احترت وش اسوي هذا زوجي وهذي بنتي

زوجك يطلب منك حل ..
انا مااشوف فيها شي لو تجلسي معاه وتقولي نبغى نتفاهم ونرتب امور حياتنا ..
انتي ب امكانك توضحي له انه الحل الي يناسبه انتي بتسوينه ..
وحاولي وانتي تكلمينه توضحين له انه يهمك راحت بنتك وراحته .. واذا فيه شي لصالحكم انتي ماترفضين هالشي ..
لاتهملين بنتك علشانه انتبهي .. تراها امانه برقبتك .. وحتى لو اهملتيها علشانه صدقيني بتطيحين من عينه ..
انتي بالطيب وبالكلام الحلو اتكلمي معاه بالوقت المناسب .. واشرحي له انك انتي ماتبغين الوضع الي يضايقه ..
وانو الحل الي هو يشوفه ويناسب انتي بتقبليه .. ويفضل انك تخلي بنتك مع بناته تدخليهم جو مع بعض .. واتفقي كذا ..
خليه يحب بنتك .. حاول تدخلين قلبه ويحبك .. ب اهتمامك بنفسك وبراحته وبشخصيتك ..
اذا خليتيه يحبك بيكون امر النقاش سهل .. وحل المشكله اسهل .. وبيحب بنتك وتصير معزتها من معزتك ..
قولي له انك انتي شايفه انه القيام فيه واجب عليك وانه راحت بنتك نفس الشي واجب عليك ..
حاولي تتفاهمين معاه بطيبة وبدون صراخ وبدون انانيه .. وبرضا تام .. حتى لو اقترح اقتراح يظلم بنتك فيه .. خليك هاديه واشرحي له انه هذا الاقتراح مايناسب ولا يريح بنتك ولاحترتاحي انتي والافضل نشوف حل يناسبنا كلنا ..
نصيحتي لك اقري ل استشارات الاستاذه ناعمه الهاشمي .. بتستفيدي كثير من التعامل مع الرجال ..!
الله يسعدك ويخلي لك زوجك ويسخره لك .. ويخلي لك بنتك ان شاء الله ..

والله يا أختي ما أدري وش أقول لك المفروض أنك شارطة عليه وجود بنت معك ولا يستكثر وجودها بينكم بصراحة أنصحك تسألين أهل الخبرة ويستطيعون حلول المشاكل حتى لاتندمي أتمنى أكونى أفدتك

الله يهديه ويسخره لك الناس تدور الايتام عشان يكسبون الاجر وهو عنده ببيته يمكن سبب يدخله الجنه
ذكريه انه حتى لو مسح ع راسها له اجر فمابالك باالاشيا الثانيه-
وانتي اذا جا وجلس لاتخلينها تقعد عنده حطي لها تلفزيون بغرفتها او حاولي تنومينها بدري وش تسو ين لازم تعدلين بينهم
ويمكن الرجال وده يجلس معك وانتي خلي اسلوبك معه حلو ويارب يهديه من جد حيره

رأي من رأي غربه ..
كلام مرتب وكويس وحلو ..
وحل لكم انتم الاثنين ..
اتمني لك من كل قلبي تتوفقين بحياتك انتي وبنتك وزوجك ..
والله يسعدكم ياارب ..

الزم ماعليك بنتك شكله اناني هذا فهميه قولي انت ماخذني وعارف عندي بنت بعدين ماشاءالله سبع سنوات كبيره مو جاهلهانتي خليها معاك كل الوقت بس لما يجي حاولي تدخلينها بغرفتهاتحطين لها بلاستيشن تنشغل فيهواجلسي مع زوجك بهالوقت واذا على الطلعات لما تطلعين مري اهلك حطيها عند جدتها والله يهديه لك ويسخره

مدري بس لو تتطلقين ترتاحين من الهم
انتبهي لبنتك وانتبهي تقصرين معها ,, واذا حطيتيها عند احد انتبهي عليها وانتبهي من تحطينها عنده !!
لانك لو خسرتي بنتك ما بقى لك شي في هالدنيا ,,

مشكورة لكل الخوات الي ردو علي
وان شاء الله يكون في موازين اعمالكم
اما على الشرط فانا شارطه في عقد الزواج انه اهم شي عندي بنتي
وبناته عند امهم جلسوا عندي يومين وكانت بنتي مو عندي
والله لو اقولكم وش سوا ماتصدقون وهم اكبر من بنتي وحدة في خامس ابتدائي والثانيه في ثالث متوسط
وربي حتى لبسي تقولي قومي غيري لبسك
وطلعوا اغراض بنتي كلها برى غرفتها رغم ان غرفتها انا الي شاريتها لها
ودخلو غرفتي وسرقوا كل عطوراتي واكسسواراتي
والخافي اعظم
واذا عالكلام الهادي والتفاهم
اول ماصى من النوم جيت بكلمه بهدوء علشان نتفاهم
عصب وجلس يصارخ
قال كل شوي بعيد الكلام خلاص انتي ماتفهمين
والله ماقدرت اكمل معاه
جلست ابكي
وهو ولا على باله زي الصنم عادي ابكي ولا اسكت كله واحد عندة
واذا عابنتي حاطه لها تلفزيون ودفي دي ودايم بغرفتها
بس هي فاقدة الاب
ومتعلقه فيه بس هو يتضايق منها
صح بعض الاحيان تزعج بس كل الاطفال كذا
مدري والله وش اسوي
رغم اني ما قصرت معاة بشي
من ناحيه البس البس
وحتى المصروف مايعطي رغم كل اعياله يعطيهم وبنتي وانا عايشين على راتب التقاعد
لا الي متزوج مرتاح ولا الي مو متزوج مرتاح
ومن ناحيه التفاهم احاول افهمه بس مو راضي
مشكلته مو معاي مع بنتي
والله كريم

الله يفرجها عليك وييسر أمرك

درر مكنونه ///الله يسمع منك ومن كل من عنده هم
واذا عالطلاق صعبه لاني حامل في بنت واهلي ضروفهم صعبه
يعني من هم الهم