احلى الحركات لبعد الجواز لكل من اهملت نفسها

1. مش كله مرة واحدة عشان يفضل معاكى باقى الافكار


2. وبعد خطوبتها دلع ولبس وحركات


3. يبقى انتى حتاخدى ثواب وربنا حيقويكى وتخسى وتفرحى عايزة ايه تانى ؟؟؟


4. غيره وبعدها


5. اما تتشجعى بجد اما لا بلاش تتعبى نفسك وبعد اسبوع توقفى


6. بحاول اقولكم على نماذج كتيرة عملية عشان يبقى كلام عملى

حركات الدلع والنيو لوك من حاجات اللى بتجدد الزواج والعلاقة جدا يعنى الكلام ده اكتر للمتزوجات اللى بقالهم مدة متجوزين وللعرايس الجداد بس تطبيقها مش فى اول الجواز ...
طبيعى احنا اول الجواز كل حاجة بتبقى جديدة ومبهرة يعنى جوزو مش محتاج حركات جامدة ولا تعملى حركات ونيو لوك لانك بالنسبة له نيو لوك هو لسه بيتعرف عليكى مش قصدى معرفة كلامية انتوا فاهمين قصدى
طبيعى انك مجرد تلبسى لانجيرى ده اكبر احلامه انه يشوفك بشعرك يعنى ده حلم بالنسبة له عشان كدا اول الجواز مش محتاجة تبدعى حاجات البسيطة هى قمة الابداع
زى الانجيرى وتحطى برفيوم وتسيبى شعرك وتحطى ميكب خفيف
ده كفاية اوى اول الجواز لانه حينبهر كل يوم بااللبس والشعر وريحة البرفيوم وانتى حتغيرى يعنى نهاردة لابسة لانجيرى قصير بكرة البسى اطول ويكون مثير بعده حطى برفيوم جامد مرة حطى هادى ..
يعنى اعملى تجديد بسيط فى حدود العادى اللى هو تغيير الوان اللبس او ريحة برفيوم او لون الروج
اما الحركات والدلع والاختراعات خليها بعد شوية بعد فترة من الجواز لما خلاص حالة الانبها تقل وقتها ابداى طلعى افكارك واحدة واحدة

مش كله مرة واحدة عشان يفضل معاكى باقى الافكار

يمكن التجديد بيبقى كمان ضرورى بعد الحمل والولادة لانك طول فنرة الحمل مفيش تجديد وانك مرهقة يبقى بعد الولادة ابداى حركات ونيو لوك وتجديد عشان متحسيش بالملل
كمان التجديد بيخلى نفسيتك انتى وجوزك احسن حتى لو كان بينكم فتور او ملل بيقل لان حاجة جديدة حصلت كمان انتى بتحسسى جوزك انك مهما عدى الوقت بينا حافضل العروسة الجميلة وانى مش مهملة فى نفسى عشان اوقات نلاقى الازواج يقعد كدا ادام الكليبات ويتحسر ويقول فين مراتى اللى كانت بتعمل وتعمل دلوقتى خلاص بقيت زى الست االلى عندها 10 عيال
وطبعا انتوا عارفين الباقى لان اوقات بيتطور الموضوع لحاجات اسوء توصل ان الزوج ممكن يتزوج تانى او فى ازواج للاسف يبتدى يتعرف على بنات ويبتدى يدخل الشات والمسلسل المعروف
موضوع التجديد فى الشكل والحركات والاهتمام مش حاجة ثانوية هو حاجة ضروررية مادول وقتها مناسب
عارفين من يومين كنت عند بنت صاحبتى بزورها البنت ديه متجوزة بقالها سنة وشهرين وجابت بنوتة عندها 7 شهور .. صاحبتى ديه كانت قبل لخطوبة

