المهم رجعت بعد العيد ولا كانه سوى شي ..

وغير كذا يابنات دايم يمسك علي اشياء عاديه يقول انتي طلعاتك كثيره وانتي ماتجلسي ببيتك واحنا ماصار لنا 6 شهور متزوجين وانا والله يابنات اهلي ما اجيهم الا نادر واقل وحده انا من خواتي والشي الثاني دايم يقول كلمي امي انتي ماتكلمينها ولا عمري شفت لك رساله بجوالها وانتي وانتي.. وانا يابنات مااكمل عنها اسبوع الا ازورها واسال عنها ..وكمان اذا كنت عند اهلي واخواتي بيروحون لسوق ابي اروح معاهم يرفض يقول مو حلا اجلسي بالبيت واقول اجلس لوحدي يقول ايوه قلت طيب واغراضي قال مو لازم احنا عندنا زواج بالاجازه وانزل عشان اشتري اغراض لاننا بنسافر ..
والحين يابنات انا حامل وجالسه عند اهلي وتعبانه مره من الوحام وكارهه بيتي ومو عاذرني يقول دلع ويزعل مني واذا طلعت معاه وتكلمت معاه وفهمته وقلت خلاص بروح للشقه لو اموت فيها يقول لا انا ماني زعلان لانك جالسه عند اهلك انا بس مستغرب كل الحريم يحملون ولايتركون بيوتهم ..
تكفون ساعدوني وربي تعبت نفسيا مره وافكر اقول لاخواني عليه ,,