احلى بسبوسة محشية بالصور

1. مساء او صباح الورد

مساء او صباح الورد

يارب كل الفراشات بخير وعافية .. اليوم جبت لكم طريقة بسبوستي المحشية كل من ذاقها طلب طريقتها لذيذة وسهلة .. نبداء
المقادير والطريقة: المقاس علبة القشطة .. بالخلاط (علبة قشطة + علبة سميد + علبة جوز هند + علبة سكر + نص العلبة زيت + ربع العلبة ماء + بيضتين + ملعقة BP + شوي فانيلا) تخلط وبعدين يصب ثلث المقدار بصينية مدهونه زيت "طبقة بسيطة" تدخل الصينية بالفرن من اسفل حتى تستوى الطبقة..
بعد ماتستوى تترك تبرد شوي وتوضع علية الحشوة اللي هي.. مقادير الحشوة: على النار (8 ملاعق حليب بودرة + 2 ملعقة نشاء + بيضة + كاس وربع ماء) تحرك على النار لين يبداء الخليط يثقل شوي "لايصير ثقيل مرة عشان ماتتوهقين بعدين"
يوضع على طبقة البسبوسة ويسواى جيداً
بعدين يصب باقي الخليط اللي بالخلاط علية ويدخل الفرن من أعلى فقط
"لك الحرية بتزين البسبوسة احيانا احط علية كنافه او سمسم وادخلة الفرن"
بس اليوم ماحطيت شي لاني سويته بالصينية اللي تقلب..
هنا بعد ماطلعته من الفرن..
تركته تبرد شوي وحطيت علية شوي شيرة وقلبته بصحن التقديم وزدت الشيرة شوي من فوق..
أذا سويته بصينيه مربعه اقطعه دوائر بالقوالب يطلع شكلة خطير..
وبس خلصت البسبوسة .. إن شاء الله تعجبكم وتسونها
تحياتي للجميع .. اللي تشوف موضوعي اتمنى منها تدعيلي ان الله يحقق اللي في بالي
الله الله بالردود اللي توسع الصدر