وبعد خطوبتها دلع ولبس وحركات

لما كنت عندها من يومين اتضايقت جدا لقيتها واحدة اتحولت كانها فعلا مخلفة 10 عيال مش مصدقة ان ده صاحبتى اولا تخنت جدا مش مهتمية بنفسها نهائى حتى ابسط الامور بتنام فى اوضة البيى وتسيب جوزها نايم لوحده جوزها بقى يعلق عليها ويقولها عايزك تلبسى او حطى ميكب او اى حاجة وهى ولا هنا بدا جوزها يرجع متاخر البيت لانه حاسس بملل وان مراته بقيت واحدة تانية انا فعلا اتنرفزت منها انا وصاحبتى وكلامنها وقولنلها يابنتى ده غلط خاصة انه عندها وقت لان مهما كان البيبى بياخد وقت فى امور بسيطة تتعمل تخليكى زى العروسة وطبعا غلطة كبيرة بتاعتها انها تنام فى اوضة البيبى وسايبة جوزها
طبيعى انه حيتعود انها مش موجودة عشان كدا بقى بيرجع متاخر لانه حاسس ان مراته مش موجودة وهى نفسها بتقول انا حاسة انى ثقتى فى نفسى قلت
تخيلوا ان مشكلة مش بقيت حركات ودلع لا بقينا بنرجع لاول كلام الاهتمام بالنفس يعنى بدل ما نتكلم معاها على حركات دلع بقيت انا وصاحبتى بنتكلم معاها على مبادى الاهتمام بالنفس ..
مع ان صاحبتى تانية اللى كانت معانا نفس الظروف متجوزة من سنة وشهر ومعاها بيبى عنده 5 شهور بس ماشاء الله تشوفيها تقولى عروسة مهمتمية بنفسها بابسط الامور بتفكر تعمل شكل جديد لشعرها ونزلت اشترت لبس بقيت بتلف تراك النادى عشان جسمها يرجع زى قبل الولادة بقيت تعمل دايت مع ان البيبى معاها متعب جدا وبيعيط كتير ومعندهاش وقت تتنفس بس ماشاء الله عليها تستغل ساعة فى اليوم وتهتم بنفسها
عشان كدا يابنات اللى لسه مش اتجوزوا خلى سيستم حياتك الاهتمام بنفسك والدلع وحركات مهما كنتى مشغولة وكل حاجة فى وقتها
واللى متجوزة بقالها فترة وخاصة اللى ولدت يالالا جددى نيتك واتشجعى وابداى غيرى من نفسك واعملى حاجات جديدة تفرحك وتفرح زوجك
مش مطلوب منك حاجات كتيرة لا يكفى حاجة واحدة تعمليها تجددى بيها شوفى اكتر حاجة حتخليكى نيو لوك واعمليها وشوفى اكتر حاجة ممكن تفرح زوجك ويخليه يحس انك ملكة متوجة واعمليها
جددى نيتك انك ترضى ربنا فى جوزك وانك تجددى الحب بينكم وانك تحمى زوجك من مغريات وانك تبسطى نفسك وتفرحى وان ثقتك تبقى اقوى وانك لما تبقى مبسوطة تتعاملى مع ناس حواليكى احسن وتربى اطفالك احلى
النية لما تجدديها حتلاقى حاجات كتير تكسبيها
لو مش عندك وقت وبتشتغلى لو عندك بيبى ده مش مانع او عذر تقولى اهمل نفسى لان لو كل الستات والبنات كدا الدنيا ضاعت
بلاش تبصى لنماذج اللى تجيب احباط بصى على بنات اللى بتهتم بنفسها وبتسعد زوحها وقلديها بشكل اللى يناسبك متقوليش كل البنات بعد الجواز بتهمل نفسها ..
متوصليش جوزك لانه يبص برا بيته بلاش يقلب فى الكليبات والنت والشات ومسجات متخلهوش يفكر لو لثانية يرتبط بواحدة تانية خليكى ملكة متوجة دلعى نفسك قبل ما تدلعى جوزك
