احلى شيز كيك ذقتوه بحياتكم لايفوتكم

طريقة عمل هذا الشيز كيك سهله بالمره وطعمه زي شيز كيك فاكتوري ويمكن احلى وصدقيني كل من راح يذوقه بيجنن عليه ويقلولك جايبته من بره وانتي عاد دلعي عليهم شوي ماراح اطول عليكم
طريقته:
1-تطحني 1بكت بسكويت الشاي وتفركيه مع 4ملاعق كبيره زبده و1ملعقة كبيره قشطه وترصيه كقاعده في صينية الشيزكيك او اي صينيه مشابهه.
2- تطحني في خلاط العصير 2علبة زبادي صغير+5فنجان قهوه حليب بودره +3فنجان سكر+5حبات جبن كيري وتصبيها على قاعدة البسكويت ودخليها الفرن من تحت حتى تتماسك ممكن ربع ساعه يكفي بعدين دخليها الثلاجه حتى تبرد.
3-الطبقه الثالثه والأخيره تجيبي علبة التوت الأزرق ( blue barry) تلاقيه في السوبر ماركت في قسم الكيك وتزيينه على فكره تكفي نصف العلبه والنص الثاني خليه المره الجايه
اذا ماتوفر التوت الأزرق ممكن تحطي اي نوع جلي
او تحطي ظرف كريمه وشوية كاكاو مع بيالة ماء وتحركيهم على النار وتضعينها فوق الطبقه رقم 2 ودخلينها الثلاجه.
جربوه ان شاء الله ماراح تندموا وبصحه وعافيه.