احلى شامبو لجميع انواع الشوش ههه

1. 2- البلسم ماتحتاجينه ممكن تستغنين عنه وتاخذين الماسك افضل .

اهلين بنات
اخباركم
ان شاء الله تمام
اليوم كنت ارد على وحده من البنات هنا تسأل عن حل لشعر بنتها الصغنونه الله يخليها لها
فا جا على بالي اكتب موضوع الكل يستفيد منه
والموضوع عن افضل شامبو في السوق اللي هو لوريال
هذا الشامبو عدل شعر اكثر من بنت استخدمته
فاللي عندها اي مشكله تحاول تجربه لمده شهر وتشوف تعدل شعرها او لا ..
وفيه 4 اشياء للشعر من هالشركه ممكن تستخدمينهم كلهم وممكن لا
عندهم:
1- الشامبو
2- البلسم
3- السيريوم <--- لغير الناطقين ههه هذا طال عمرك يستخدم كلمعه للشعر تحطين منه نقطه مو تترسين شعرك ويطلع تقل مزيت فهو ملمع ويعمل كحمايه للشعر ممكن تحطين منه قبل السشوار .
4- ماسك الشعر <----- يعمل كمغذي للشعر ينحط بعد غسل الشعر من الشامبو وينحط لمده 5 الى 10 دقايق ممكن بهالوقت تفركين جسمك او تفركين جبهتك ههه اقصد وجهك يعني شوفي لك صرفه
بعدها تغسلين شعرك وتطلعين ونعيماً ..
نجي عاد للأنواع
فيه للشعر الشوشه واللي حالته حاله هنا تستخدمين اللي لونه اورانج شفاف هذي صورته مقاوم للتجعد
الثاني هذا مقاوم لتكسر الشعر
وهذي صورته
وهذا للي شعرها طويل
( اذا كان شعرك طويل لكن منعدم انصحك خذي واحد من النوعين اللي فوق واذا تعدل خذي هذا)
اما في حال كنتي صابغه شعرك فانصحك بهذا لأنه يحمي لون الصبغه
وهذا في حال ان شعرك تعدل وصار حلو بعد ماجربتي اللي فوق او شعرك خلقه حلو فخلك على هذا لأنه مغذي حلو
ملاحظات :
1- الي لونه اورانج تستخدمينه لحد مايتعدل شعرك بعدين تغيرينه و تاخذين الابيض اللي بالعسل لأنه استمرارك على اللي لونه اورنج يبدأ شعرك يومين الا هو مزيت ..

2- البلسم ماتحتاجينه ممكن تستغنين عنه وتاخذين الماسك افضل .

3- ممكن اذا شعرك متعقد لين قال ربي الله ولا تقدرين تمشطينه ابد ممكن بعد ماتغسلين شعرك بالشامبوا وغسلتيه تحطين الماسك وتوزعينها على شعرك وعلى العقده وتحطين شويه مويه او تخلين الدش على شعرك يصب شوي شوي وانتي تمشطين بتحصلين العقده راحت بسرعه وشعرك يسيح
4- السيريوم حمايه للشعر من الجو او السشوار او جل التجعيد او او ... فحطي نقطتين بيدك من السيريوم وحركيه بيدك وبعدها وزعيه على شعرك ولاتقربين الفروه او القصه الاماميه حاولي تحطينه على الاطراف
وممكن تستخدمينه بعد السشوار يعطي لمعه طبعا حطي بيدك نقطه تكفي مو تطلسين الشعر ويطلع تقل مزيت وتدعين علي انه خرب سشوارك لا حطي نقطه ووزعيه على نهايه الشعر ..
5- اذا عندك اي سيريوم مثل كرستال وغيره فا ماله داعي تشترين هذا لأنه نفس النتيجه .
اخيراً ...
اللي ابيه من سعاده سموكم تدعون لي بظهر الغيب ان ربي يوفقني ويرزقني بالذريه الصالحه السليمه الخلق والخلقه ..
يعني كل ماتشوفين شعرك يتعدل بعد كل ترويشه قولي الله يوفق اللي قالت لي عنه ..<< نشبه
احبكم كلكم يا أحلى فراشات وهذي لكل وحده تدخل موضوعي سواء ردت على موضوعي او قرته وطلعت ..
الله يوفقنا جميعاً يارب