ان شاء الله نكمل الحركات وافكار ممكن نعملها لتجديد الملل والنيو لوك واللى عندها افكار تقولنا لاننا عايزين نجمع اكبر افكار وكل زوجة تختار اللى
يناسبها
محتاجين افكاركم يا بنات وخصوصا من متزوجات قولنا انتوا جربتوا ايه ونفع وايه اللى مش بينفع ...
اول حاجة اقعدى مع نفسك وشوفى ايه اكتر حاجة محتاجة تغيريها فى نفسك وخليها اول اولوياتك ليه ؟؟
لان اوقات بيكون فى مشكلة معينة عندك وهى لو غيرتيها حتحسى بانك نيولوك
كلنا بنقول النيولوك فى لون الشعر فى اللبس فى البرفيوم بس بننسى ان اوقات فى حاجات اهم ممكن تتعمل تخليكى احلى وتبقى واثقة اكتر فى نفسك
يعنى على سبيل المثال :::
لو انتى وزنك زايد عن اللى متعودة عليه وخاصة بعد الحمل والولادة يبقى ده اهم حاجة تعمليها لانها هى اساس التجديد وتخلى شكلك نيولوك فعلا
يعنى لو وزنك زايد عن الطبيعى بتاعك وغيرتى لون شعرك الفرق مش حيبقى كبير اوى او مرضى ليكى ..
لو خستى انتى اول واحدة حترتاحى وتحسى انك اتغيرتى لانك وقتها جسمك حيرجع حلو زى الاول وتقدرى تلبسى كل اللبس وتقدرى تتحركى بدلع وده حيبقى اكبر واقوى نيولوك ليكى ولزوجك لان زوجك فرحته بن جسمك رجع زى ما كان متعود اقوى مليون مرة من لون الشعر اللى اتغير
عشان كدا يابنات اقعدى مع نفسك وفكرى ايه اكتر حاجة حاسة انك مضايقة منها واللى جوزك دايما بيلمح عليها ويعلق عليها لانها هى اللى حتغيرك وتغير نفسيتك وتخليكى واثقة من نفسك
الزوجة لما بتحس ان حاجة جمالية مش حلوة فيها تحس انها ثقتها مهزوزة وده بيعمل مشاكل يا بنات يعنى بشوف ساعات زوجة تخرج مع زوجها والزوج ممكن من غير قصد نظر لبنت فى مول او فى محل تلاقى زوجته تتنرفز وتقوله انت ليه تبص عليها هى عجبك فى ايه وتتعصب وتعمل مشكلة مع ان يمكن نفس الموقف كان حصل قبل كدا بس ماهتمتش
اللى خلها تهتم مرة ديه انها حاسة انها فى حاجة معينة ناقصها ومتخيلة ان جوزها شايف كدا كمان وانه عشان كدا بيبص على بنت تانية ونفس احساسها يخليها تبدا تشك فى زوجها رغم انه ممكن ميكونش فى حاجة اصلا فى باله
عشان كدا يابنات حاجة التجديد مش حاجة رفاهية مش حكاية تغيير لون شعر او لبس لا هو حاجة نفسية اكتر تريحك وتبسط زوجك وقبل زوجك دلعى نفسك مش لازم كل حاجة عشان جوزك اهتمى انتى بنفسك وانبسطى وخلى يومك حلو مش حنضيع الابام فى الزعل والحزن وثقة مهزوزة
يبقى اول حاجة الوزن الزايد لازم تخلصى منه بلاش بقى كسل وقلة الصبر والزهق اللى بيجلينا اول ما نعمل حاجة وكل اللى بيحصل تقعدى تتحسرى على ايام ما كان جسمك حلو لا اعملى حاجة وغيرى وادعى ربنا يعينك ويقويكى بس ربنا مش حيخليكى تخسى وانتى قاعدة بتقولى عايزة اخس ابداى فى دايت وابداى ر\ياضة وادعى يارب عينى انى اخس وابقى جسمى كويس وكمان خدى ثواب انك تعملى ده عشان ترضى زوجك وتفرحيه وتبسطى اولادك لان لو نفسيتك مرتاحة ومبسوطة البيت كله بيفرح

