احذروا فرقة طيف أم ملاك

ياجماعه احذروا من فرقة أم ملاك الطقاقه واحيانا يطلقون على نفسهم فرقة طيف والله أنهم نصبوا على كثيرات يتفقون معاك على مبلغ ولما يوصلون الفرح تدخل وحده ماتعرفينها وتقولك هاتي 2500 ريال وتعتقدين أنه جزء من المبلغ لكن يتضح أنها تريد زياده على المتفق ولما تتصلون على اللي وقعت معاك العقد ماترد واحيانا تقفل جوالها وشوفي ايش حيصير وضعك في هذا الوقت وايش راح تقول الناس وكيف تدبرين ساعتها طقاقه ثانيه وخصوصا انهم مايجون الا بعد عشره ونصف عشان مايصير لك مجال وتضطرين تدفعين وتدخل الهانم رئيستهم بعد ماتطلع الفرقة ويقفون بعد كم اغنيه وتقول ادفعي باقي المبلغ وهاتي ورقة العقد والا ماراح اغني يعني فضيحه بين الناس ووضع اسوء من السيء يعني وحده اعرفها والله دفعت 2500 عربون ويبقى لهم 5000 الاف ريال مع اني اشوفها كثيره في حقهم 7500 وهم مالهم امكن سنتين او ثلاث عموما ولما جاء وقت حضور الطقاقه تفاجأت بوحده غيرها وهذي معروفه اسمها سعاد العبدالله شكلها متفقه معاهم وقالت انا مااتفقت معاك قالت الا انا بس انت ناسيه والحرمه بتجنن وين الفرقه وتتصل وجوالهم مقفل والطقاقه تقولها تدفعين 7500 ريال للحفله والا ماراح اغني وشوفي وضعها كيف صار والحريم يقولون ادفعي لاتفشلين نفسك قدام الناس وخصوصا هذا ولدها الوحيد وشوفي بعدها الحرمه شاكيه الطقاقتين النصابتين في الشرطه ومازال التحقيق وطالبين شهود على ذلك ليتم ترحيلها .وغير اللي اخذت منها على 7000الاف كمان الفين ونصف ونفس الاسلوب من عند الباب ماراح اغني حتى تدفعي وجلست الحرمه تدعي على اللي كان السبب في اللي دلها عليهم وطبعا ( الخطابه ) وحده يوم شبكة بنتها اتفقت على 5000 ولما وصلوا طلبوا 2500 او مايغنوا لكن الحرمه رفضت وتضاربت معهم بالكلام انتم نصابين وبغت تطردهم لولا تدخل البعض ودفعوا لها زياده 1000 ولكن خربت لهم الحفل وما غنت الزفه المطلوبه وما كملت حتى الحفله حسبي الله عليهم وعلى من ساعدهم ويقولون ماعلينا سوقنا ماشي . لو الجميع تكاتف معانا وقد سبق له الضرر منهم نشتكيها وتمشي بلدها .
اسفه على الأطاله بس ياليت تبلغون البقيه وتنبهونهم على جميع الطقاقات وخصوصا مثل هذي الاشكال والله على مااقول شهيد