احس نفسي ببكي وانا ادعيلها ماني مصدقه

السلام عليكم ورحمة الله وبركاته
عزيزاتي واخواتي الفراشات
مابي اطول عليكم ....
بس ابي اطلب منكم انكم تدعون للاخت اللي كتبت طريقة لتطويل وتكثيف الشعر
واظن انها الهاجرية ...الله يسعدها ويوفقها ويسرلها كل عسير ..ويزوجها
قولو امين امين امين
ماتتخيلون كيف خلطتها فادتني .. ترى انا ما اكتب مواضيع وخلطات بس اللي شفته من هالخلطة
خلاني اكتب لاني ابي الكل يدعيلها ..
والله العظيم يابنات اني انا شعري صار يطيح من 6شهوور بعدماجبت طفلتي الثالثة وكمان لاني اسوي رجيم واحضر دراسات عليا وبس افكر
والله اني صرت اكره امشط شعري اواغسله من كثر الشعر اللي يطيح شي يفجع
خصل كبار تطيح كذا قدامي منظر يبكي
وانا دايما اجرب خلطات بس هذي شي ثاني ...زوجي اللي مايتكلم ولا يدقق امس قالي شعرك اتغير
قلتله وش متغير فيه ..قالي كثر عن اول ...واناطبعا فرحت واتشجعت اني انقل تجربتي ..لان شعري ماشاء الله طوول وكثر بشكل وااضح قولو ماشاء الله تبارك الله والله اكبر ولاحول ولا قوة إلا بالله ..
الخلطة هي :
حبتين ثوم + بصله + سدر مطحون من العطار + زيت خروع + زيت زيتون
تقطعين الثوم صغار والبصل اربع وتغلينها في الماء لين الماء يصير اصفر وبعدين تحطين السدر والزيوت
حسب طول الشعر..
انا احط الخلطةكذا بالبركة لاتسالوني قد ايش الزيت وقد ايش السدر
انا اعجنها عادي زي الحنه واحطها بشعري قبل النوم او من المغرب الين بعد العشاء حسب وقتي
بس انا اسويها يوميا ... واغسل شعري بشامبو بيبي وبلسم
وبانت النتيجة من خمسه ايام من استخدامها
اهم الملاحظات
1- اللي شعرها جاف لاتستخدمها
لانها تخلي الشعر ناشف شوي انا شعري عادي وناسبتني.
2- بالنسبه للريحة مالها ريحة ابدا بس حطي مخمرية الشعر بعد الاستحمام
3- بتلاحظين الاستشوار ينفش شوي والسبب انه في شعر صغار بدأ ينبت والفراغات تبدا تختفي
4- استخدمت مع الخلطة فتمينات الشعر هير دايل من النهدي سعرها بحاجة وستين اخذ حبة واحيانا حبتين باليوم .لاني اسوي حميه ورجيم .ومااكل زين .