يبقى انتى حتاخدى ثواب وربنا حيقويكى وتخسى وتفرحى عايزة ايه تانى ؟؟؟

يابنات والله مش بقول كلام نظرى انا اول واحدة بعمل كدا عشان متقولوش انى بتكلم كلام نظرى ونظام المثل المصرى "" اللى ايده فى ماء مش زى اللى ايده فى النار """ ههه بقيت خبيرة امثال
يعنى انا طول عمرى مكنش عندى بطن خالص والاسف نتيجة عادات غذائية غلط ونتيجة القعدة ادام كمبيوتر فى شغلى وقلة الرياضة بقى عندى بطن بقالها سنة فى الاول كنت مقهورة من نفسى انا ليه عملت فى نفسى كدا وسبت نفسى تانى وظبطت كل الاكل الغلط مع انى وزنى كان ثابت بين 61 و 63 كيلو بس بطنى فضلت موجودة وةنزل وزنى تانى لغاية 57 وفضلت ثابتة عليه سنة كاملة ولسه وزنى فى نفس الرينج بس بطنى زى ماهى
قعدت مع نفسى وقولت وبعدين حافضل كدا ولا حاستنى لما اتجوز وجوزو يعلق عليا وليه افضل كدا الحل فى ايدى كنت الاول بكسل اقول امشى لا اروح جيم
فى الاخر اخدت قرارى بقالى شهر طبعا انا اتاخرت فى قرارى كتير بس اخدته روحت الاول دكتورة باطنة عشان اشوف اذا كان عندى عسر هضم او

غيره وبعدها

بدات اعمل نظام المشى ونظام تمارين البطن 5 ايام فى الاسبوع وبدعى ان ربنا يقوينى انى اتخلص من البطن وعشان اشجع نفسى بقعد اشوف مدربات الايروبكس وبطنهم مستوية واقول حابقى كدا ان شاء الله وافتكر ايام مكنش عندى بطن وارجع اقوى نفسى
الاول كنت بقول انا بشتغل وبرجع تعبانة بضحك على نفسى بالكلام ده بس قررت انى مفيش كسل انا مش محتاجة غير ساعة مشى بقيت بنزل قبل ميعاد شغلى بنص ساعة بدرى وامشى الصبح وانا رايحة الشغل ولو صحيت متاخر وانا راجعة بمشى المهم امشى ولغيت كلمة كسل وعارفة ان ربنا اكيد فى نهاية حيخلصنى من بطنى لانى بعمل اللى عليا وتمارين البطن اول ما برجع من الشغل قبل ما اتغدى اعملها نص ساعة ابتديت 25 عدة لكل تمرين بعدها 30 وجلوقتى 50
طبعا انا لسه فى الاول النتيجة لسه بدرى عليها عشان محدش يقتكر ان دهون وزن زايد اللى حصل فى سنة حينتهى فى اسبوع لا لسه الوقت حيبقى اطول بس حتحسى انه فى فرق ...
قولتلكم تجربتى عشان تتشجعوا ياريت كل زوجة عايزة تبتدى تعمل تجديد ابداى لو وزنك زايد نزلى وزنك ابداى دايت وياريت تروحى لدكتور دايت عشان تاخدى حاجة صح متفضليش تجربى فى نفسك
لو وزنك حلو بس عندك منشكلة معينة زى البطن او الارداف او غيره ركزى على تمارين المخصصة لده والعبيها 4 مرات فى الاسبوع واعتبريها مش حاجة ثانوية هى حاجة اساسية
حتلاقى على يوتيوب تمارين مخصصة لكل جزء من الجسم وكنت حاطة اللينكات التمرينات شغليها ادامك واعملى عشان تتشجعى وتحسى ان حد معاكى بيلعب وشوفى حد من اصحابك او هنا فى المنتدى بنت تكون عندها نفس المشكلة واتفقى معها تشجعوا بعض وانا اول واحدة معاكم اللى عنجها بطن نتشجع سوا ونعمل تمرين
لو جسمك مترهل بعد الولادة والله ولا كريمات ولا غيره تمارين ايروبكس او المشى احل حلى لشد الجسم وانا شوفت ده بنفسى
كان معايا بنت جسمها مترهل جدا لدرجة ان الجلد مترهل كان مطنى والبنت كانت متضايقة البنت بقيت تعمل ايروبكس وتمشى دلوقتى جسمها ماشاء الله مشدود كانها عاملة عملية تجميل
بردو بنت تانية صاحبتى بعد ما ولدت وزنها زاد جدا لدرجة انى والله لما شوفتها احسبها لسه حامل بس هى برافوا عليها 3 شهور دايت ورياضة بقيت جسمها احلى من قبل الجواز
النماذج الايجابية كتير ركزى عليها اشمعنى ممثلات بعد ما يتجوزوا يفضل جسمهم حلوة وبعد ما يولدوا جسمهم تحفة طبعا حنقول عمليات التجميل والشد ماشى هو ده صح بس مش معقولة بيخسوا بالعمليات اكيد هما بردو بيتعودوا على نظام الدايت والرياضة والمشى وعمليات شىء اضافى
يعنى مثلا ممثلة زى غادة عادل ولدت 5 مرات تعالى شوفى رشاقتها
وجسمها ..
بريتنى سبيرز بعد ما ولدت اول حاجة عملتها بتروح الجيم وتلعب وحتلاقوا كليبات بتعتها وهى بتتمرن
مذيعة على قناه فضائية مش فاكرة اسمها شوفتها كانت عاملة لقاء وهى فى الجيم لان جسمها زاد بعد الولادة وعملت دايت ورياضة
انتى مش اقل منهم وكل واحد عنده مشاغل يعنى غادة عادل اكيد مشغولة اكتر منك حتى لو عندها حد يساعدها موضوع الاهتمام وانك تنزلى الوزن لو انتى ناوية حتقدرى اما لو مذبذبة حاقولك مش حتعرفى

