احكموا معاي تستاهل ولا ما تستاهل

السلام عليكم
انا اليوم حابة أعرفكم ببنت حبسية فتحت هي وأهلها صالون في رأس الخيمة اسمه صالون الحور
على فكرة هي وحدة من الأهل وصديقة مقربة لي
والشئ الشجعني اني أكتب عنها اني شفت وايد بنات يمدحون ممكيجات وبنات ما يعرفوهم
فستحيت وقلت لازم أكتب عنها وعن صالونها
بصراحة كان الصالون في البداية شغله مو لهناك وهابسبب عدم خبرتها مسكينة في ذوق ومعاملة الزبائن ولكن الحين بعد مرور سنة ونصف أصبح الصالون شي ثاني ماشاء الله عليها وعلى صالونها استوت هي واختها خبيرات في كل شي في الصالون بعد ما أخذت دورات شاملة في أكثر من مكان
وتعلموا أصل واتقان المكياج بكل أنواعه (السنمائي والهندي واللبناني والخليجي ) والقصات بكل أنواعها ( أسمحولي ما أعرف شو أسماء القصات بس أعرف وحدة وايد حلوة سويتها معاهم اسمها ريش ) الحمام المغربي ممتاز والحف والصبغات والهاي لايت كل شي عندها في الصالون تجهيز عروس كامل وأسعارها وايد منخفضة وتراعي الزباين
وعلى فكرة أستوت ما تلاحق على الزباين و كانت في البداية ما تروم تييب كوافيرة وحدة الحين ما شاء الله عندها اربعة وان شاء الله بتييب الخامسة عن جريب ان شاء الله
ونسيت أخبركم عن الحنة عندها حنايتين يحنون وايد روعة (كشميري وعربي وسوداني وهندي )
وان شاء الله باخذ منها رسومات وصور لشغل الصالون وبعرضها في المنتدى