اما تتشجعى بجد اما لا بلاش تتعبى نفسك وبعد اسبوع توقفى

بحاول اقولكم على نماذج كتيرة عملية عشان يبقى كلام عملى

يعنى معايا 2 من صحابتى واحدة بجد بقالها سنة ونص عايزة تخس اللى بيحصل انها تتحمس يوم وتروح دكتور وتعمل دايت بعد اسبوع ترجع تاكل ولا تلتزم ولا حتى تلعب اى تمارين مع انها متجوزة ومعاها بنتين ترجع تانى تعيد نفس الكلام وتشترك فى جيم وتروح اسبوع وتكسل راحت اشتريت حزام ساونا ولا التزمت راحت جابت زينيكال ولا حتى مشيت عليه واخر حاجة جابت حبوب تخسيس جديدة بتاعة سيجما اورليستات ولقتها واحنا بنتغدى سوا فى مطعم من اسبوع بتاخدها بقولها يا رورو انتى بتاخدى ايه قالتلى عشان اخس قولتلها انتى بقالك سنة ونص محتارة ومعملتيش اى حاجة وفى الاخر تقولى حاشترى كمان زينيكال معرفتش ارد عليها لانى احتمل كنت حاضربها ههه اللى زعلنى ان بنتها لقيت جسمها بدا يزيد وهى عندها 8 سنسن عادات غذائية غلط واتعلمت من مامتها
على عكس التجربة ديه بنت صاحبتى تانية كانت معانا بردو ولدت بس عكس تماما مصممة جسمها يرجع حلةو وتعمل دايت وفعلا بتمشى رغم البيبى معاها تاخده وتنزل بيه تمشى تقولى انا استفيد وابنى يستفيد انه يغير جو ورغم انها مش مستقرة فى مصر بس عملت كمان نظام لها لما تسافر حتى بتدور على دكتور من قبل ما تسافر وبتحوال تعرف اماكن للمشى فى الرياض وحتشترى سير كهربائى فى البيت ومصممة وزنها ينزل وتقولى عشان نفسى وعشان صحتى وعشان جوزى مبدا دلعى نفسك قبل ما تدلعى غيرك
انا عارفة انى طولت عليكم بس والله فعلا انا بحبكم جدا كلكم ونفسى كلنا نبقى مرتاحين ومبسوطين حتى لو كان عندنا مشاكل وهموم مادول بتعدى خلاص بلاش نقف عندها وننسى نفسنا
طبعا ده اول كلام عن التجديد بعد الجواز وطبعا حنتكلم ان شاء الله على حركات والدلع واللبس وكل حاجة تعمل تجديد بس كلام نهاردة حسيت انه اهم من بعد كدا
عشان كدا ركزى انتى الاول مشكلتك ايه وعالجيها قبل ما تبداى فى حاجة النهاردة اتكلمنا على الوزن الزايد بكرة نكمل ان شاء الله
منقول